Jeremías 34:8 - Bible in Tzeltal de Oxchuc y Tenejapa

⁸ Te Cajwaltic la sc'opon Jeremías c'alal lajix yo'tan ta xchapel c'op te muc' ajwalil Sedequías soc spisil te yajwal te Jerusalén, te ya xjil ta libre te mach'atic smozoinejique.

Bible in Tzeltal Bachajón

⁸ Te sc'op Jehová te tal ta stojol Jeremías c'alal lajix yo'tan a te Sedequías ta schapel c'op soc spisil te ants-winiquetic ta Jerusalén te ha ya xhilic ta libre te mach'atic ayic ta mosohil,

Jeremías 34:8 Referans Kwoze

Levítico 25:10

Ta slajunebal yoxwinic (50) ja'wil ya me awalic ta jamal te ja' te ch'ul ja'wil swenta ainel ta libre. Ya me apuquic ta alel ta stojol spisil te yajwal lumq'uinal te ja' yorail ainel ta libre. Spisil winiquetic ya me xcha'sujt' xan bael ta yolil mach'atic ay yu'un, soc ya me sujt' xan bael ta yich'el te sq'uinalique.

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

2 Reyes 11:17

Patil te Joiada la yal te ya me xchap sc'opic soc Cajwaltic te muc' ajwalil soc te lume, ja' te bit'il ja'ic me te lum yu'un te Cajwaltique. Soc la xchap sc'opic te muc' ajwalil soc te lume.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Nehemías 9:38

Ta scaj spisil in to, te jo'otic la jchaptic ta jamal ta mero spisil co'tantic, soc la yich' ts'ibuyel ta jun. Te jun la yich' pasel soc te la yich' aq'uel selloile, la yac' sfirmaic a te jwolwanejetic cu'untic, levitaetic soc sacerdoteetic.

2 Crónicas 29:10

Ja' yu'un ta ora to jnopoj te ya jpas trato soc te Cajwaltic Dios yu'un Israel, swenta yu'un ya me sq'uejbotic bael te yilimba ta jtojoltique.

2 Crónicas 23:16

Ta patil te Joiada la spas trato soc spisil te lume soc te muc' ajwalile te ja'ic me te lum yu'un te Cajwaltique.

Deuteronomio 15:12

“Teme ay ya xchon sba ta abatil ta atojol te ajoy ta hebreoil, ants o winic, ja' nax me ya x'at'ej ta atojol waqueb ja'wil. Ta sjuquebal ja'wil ya me awac' ta libre.

Isaías 58:6

Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;