Jeremías 37:1 - Bible in Tzeltal de Oxchuc y Tenejapa

¹ Te Nabucodonosor, muc' ajwalil yu'un Babilonia, la yac' ochuc ta muc' ajwalil ta Judá te Sedequías snich'an te Josías, ta swenta sjelol te Jeconías snich'an Joacim.

Bible in Tzeltal Bachajón

¹ Te Nabucodonosor ajwalil yu'un Babilonia la yotses ta ajwalil yu'un Judá te Sedequías snich'an Josías scuenta sjelol te Jeconías snich'an Joacim.

Jeremías 37:1 Referans Kwoze

Jeremías 22:24

Te Cajwaltic la yalbey te Jeconías snich'an Joacim, te muc' ajwalil yu'un Judá: —Te bit'il cuxulon ya awile, jich ya cal: Manchuc me jichat te bit'il jch'ocow swenta sello te ay ta swa'el jc'abe, ya jloq'uesat tel tey a,

2 Reyes 24:17

Patil te muc' ajwalil yu'un Babilonia la yac' ochel ta muc' ajwalil te Matanías, ja' la sloq'uesbey te snich'jun Joaquín. La sjeltaybey sbiil, Sedequías c'ot yu'un.

2 Reyes 24:12

Te Joaquín muc' ajwalil yu'un Judá, te sme', te abatetic yu'un, te jwentainwanejetic yu'un, soc te winiquetic jun yo'tan sba soque, spisilic la yac' sbaic ta sc'ab te muc' ajwalil yu'un Babilonia. Ac'otic ochel ta chuquel yu'un ta ora, waxaquebix ja'wil yat'el ta muc' ajwalil a te Nabucodonosor te jich c'ot ta pasele.

Jeremías 52:31

Ta jo'eb xcha'winic (25) c'aal ta slajchayebal u yu'un a te sjuclajunebal xcha'winic (37) ja'wil sbael ta chuquel te muc' ajwalil Joaquín ta Judá, jajch' ta at'el ta muc' ajwalil ta Babilonia te Evil-merodac. La yac' ta ilel yutsil yo'tan ta stojol Joaquín, la sloq'ues ta chucjibal.

Jeremías 24:1

Te Cajwaltic la yac'bon quil cheb mochetic te nojelic ta higoetic te pachalic ta stojol templo. Jich c'ot ta pasel ta c'alal te Nabucodonosor te muc' ajwalil yu'un Babilonia yic'ojix bael ta slumal te Jeconías, te snich'an Joacim te muc' ajwalil yu'un Judá, te jtsobwanejetic yu'un, soc te mach'atic ay bayal bila ya sna'ic spasele, te mach'atic ya x'at'ejic ta jten-taq'uine.

Jeremías 22:28

¿Jich bal c'oem Jeconías te bit'il vasija te top'enix, te mero ma'yuquix yutsile, o jun plato te ma'yuc mach'a ya sc'ane? ¿Bi yu'un te ya xjipot bael soc snich'nab tey a ta yan lumq'uinal te ma na'biluc sbae?

Jeremías 21:1

Te muc' ajwalil Sedequías la sticun bael te Pasur snich'an Malquías, soc te sacerdote Sofonías te snich'an Maasías, ta yilel te Jeremías, soc te yacuc yalbey: —Wocoluc jojc'obotic Cajwaltic a te bit'il ay te bila yac ta c'oel ta jwentatique, melel te Nabucodonosor te muc' ajwalil yu'un Babilonia, ya yac'botic guerra. Ayuc bit'il ya spasbotic jchajp at'elil, te ya sticunbotic sujt'el te Nabucodonosor —xi' te Sedequíase. Jich yu'un te Cajwaltic, la sc'opon Jeremías,

Jeremías 34:2

—Jo'on Ajwalilon, Dioson yu'un Israel, ya jpasat ta mandal te ya xba awalbey te Sedequías, muc' ajwalil yu'un Judá: “Jich ya yalbat te Cajwaltique: ‘Ya me cac'bey spas te muc' ajwalil yu'un Babilonia te ya yochintay te lum soc te ya xchic' jilele.