Jeremías 33:7 - Bible in Tzeltal de Oxchuc y Tenejapa

⁷ Ya cac'bey xan yutsilal Judá soc Israel, soc ya jcha'pas xan, swenta yu'un jich ya xcha'c'otic te bit'il ayic ta xjajch'ibale.

Bible in Tzeltal Bachajón

⁷ Ya cac' suhtuc tal te jchuqueletic yu'un Judá soc yu'un Israel, soc ya jcha'pas xan hich te bin ut'il ayic ta nahil to.

Jeremías 33:7 Referans Kwoze

Jeremías 30:3

Melel ya xtal sc'aalelal te ya cac'bey xan yutsilal te lum cu'une, ja' te Israel soc te Judá. Jo'on Ajwalilon, jich ya cal. Ya jsujt'es tel ta bay lumq'uinal te la cac'bey yu'unin te sme'-statique —xi'.

Isaías 1:26

Ya me cac' te ayuc xan jchajbanwanejetic awu'unic jich bit'il ta neelale, soc jtojteswanejetic awu'unic jich bit'il ta xjajch'ibale. C'alal ya xlaj co'tan ta spasel, ya me jcha'albeyex ac'oplalic: “Lum te toj yat'ele, lum te jun yo'tane”, xi' me ac'oplalic.

Jeremías 32:44

Puersa me ya yich' manel, ya me yich' pasel contratoetic ta ts'ibuyel sc'oplal, ya me yich' maquel ta sello, soc ya me yac' sfirmaic te testigoetique. Tey me ya xc'ot ta pasel ta sq'uinal sts'umbal Benjamín, ta sjoylejal Jerusalén soc ta bay lumetic yu'un Judá, ta toyol witstiquil, ta peq'uel witstiquil, soc ta bay lumetic ta Néguev. Melel ya sta sc'aalelal te ya cac'bey xan te yutsilale. Jo'on Ajwalilon, jich ya cal —xi' te Cajwaltique.

Jeremías 31:4

Israel, ya jcha'pasat xan ta yach'il. Ya me xtalat yan buelta ta ajc'ot soc panderoetic ta yutsil awo'tanic.

Jeremías 29:14

Ya me cac' jba ta tael awu'unic te ja'exe; ya me jel te bit'il ayexe. Ta spisil te nacionetic ta bay la jpuquex baele, ya jloq'uesex tel tey a; ya me jtsobex, ya me sujt'ex tel, ya xloq'uex tey a ta bay la jticunex bael ta mosoil. Jo'on Ajwalilon, jich ya cal’, xi'.

Jeremías 42:10

“Teme jich awo'tanic te li' ya xjilex ta lumq'uinal to, ya me cac' esmajuquex; ma ba ya jinexix, tulan ya jts'unex, ma ba ya jbulex xan. Ya jmel co'tan yu'un te bila amen la jticunbeyex ta atojolique.

Jeremías 33:26

Jich yu'un, ma'yuc bi ora ya jch'oj bael ta co'tan sts'umbal Jacob soc David te cabate; ma xch'ay cu'un ta tsael loq'uel ta yolilic te mach'atic ya xmandalajic ta stojol te sts'umbal Abraham, Isaac soc Jacob. Melel te jo'one ya me jna'bey yo'bolil sbaic, soc ya me cac'bey xan yutsilalic —xi' te Cajwaltique.

Jeremías 31:28

Jich bit'il jun co'tan la jpas ta swenta sbulel, ta stijel coel, ta xch'ojel ta lum, ta sjinel, soc ta yac'beyel swocolic, ja' nix jich co'tan ta spasel soc ta sts'unel xan. Jo'on Ajwalilon, jich ya cal.

Jeremías 30:20

Te israeletic jich me ya xc'otic te bit'il ta neelal; te lum yu'une jun me yo'tan ta jtojol, soc jo'on ya cac'bey castigo te j'uts'inwanejetic yu'unique.

Jeremías 30:18

Te Cajwaltic la yal: —Ya jelbey sc'oplal, lec me ya xc'ot ta loq'uel te nación yu'un Jacob, ya me jna'bey yo'bolil sba te slumale; ya me spasic xan te lumetic tey nix a te bay jinemique, soc te palacioetic, ja' nix ta bay yawilique.

