Jeremías 39:1 - Bible in Tzeltal de Oxchuc y Tenejapa

¹ Ta slajunebal u yu'un a te sbalunebal ja'wil yat'el ta ajwalil te Sedequías ta Judá, te Nabucodonosor muc' ajwalil yu'un Babilonia been tel spisil soc te soldadoetic yu'une, tal yac'bey guerra te Jerusalén, la sjoytayic ta jyalel.

Bible in Tzeltal Bachajón

¹ Ta slajunebal u yu'un te sbalunebal ha'bil yochel ta ajwalil yu'un Judá a te Sedequías, te Nabucodonosor ajwalil yu'un Babilonia soc spisil te soldadohetic yu'un la sjoytayic ta guerra te Jerusalén.

Jeremías 39:1 Referans Kwoze

Zacarías 8:19

—Scomel we'eliletic ta swenta xchanebal u, yo'ebal u, sjuquebal u soc te slajunebal u, ya me xc'atp'uj ta swenta yutsil q'uinal yaiyic, soc ta buen t'ujbil q'uinetic yu'un te patil alnich'anetic yu'un Judá. Ja' me xamulanic jiche te bila smelelil, soc te lamal q'uinal awu'unique —xi' te Cajwaltique.

Deuteronomio 28:36

“Te Cajwaltic ya me yac'at ta chuquel bael soc te muc' ajwalil awu'un, ta jun nación te ma'yuc x'awile, soc te ni ja'uc xyilic te ame'-atate. Tey me ya sujat ta abatinel yu'un yan diosetic a, te pasbil ta te' soc ta ton.

Jeremías 32:1

Te Cajwaltic la sc'opon Jeremías ta slajunebal ja'wil yat'el ta ajwalil ta Judá a te Sedequías; ja' swaxaclajunebal ja'wil yat'el ta ajwalil a te Nabucodonosor.

Jeremías 34:1

Te Nabucodonosor, muc' ajwalil yu'un Babilonia soc spisil te soldadoetic yu'une, ja'ic te mach'atic loq'uemic tel ta yantic nacionetic te ayic ta sc'abe, yacalic ta stenel ta guerra te Jerusalén soc spisil te lumetic te nopol ayic soque. Te Cajwaltic la sc'opon te Jeremías, jich la yalbey:

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 42:18

“Te Cajwaltic te Spisil ya xju' yu'une, te Dios yu'un Israel, ya yal: “Te quilimba til ta stojol te yajwal Jerusalén, jich nix ya xtil ta atojolic teme ya xbaex ta Egipto. Ja' me ya xc'atp'ujex ta ejemplo yu'un te castigo te ya yac' xiwel; soc ma'yuc bi ora ya awil xan in q'uinal to”, xi' xan.

Ezequiel 4:3

Ya me atsac jun lejch'el-taq'uin ya awac' ta awolil soc te sloc'ombail lum Jerusalén, jich yilel te bit'il joyob ts'ajq'ue. Ya atejc'an aba ta elawal yu'un te lume, jich yilel te bit'il ya awac'bey guerra. Ja' me seña ya xc'ot ta stojol te israeletique.

Ezequiel 5:2

Te bi ora ya xlaj te guerra ta stojol te lume, chic'a jtomuc te stsotsil ajol ta yolil te lume. Patil ya me atsac jun cuchillo, set'a xan jtomuc te stsotsil ajol ta sjoyobal sti'il te lume. Te jtom xan ya xjile, puca bael ta ic'. Te jo'one ya me xboon ta spat ta smilel ta puñal te winiquetic ta lume.

Ezequiel 33:21

Ta yo'ebal c'aal a te slajunebal u yu'un te slajchayebal ja'wil te ic'ototic bael ta mosoil, ay jtul winic te loq'uem jajch'el ta anel ta Jerusalén, tal ta jtojol, la yalbon caiy te ochix ta sc'ab controetic te Jerusalén.

Ezequiel 40:1

Ta slajunebal c'aal a te u, ja' sc'aalelal a te ach' ja'wile, te Cajwaltic la yac' tel sc'ab ta jtojol. Ta swenta nax yu'el la yic'on bael ta slum-sq'uinal Israel la caiy. Ya xloq'uix jo'eb xcha'winic (25) ja'wil a te ic'ototic bael ta Babilonia, chanlajuneb ja'wil a te c'alal la yich' jinel Jerusalén. Ta slum-sq'uinal Israel te Cajwaltic la yac'on ta sba muc'ul toyol wits la caiy. Te c'alal tey ayon a, la quil bael ta stojol sur, tey ayic bayal nanatic a, pajal soc jpam muc'ul lum yilel.

2 Crónicas 36:17

Jich yu'un te Cajwaltic la yac' taluc soc soldadoetic te Nabucodonosor, te ajwalil yu'un caldeoetic, tal smilbey ta puñal te yal-snich'anic ta mero templo, ni ma'yuc c'uxtayel yu'un te queremetic, te ach'ixetic, te mamaletic, ni ja'uc te mach'atic ma'yuc bila ya xju' spasique. Spisilic la yac'bey ta sc'abic te Cajwaltique.

Jeremías 6:6

Te Cajwaltic te Spisil ya xju' yu'une, ja' la yalix mandal: —Bojaic tel te'etic, but'aic moel lum ta spat sts'ajc'ul ta swenta yac'beyel guerra te Jerusalén. Te lume ya x'ilbotix swocol ta castigo, melel nojel uts'inel tey a.

Jeremías 52:1

Te Sedequías ayix jun xcha'winic (21) ya'wilal a te c'alal jajch' ta at'el ta ajwalile, at'ej ta ajwalil ta Jerusalén bulucheb ja'wil. Hamutal sbiil te sme'e, yantsil-nich'an Jeremías talem ta Libná.