Jeremías 34:16 - Bible in Tzeltal de Oxchuc y Tenejapa

¹⁶ Ja'uc me to, ta patil yanaj te awo'tanique, la aboltesbonic te jc'oplale; la acha'sujic ta abatinel ta mosoil te mach'a la awaq'uix ta libre, jich jajch'ic ta abatinel ta yan buelta ta mosoil.

Bible in Tzeltal Bachajón

¹⁶ Pero cha'suhtexix ta apatic soc la abohlobtesbonic te jbihile; jujutuhlex la acha'iq'uic xan te winic soc ants te awac'ojiquix ta libre te mach'a la sc'anique, la acha'otsesic xan ta mosohil.

Jeremías 34:16 Referans Kwoze

Levítico 19:12

“Ma me ayuc bila jc'axel ya awal ta jamal ta lot te ya atabon ta alel jbiil, melel ya me aboltesbon te yutsil jc'oplal te jo'on Dioson awu'une.

Ezequiel 18:24

“Pero teme ya squejch'an spasel te bila stojil ta pasel te mach'a toj yo'tane, teme ja' ya spas te bila amen ta pasel te ilaybil cu'une, jich te bit'il te mach'a amen yo'tane, ¿ya bal acuyic te ya to xcuxin te mach'a jich ya spase? Te jo'one ma ba ya jna'beyix te bitic lec spasoje. Ya me xlaj ta scaj smul, yu'un ma junuquix yo'tan.

Ezequiel 3:20

Soc teme repente ay winic te toj yo'tane, pero teme ay la yijq'uitay te toj-o'tanile, teme ja' jajch' spas te bila amen ta pasele, teme la cac' ta swenta lajel yu'une, teme ma ba la awalbeye, ya me xlaj yu'un te smule. Ma me ba ya quich'bey ta wenta te bila lec la spase, puersa me ya xlaj yu'un te smule, pero ja'at me ya quich'at ta c'op yu'un te ya xlaje.

Jeremías 34:11

Ja'uc me to, patil la xcha'na'ic xan te la yaq'uic ta libre, jich la xcha'sujic xan ta abatinel ta yan buelta ta mosoil.

Éxodo 20:7

“Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

1 Samuel 15:11

—Ma lecuc ya caiy te ja' och ta muc' ajwalil te Saúl. Melel la spijt'esix sba, ma ba la xch'uunbon te bi la calbey spase —xi'. Te Samuel mero ma ba lec la yaiy, sjunal ajc'ubal la yalbey bayal wocol te Cajwaltic yu'une.

Malaquías 1:12

Yan te ja'exe, ma'yucon ta ich'el ta muc' awu'unic; ma'yuc sc'oplal ta awo'tanic te scajtijib jmajt'ane, ja' te mesa cu'une, soc ma'yuc sc'oplal ta awo'tanic te we'elil tey a.

Malaquías 1:7

Te ja'ex ya awich'bonic tel we'elil boloben te ya awac'bonic ta scajtijib jmajt'ane; ja'uc me to, yacalex ta yalel: “¿Bila a te ma ba quich'ojticat ta muc' yu'un?” xaex. Ja' ma x'awich'on ta muc' a te ma'yuc sc'oplal ta awo'tanic te scajtijib jmajt'an,

Ezequiel 39:7

Jo'on me ya cac' ta na'el yu'un te lum Israel cu'un te jch'ul-biile, ma me ayuquix bi ora ya cac' sboltesbon xan. Te jyanlum nacionetic ya me sna'ic te jo'on Ajwalilon te ya cac' ta ilel te bit'il ch'ul Dioson yu'un Israel.

Ezequiel 20:39

“Albeya te lum Israele: “Jich me ya yal te Cajwaltique: ‘¡Baan ch'uunaic te loc'ombaetic awu'unique! Pero ta patil ja'ex me ya ach'uunbonic te jc'ope, soc ma ba ya aboltesboniquix te jch'ul-biil ta scaj te ya awac'beyic smajt'an soc te ya ach'uunic te loc'ombaetic awu'unique.

Ezequiel 13:22

Ja'ex, ta swenta alotic la awaq'uiquix ochuc xiwel ta yo'tanic te mach'atic lec yo'tanic, ja' te bila ma jc'an ya jpase. Pero te mach'atic amen yo'tanic, la awac'beyic xan yich' yip yo'tanic ta spasel te amen yat'el stuquelic, swenta yu'un jich ma ba ya cac'bey xcuxlejalic a.