Jeremías 24:6

yacon ta scanantayel, soc ya me sujt'es tel li' ta q'uinal to. Li' ya cac' esmajuc, soc ma ba ya jcha'jin xan; ya jts'un, ma ba ya jcha'bul xan.

Jeremías 23:3

Jo'onix ya quic' tel te jayeb xan chijetic te bay la cac' anuc bael ta lumetique, ya jtsob tel, soc ya cac' sujt'uc tel ta bay te swe'elique, swenta yu'un ya me yac' bayal yalatac.

Salmos 126:4

Cajwaltic, yantesbotic xan te bila ma lecuc c'otix ta pasel ta jtojoltic, jich bit'il ya yich' yantesel te jochol taquin q'uinal ta yorail te ja'ale.

Salmos 85:1

Cajwal, mero buen lec awo'tan ta stojol te lumq'uinal awu'une; la awac' sujt'uc xan tel te yutsil yo'tan Jacob.

Salmos 14:7

Ayuc laj bit'il ya xtal ta wits Sión te scolel te lum Israele. Te Cajwaltic ya me yac'bey xan yutsilal te lum yu'une. Jich me bin nax yo'tanic a te sts'umbal Jacob, ja' ta spisil te lum Israel.

Zacarías 1:17

Soc jich la yalbon xan te ch'ul abate: —Albeya sc'oplal in to: Te Cajwaltic te Spisil ya xju' yu'une, jich ya yal: “Ya me cac' cha'lecubuc soc esmajuc xan bayal sbiluc yan buelta te lumetic cu'une. Ya me cac'bey xan jajch'el yach'il yip yo'tan te Sión, soc ya me jcha'albey xan yutsil sc'oplal te Jerusalén, te ja' lum te tsabil cu'une”, xi' me —xi' te ch'ul abate.

Sofonías 3:20

Te bi c'aalil ya xc'ote ya quiq'uex tel te ja'exe, ya jtsobex. Ya me jeltay te bila c'oem ta awentaique; soc ya cac' xpujc' ac'oplalic. Ya x'ich'otex ta muc' ta stojol spisil te lumetic ay ta balumilale. Jo'on Ajwalilon te jich caloje —xi'.

Oseas 2:15

Ya me cac'bey xan te ts'usubiletic yu'un, soc ya me jc'atp'un te xatal q'uinal Acor te tey me ya xchicnaj a te smuc'ul yo'tane. Tey me ya sjac'bon jc'op a jich bit'il te c'alal ach'ix toe, jich bit'il te bi c'aalil loc' tel ta Egipto.

Jeremías 33:11

c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Salmos 126:1

C'alal te Cajwaltic la yic'otic sujt'el ta Sión, jich c'ot la caiytic te bit'il yacalotic ta waichejele.

Jeremías 31:38

Te Cajwaltic jich ya yal xan: —Ya me sta sc'aalelal te ya yich' cha'pasel te lum cu'une, c'alal ta toyol ts'ajc' swenta iljibal q'uinal yu'un Hananeel ja' to ta Yochibal te banti yac'oj buelta te sts'ajc'ule.

Jeremías 50:4

Te Cajwaltic jich ya yal: —Te bi c'aalil ya xc'ot ta pasele, te ants-winiquetic yu'un Israel soc yu'un Judá yacalic me ta oq'uel ya xtal sleonic jo'on te Yajwalon te Dioson yu'unique.

Lamentaciones 4:22

Lajix castigo ta atojol, ja'at lum Sión; te Cajwaltic ma ba ya yac'at xan bael ta mosoil. Ja'uc me to, ja'at nación Edom, ya yac'bat castigo yu'un te bitic apasoje, soc ya yac' chicnajuc ta comonsitil spisil te amule.

Ezequiel 39:25

“Ja' yu'un, jo'on Ajwalilon te jich ya cale: Yo'tic ya me xtalix xc'uxul ta co'tan ta spisil te lum Israel, ja' te patil alnich'anetic yu'un Jacob. Ya me cac' te ya xyanaj te stalele, soc ya me calbey mandal te ya yac'bon ta ich'el ta muc' te jch'ul-biile.

Isaías 52:8

Aiya awaiy stojol. Ya me stoyes sc'opic te j'il-q'uinaletic awu'une, soc jun nax ya x'awunic yu'un te tsalawe. Melel ta sitic nix ya yilic te bit'il ya sujt' xan ta Sión te Cajwaltique.