Jeremías 34:4 - Bible in Tzeltal de Oxchuc y Tenejapa

⁴ Sedequías, muc' ajwalil yu'un Judá, aiya me awaiy stojol te bila ya cal jo'on te Ajwalilone: Ma ba ya xlajat ta ye puñal.

Bible in Tzeltal Bachajón

⁴ Pero, Sedequías ajwalil yu'un Judá, a'iya me awa'iy bin ya yal te Jehová, yu'un hich ya yalbat ac'oblal: Ma ba ya xlajat ta espada;

Jeremías 34:4 Referans Kwoze

Jeremías 34:3

Te ja'ate ma xju' xcolat loq'uel ta sc'ab, ya me xchucat soc ya me x'ac'otat ta stojol. C'alal ya xlaj yo'tan te ya stejc'anat ta stojol, ya me yic'at bael ta Babilonia.

Jeremías 34:5

Jun nax me awo'tan ya xlajat, soc ya me xchic'bat perfume c'alal ya xmujc'at, jich bit'il la xchic'beyic c'alal mujq'uic te antiguo ame'-atatic te neel mandalaj awu'une. Soc ya me yalic: “Ay, cajwal, ayon ta mel-o'tan awu'un”, xiic me. Jo'on Ajwalilon jich yacon ta yalel’, xi' te Cajwaltic”, uta me —xi'.

2 Crónicas 18:18

Te Micaías la yal xan: —Ja' yu'un te bit'il la awalix, aiya awaiyic stojol sc'op te Cajwaltique: La quil te Cajwaltic nacal ta smuc'ul nactijib soc la quilbey spisil te ch'ul abatetic ta ch'ulchan te tec'ajtic ta sts'eel ta swa'el soc ta xq'uexen.

Jeremías 2:4

Sts'umbalex Jacob, te yal-snich'anex Israel, aiybeya awaiyic sc'op te Cajwaltique.

Jeremías 7:2

—Ac'a aba ta yochibal templo cu'un, jo'on te Awajwalone, ac'a ta na'el stojol tey a in c'op to: “Spisil ants-winiquetic ta Judá te ya x'ochex ta yochibal templo te ya aquejan abaic ta jtojol te Awajwalonique, aiya awaiyic stojol te jc'ope.

Jeremías 32:5

Te Nabucodonosor ya yic' bael te Sedequías ta Babilonia, tey me ya x'ain a ja' to me te c'alal ya cat'elin xan sna'ele. Manchuc me ya atsac aba soc caldeoetic te ja'exe, ma ba lec ya xc'oex. Jo'on Ajwalilon, jich ya cal —xi'.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.