Jeremías 39:16 - Bible in Tzeltal de Oxchuc y Tenejapa

¹⁶ —Baan ilawil, c'opona te Ebed-melec, te etiope-winique. Albeya: “Te Cajwaltic te Spisil ya xju' yu'une, te Dios yu'un Israel, ya yalbat: ‘Ya me jc'otes ta pasel te bila calojix yu'un te lume, ta swenta bila amen ta stojol, ma ta swentauc yutsilal. C'alal ya xc'ot ta pasel, ya me awil.

Bible in Tzeltal Bachajón

¹⁶ Bahan halbeya te Ebed-melec te etíope-winic: Hich yaloj te Jehová te scuentahinej spisil, te Dios yu'un Israel: Ya jc'ohtes ta pasel te bin caloj ta stojol te pueblo ini te bin chopol, ma ha'uc te bin leque. Ya xc'oht ta pasel ini ta stojol asit.

Jeremías 39:16 Referans Kwoze

Daniel 9:12

Te ja'ate, te bit'il la awac'botic tel ta jtojoltic te bitic mero amene, jich c'ot ta pasel awu'un te awaloj te ya awac'botic castigo soc te ajwaliletic cu'untique. Melel ma'yuc castigo jich c'oem ta pasel ta balumilal te bit'il julem ta stojol Jerusalén.

Zacarías 1:6

Pero te c'opetic soc te mandaletic cu'un te la calbey yalic te abatetic, ja'ic te j'alwanejetic cu'une, c'ot ta stojolic te antiguo ame'-atatique, jich sujt'ic ta jtojol. C'ot ta yo'tanic te jo'on Ajwalilon te Spisil ya xju' cu'une, te la cac'bey sna'ic ta yo'tanic, chican bi yilel stalelic soc bi yilel yat'el spasojic”, uta me —xi' te Cajwaltique.

San Mateo 24:35

Ya xlaj te ch'ulchane soc te balumilale. Yan te jc'ope ma xlaj sc'oplal stuquel.

Jeremías 36:31

Ja'at soc te ats'umbale, ja' nix jich te mach'atic toyol yat'elic awu'une, ya cac'bey castigo yu'un te smulique. Ya me cac' te ya xjul ta atojolic ja'ex, soc ta stojol mach'atic yajwal Jerusalén soc Judá, ta spisil te woclajel te la calbeyex sc'oplale, ja' te ma la awich'ic ta muc' te ja'exe’, xi' ac'oplal yu'un te Cajwaltique”, uta me —xi' te Diose.

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 26:20

Ja' nix jich te Urías te yan j'alwanej, snich'an Semaías, te talem ta lum Quiriat-jearim, c'opoj ta swenta Cajwaltic ta stojol te lum, soc ta spamal te q'uinale, jich nix bit'il te Jeremías.

Jeremías 26:18

—C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Jeremías 26:15

Ja'uc me to, ta mero melel na'aic me ta lec: Teme ya amilonic te ja'exe, ya me amulinic soc yajwal te lum te ya amilic jtul winic te ma'yuc smule. Ta mero melel ja' la sticunon te Cajwaltic ta yalel ta jamal ta spisil te bitic la cale —xi' te Jeremiase.

Salmos 92:11

Ya me quil bit'il ya xyalic te jcontrotac; ya me caiybey yajc'anic te mach'atic amenique.

2 Crónicas 36:21

swenta yu'un ya me xc'ot ta pasel te bila yaloj Dios ta swenta j'alwanej Jeremías. Jich yu'un te slum-sq'uinalique bin nax yo'tan c'oem, yu'un te la xcux yo'tan, melel xcuxoj bael yo'tan ta spisil te jayeb c'aal jineme, ja' to c'alal c'ax te lajuneb xchanwinic (70) ja'wile.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Amós 9:4

Teme ya xtsacot loq'uel ta slumal yu'un te scontrotaque, ya jticun bael puñal, ya xba smil. Ya cac'bey spisil ora te bila ma lecuc, ma ja'uc te bila leque —xi' te Cajwaltique.

Jeremías 40:3

Ta ora yo'tic la sc'otes ta pasel te sc'ope. Jich c'ot ta pasel ta atojolic te ja'exe, melel la apasic mulil ta stojol te Cajwaltique, ma la awich'beyic ta muc' te sc'ope.