Jeremías 36:2 - Bible in Tzeltal de Oxchuc y Tenejapa

² —Tsaca junuc balbil jun, ts'ibuya tey a spisil te bila calojbat ta swenta Israel, Judá soc te yantic nacionetique, ja' to me te c'op jajch' calbat tel c'alal ay ta ajwalil a te Josías, ja' to c'alal ora yo'tic.

Bible in Tzeltal Bachajón

² Ich'a balbil hun, ts'ihbaya tey a spisil te bintic la jcalbat ta scontrahinel Israel, Judá soc spisil te nacionetic, c'alal bin ora hahch jc'oponat, ha te c'alal ay ta ajwalil a te Josías c'alal yo'tic.

Jeremías 36:2 Referans Kwoze

Jeremías 30:2

—Te Ajwalilon te Dioson yu'un Israel ya calbat: Ts'ibuya ta jun libro spisil te bila calojbate.

Jeremías 25:3

—C'alal to ta yoxlajunebal ja'wil yat'el ta ajwalil a te Josías te snich'an Amón ta Judá asta ora yo'tic, ja' te ayix oxeb xcha'winic ja'wil, te Cajwaltic la sc'oponon. Ta jujun buelta la calbeyex awaiyic te ja'ex ta jujun buelta; ja'uc me to, ma la awich'bonic ta muc'.

Jeremías 1:10

—Jo'on ya cac'bat jc'op ta awe. Yo'tic ya cac'bat awich' tulan awat'el ta bay ya xmandalaj ajwaliletic soc nacionetic, ta swenta sbulel soc swuyel coel, ta swenta sjinel soc ta slilanel, soc nix ta swenta spasel soc sts'unel —la yuton.

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Ezequiel 2:9

Jich la quilbey sc'ab winic, te sc'abe jich talem ta banti ayon, stsacoj jun ts'ibubil balbil jun.

Jeremías 51:60

Te Jeremías sts'ibuyejix jpajc' libro. Tey ts'ibubil a te sc'op te la yalbey sc'oplal spisil tulan woclajel ya xtal ta stojol te Babilonia.

Jeremías 36:23

Te c'alal la yilix cha'oxtsaluc te balbil jun te Jehudí, te muc' ajwalil la sboj ta ch'in cuchillo, la yac' ochel ta c'ajc'. Jich la spas ja' to c'alal c'ajc' yu'un spisil te balbil june.

Jeremías 36:6

Jich yu'un, baan, te bi ora ya scom swe'elic ta yan c'aal, albeya yaiyic te bila ts'ibubil ta balbil jun te la cal te la ats'ibuye, swenta yu'un te lum soc spisil yajwal lumetic yu'un Judá te ay talemic li'to, ac'a yaiybeyic stojol sc'op te Cajwaltique.

Isaías 8:1

Te Cajwaltic la yalbon: —Lea junuc ch'ujte', ts'ibuya tey a in biilil to: “Maher-salal-hasbaz”, te xie, ta letraetic te ya xju' ta ilele.

Salmos 40:7

Ja' yu'un jich la cal: “Li' ayon to, jich nix te bit'il ya yalbon jc'oplal te june.

Esdras 6:2

Ta spalacio te ajwalil ay ta lum Ecbatana te ay ta sq'uinal Media, la staic jun libro te banti chican ts'ibubil jilel te c'opetic te jich ya yale:

Oseas 8:12

Manchuc me jo'on la jts'ibubey bayal sp'ijubtesel, ja'uc me to, jchajp nax c'ot ta yo'tanic.

Jeremías 45:1

Ta xchanebal ja'wil yat'el ta ajwalil a te Joacim te snich'an Josías, te muc' ajwalil yu'un Judá, te Baruc snich'an Nerías yac ta sts'ibuyel a te bila yac ta yalel te j'alwanej Jeremías. Te Jeremías la yalbey:

Jeremías 36:29

Soc jich me ya awalbey: “Jich ya yalbat te Cajwaltique: ‘Ja'at la achic' te balbil june, soc la awut te Jeremías, te la sts'ibuy tey a te ya me xtal te muc' ajwalil yu'un Babilonia, ma me scom sba te ya xtal sjin te lumq'uinal, ma me ayuc ants-winiquetic ya yijq'uitay jilel, ni chambalametic.

Jeremías 2:4

Sts'umbalex Jacob, te yal-snich'anex Israel, aiybeya awaiyic sc'op te Cajwaltique.

Jeremías 1:5

—C'alal ma to ayucat ta xch'ujt' ame' a, tsabilatix cu'un a; c'alal ma to x'ayinat a, na'bilatix cu'un a, te ya cac'at ta j'alwanej yu'un te nacionetique —la yuton.

Job 31:35

“Ayuc bit'il ay mach'a ya yaiybon a te jc'ope. Ya cac' jfirma yu'un te bila calojixe; yo'tic ja' ac'a sjac'bon jc'op te Mach'a Spisil ya xju' yu'une. Ac'a yich' ts'ibuyel ta jun te jmule,

Deuteronomio 31:24

Te c'alal ju' yu'un sts'ibuyel ta libro te mandaliletic te Moisés,

Hebreos 10:7

Soc la cal: ‘Dios cu'un, ja' talemon yu'un te ya jpas te sc'anjel awo'tane, jich nix te bit'il ts'ibubil jilel jc'oplal ta bay balbil june’, xoon”, te xie.

Jeremías 1:9

Jich yu'un te Cajwaltic la yac' tel sc'ab, la spicbon que soc jich la yalbon:

Jeremías 36:14

Te mach'atic toyol yat'elic la sticunic bael te Jehudí, te ja' snich'an Netanías, te smam Selemías, soc ja' antiguo smam te Cusi, ba yalbey te Baruc te ac'a yich' bael te balbil jun te la yalbey yaiyic te lume. Te Baruc la stsac te balbil june, ba stejc'an sba ta stojolic,

Jeremías 36:18

Te Baruc la sjac': —Ja' te Jeremías la yal loq'uel tel ta ye stuquel, te jo'one ja' nax la jts'ibuy soc tinta ta balbil jun —xi'.