Jeremías 36:3 - Bible in Tzeltal de Oxchuc y Tenejapa

³ Te ayuc bit'il ya xc'ot ta yo'tanic te mach'atic ayic ta Judá spisil te woclajel te jnopoj ya jticunbey tele, te yacuc yijq'uitay te bila amen ya spasique, jich ya jpasbey perdón yu'un —xi'.

Bible in Tzeltal Bachajón

³ Te sna Judá, c'alal ya ya'iy spisil te bintic chopol jnopoj te ya jpasbe, ya wan suhtes yo'tanic jujutuhl yu'un te chopol be yu'unique, hich ya jpasbe perdón yu'un schopolil soc smul, xchi.

Jeremías 36:3 Referans Kwoze

Jeremías 18:8

teme ya yijq'uitay te bila amene, jich ma ba ya jticunix tel ta stojol te castigo te chapalix cu'une.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

Ezequiel 12:3

Ja' yu'un, chajbana abiluc, jich yilel te bit'il ya xbaatix, yu'un ya x'ic'otat bael ta mosoile. Ta c'aaleltic me ya apas, jich me ya yilic spisilic. Ya me xloc'at jajch'el ta ana, ya me xbaat ta yan q'uinal. Jich wan ya sna'ic te ja'ic te lum te tulan yo'tanique.

Jeremías 26:3

Te ayuc bit'il ya yich'bat ta muc', te ya yijq'uitayic te bila amen ya spasique, te toj ya yac' sbaique, jich me ya jnop te ma ba ya cac'bey castigo yu'un sbolil te yat'elique, te jnopojix ya cac'beye.

Deuteronomio 30:2

teme ya sujt'ex ta stojol, soc teme spisil awo'tanic ya ach'uunic soc spisil acuxlejalic, ja'ex soc te awal-anich'nabique, jich te bit'il ya jpasex ta mandal ta ora in to,

Jeremías 36:7

Te ayuc bit'il ya yalbeyic wocol te Cajwaltique, soc te ya yijq'uitayic jilel te amen yat'elique, swenta manchuc ya xjul ta stojol te lum te yilimba soc te sc'ajc'al yo'tan te Cajwaltic te muc' ta jyalele —xi' te Jeremiase.

2 Pedro 3:9

Ma yu'unuc jal c'aal xan ma xc'ot sc'op yaloj te Cajwaltique, jich bit'il ay mach'atic te jich scuyojique. Scaj nax yu'un te ya smaliyotique, melel ma sc'an teme ay mach'a ch'ayel ya xbajt'e. Ja' ya sc'an te yacuc sujt'es yo'tanic ta stojol te Diose.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

San Marcos 4:12

swenta yu'un jayebuc te ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic. Jich ma ba ya sujt'es yo'tanic soc ma spasbotic perdón yu'un te smulique —xi' te Jesuse.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Jeremías 24:7

Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

Jeremías 18:11

“Albeya te ants-winiquetic ta Judá soc te yajwal Jerusalén: “Jich ya yal te Cajwaltique: ‘Yacon ta xchajbanel ac'oplalic ta jcontroinbelex; yacon ta snopel te ya cac'beyex castigo. Ijq'uitayaic jilel te be te amene; tojtesaic te awo'tanic soc te awat'elique’, xi' me”, ya me awut.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

Deuteronomio 30:8

Pero te ja'exe ya sujt'ex ta stojol Cajwaltic, ya me ach'uunic xan, soc ya me apasic bael ta spisil te mandaliletic te ya calbeyex yo'tic.

Hechos 28:27

Melel te yo'tanic te lume, pimuben ta jc'axel; wocol ya sc'an ya yaiyic stojol ta xchiquinic. Smuts'oj sitic, yu'un ma sc'an yilic ta sitic. Soc ma sc'an yaiyic stojol c'op ta xchiquinic, soc ma xyac' te ya xc'ot ta yo'tanique. Soc ma sc'an sujt'es yo'tanic ta jtojol te ya jlamantesbey xchamelic, xi' te Diose”, te xie.

Hechos 26:20

Ja' sbabial la cal ta lum Damasco, soc ta patil ta lum Jerusalén, soc ta spamal sq'uinal Judea, soc ta stojol te jyanlumetique. La calbey te ya sc'an te ya yijq'uitayic te smulique, soc te ya sujt'es yo'tanic ta stojol te Diose, soc te ya sc'an xyanaj xcuxlejalic ta stojol te Diose, soc te ya sc'an ya xchicnaj ta yat'elic te bit'il sujt'emix yo'tanic ta melele.

San Lucas 20:13

“Te yajwal ts'usubiltique la yal ta yo'tan: “¿Bila lec ya jpas? Ja' lec ya jticun bael te jnich'an te bayal c'ux ta co'tane. Repente ya yich'bon ta muc' teme la yilique”, xi' ta snopel.

San Mateo 13:15

Te melel c'ax pimix yo'tanic te alumale. Ma xc'ot ta xchiquinic te c'ope. Smuts'oj sitic, yu'un ma sc'an yilic ta sitic, soc ma sc'an yaiyic stojol c'op ta xchiquinic, soc ma sc'anic te ya xc'ot ta yo'tanique, soc ma sc'an sujt'es yo'tanic ta jtojol, jich ma ba ya staic coltayel cu'un”, xi' te Diose.

Sofonías 2:3

Leaic Cajwaltic ta apisilic te ja'ex te peq'uelex ta balumilal, mach'aex ach'uunejbeyic te smandale. Toj xawac' abaic soc pejc'ana abaic, te ayuc bit'il ya ataic canantayel a te sc'aalelal yilimba te Cajwaltique.

Ezequiel 18:23

Te jo'on Ajwalilon ma jc'an te ya xlaj te mach'a amen yo'tane; ja' ya jc'an te ya xyanaj te yat'ele, soc te ya xcuxine. Jo'on Ajwalilon te jich caloje.

Jeremías 23:14

Quiloj te j'alwanejetic ta Jerusalén, ya spasic bitic ilaybil: ya spasic mulwej soc lo'laywanej, ya sjajch'bey xan yo'tanic mach'atic amenic te ma'yuc mach'a ya yijq'uitay sba yu'un te bila amen ya spase. Ja'ic soc te mach'atic yajwal te lume jich c'oemic ta co'tan te bit'il Sodoma soc Gomorra.

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

Nehemías 1:9

Pero teme ya sujt'otic ta atojole, soc teme ya cac'tic c'otuc ta pasel te mandaliletic awu'une, soc teme ya x'och jpastic xan spisil orae, melel awaloj te ya atsobotic tel tey a, soc awaloj te ya awac'otic xan tey ta banti tsabil awu'un te ch'ultesbil yu'un te abiile, manchuc me la quich'tic puquel bael c'alal ta xujc' sti'il te balumilale.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

Salmos 139:24

ila awil teme yacon ta beel ta sbelal te bila amen; tojtesawon ta be swenta sbajt'el q'uinal.