Jeremías 34:10 - Bible in Tzeltal de Oxchuc y Tenejapa

¹⁰ Spisil te jtsobwanejetic soc spisil lum te lec yo'tanic yu'un te bila chajbaje. Jich la yaq'uic ta libre te mosoetic yu'unique, ma la sujiquix ta abatinel.

Bible in Tzeltal Bachajón

¹⁰ Spisil te jtsobawetic soc spisil te pueblo, te c'alal la ya'iyic te bin chapbil, ha te ya me yaq'uic ta libre te winiquetic soc antsetic te ayic ta mosohinel yu'unic, te mayuquix mach'a ya smosohinic, la sch'uhunic spasel soc la yaq'uic ta libre.

Jeremías 34:10 Referans Kwoze

Jeremías 26:16

Jich yu'un te jtsobwanejetic soc te lum la yalbeyic te sacerdoteetic soc te j'alwanejetique: —Ma'yuc bi swentail te ya yil swocol ta lajel te winique. La sc'oponotic ta swenta Cajwaltic te Dios cu'untique —xiic.

Jeremías 26:10

Te jtsobwanejetic yu'un Judá, c'alal la yaiyic stojol te bila yac ta c'oel ta pasele, loq'uic tel ta spalacio muc' ajwalil, bajt'ic ta templo, najc'ajic ta bay Yach'il Ti'nail sbiile.

San Marcos 6:20

Ja'uc me to, te Herodese la xi' te Juane, yu'un sna'oj stojol te toj ta winiquile soc te ma'yuc mulil ta yo'tane. Jich yu'un la yac' ta canantayel ta lec swenta yu'un ma xtaot ta milel. Te ajwalile bayal bila ma c'ot ta yo'tan te bila albot yu'un te Juane, ja'uc me to, la smulan te la yaiy stojole.

Jeremías 38:4

Jich yu'un, te mach'atic yich'oj yat'elique la yalbeyic te muc' ajwalile: —Ac'a yich' milel te winique, melel ta swenta sc'op ya snijq'uesbey yo'tanic te soldadoetic te ayic to xan ta lum, soc spisil te ants-winiquetique. Te winique ma ja'uc ya slebey yutsilal te lume, ja' ya slebey te bila amene —xiic.

Jeremías 36:12

Jich bajt' ta spalacio te ajwalile ta scuarto te cronista, te tey ayic ta tsoblej spisilic a te mach'atic toyol yat'elique: Te Elisamá, ja' cronista, Delaía snich'an Semaías, Elnatán snich'an Acbor, Gemarías snich'an Safán, Sedequías snich'an Hananías soc yantic te toyol yat'elique.

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Jeremías 34:11

Ja'uc me to, patil la xcha'na'ic xan te la yaq'uic ta libre, jich la xcha'sujic xan ta abatinel ta yan buelta ta mosoil.

Éxodo 21:2

“Teme ya aman jtul hebreo ya awabatin, waqueb nax me ja'wil ya x'at'ej awu'un. Ta sjuquebal ja'wil ya me xjil ta libre.

Levítico 25:10

Ta slajunebal yoxwinic (50) ja'wil ya me awalic ta jamal te ja' te ch'ul ja'wil swenta ainel ta libre. Ya me apuquic ta alel ta stojol spisil te yajwal lumq'uinal te ja' yorail ainel ta libre. Spisil winiquetic ya me xcha'sujt' xan bael ta yolil mach'atic ay yu'un, soc ya me sujt' xan bael ta yich'el te sq'uinalique.