Jeremías 33:6 - Bible in Tzeltal de Oxchuc y Tenejapa

⁶ Ja'uc me to ya jpoxtay, ya cac' lecubuc q'uinal yaiyic, soc ya me cac' yaiybeyic yutsilal ta lec te lamal-o'tanil, soc ya me cac' te jun yo'tanique.

Bible in Tzeltal Bachajón

⁶ hich la yal: Ya cac' te ya xlecubic soc te lec q'uinal ya ya'iyic, ya jpoxtay soc ya ca'be yilic bayel lamal q'uinal soc jun-o'tanil.

Jeremías 33:6 Referans Kwoze

San Juan 10:10

“Te mach'a j'eleq'ue, ja' nax ya xtal elc'ajuc, milawanuc, jinwanuc. Yan te jo'one ja' talon yu'un te ya cac'bey xcuxlejalique, swenta yu'un jich me ay yutsilal te xcuxlejalique.

Isaías 30:26

Te Cajwaltic ya xpoxtay soc ya spotsbey yejch'en te lum yu'une. Te u jich me ya yac' xojobil bit'il te c'aale. Te xojobil te c'aale juqueb xan buelta ya xtoy yip te xojobile, jich bit'il xojobil juqueb c'aaletic te jun nax ayique.

Salmos 67:2

swenta yu'un spisil nacionetic ta balumilal ya me sna'ic te sc'anjel awo'tane soc te colel awu'une.

Isaías 58:8

Jich yu'un ya sacub q'uinal awu'un ta stojol yantic, jich bit'il ya sacub tel te q'uinale. Te awejch'enique, ora nax ya xcolic. Te atojile ya xneelaj bael ta atojol, yan te xojobil cutsilale, ta apat ya sjoinat bael.

Oseas 6:1

La'ic ta apisilic, sujt'ucotic ta stojol te Cajwaltique. Ja' nix la stsacotic, ja'uc me to, ja' nix ya xpoxtayotic; la yejch'entesotic, ja'uc me to, ya spotsbotic.

Isaías 66:12

Melel te Cajwaltic ya yal: —Jo'on ya jpas te ya xtal yutsil q'uinal ta stojol jich bit'il jun yocja'; soc te sc'ulejal te nacionetic ya cac' xtal ta stojol uuc, jich bit'il snojel ja' te malem naxe. Te Jerusalén ya me smac'linex te ja'exe, ya me spetex bael ta sc'ab, soc nacalex ta sjol yacan, ya me sbujts'iyex.

1 Pedro 1:3

Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

Isaías 54:13

Jo'on ya jp'ijubtesbat ta spisil te awalataque, spisil me ya staic muc' yutsilalic.

Oseas 7:1

c'alal ya jc'an jpoxtay te lum cu'une, ja' te Efraín soc Samaria, ya xchicnaj ta jsit te smul soc te bila amen spasojique. Melel spisilic c'aemic ta yalel lot; jich bit'il j'eleq'uetic, ya x'ochic ta nanatic soc ya swiluntayic te ants-winiquetic ta calle.

Jeremías 17:14

Lamantesbonix jwocol, Cajwal, jich me ya xlamaj; coltayawon ja'at, jich me ya xcolon. Melel ja'at nax atuquel te ya calbat lec ac'oplal.

Miqueas 4:3

Te Cajwaltic ya me xchajban te nacionetic, soc ya me yal stuquel te bila lec ya spasic te lumetic te bayal ta jchajbe, soc me te lumetic c'ubul ayique. Te spuñalic ya sc'atp'unic ta sjoc'jibal lum; soc te slanzaique ya sc'atp'unic ta set'jibal trigo. Ma me ayuc jchajbuc lum ya stsac yat'ejib ta yac'beyel sba guerra soc yan lum; ni ma me ayuquix p'ijubtesel yu'un guerra.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Isaías 2:4

Te Cajwaltic ya xchajbanbey te c'op jajch'em yu'un te nacionetique, tsobol me lumetic ya yac'bey snop te ya xcom ta guerra. Ya me sc'atp'unic ta sjoc'jibal lum te spuñalique, te slanzaic ya me sc'atp'unic ta set'jibal trigo. Ni jpamuc lum ya stsac xan spuñal ta smilel yan, ni ma'yuquix mach'a ya yich' p'ijubtesel ta guerra.

Salmos 37:11

Yan te mach'atic peq'uel ya yac' sbaic, ya me sq'uinalinic te q'uinale, buen lamal me q'uinal ya yaiybeyic yutsilal stuquelic.

Deuteronomio 32:39

Jo'on nax jtuquel te Diosone, ma'yuc yan dios pajalon soc. Jo'on ya cac' cuxlejal, jo'on nix ya xju' cu'un slajinel. Jo'on ya cac' ejch'en, jo'on nix ya xju' cu'un xpoxtayel. Ma'yuc mach'a ya xju' yu'un ya scoltay sba ta jc'ab jtuquel.

Efesios 6:23

Te Jtatic Diose soc te Cajwaltic Jesucristoe, ac'a yac'beyex lamal q'uinal soc xc'uxul awo'tanic ta swenta te xch'uunjel awo'tanic soc spisil te quermanotactique,

Salmos 72:7

Ac'a esmajuc lamal q'uinal soc te bitic yich'oj swentail ta lec ta pasele te jayeb c'aal ochem ta ajwalil ja' to teme laj te ue.

Éxodo 34:6

C'ax ta stojol te Moisés, tulan a c'opoj: —¡Jo'on Ajwalilon! ¡Jo'on Ajwalilon! Jo'on te Dioson te ya jna'bat yo'bolil aba, soc t'ujbil yutsil co'tan. Ma orauc ya x'ilinon, soc mero muc' xc'uxul co'tan. Ma jpasat ta lot.

Isaías 39:8

Te Ezequías la yal ta yo'tan: “Te jayeb xan c'aal cuxulon lamal nax q'uinal, soc jun nax co'tan ya x'ainon”. Jich yu'un la sjac'bey sc'op te Isaías: —Te sc'op Cajwaltic la awich'bon tele, c'uxtayel ta jtojoltic yu'un —xi'.

Jeremías 3:22

Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Salmos 147:3

Ja' ya slamantesbey xc'uxul te smel-o'tanique; ja' ya spotsbey yejch'en stuquel.

Eclesiastés 3:3

Ay yorail milaw, soc ay yorail poxtayel. Ay yorail te bila ya yich' jinel, soc ay yorail te bila ya yich' pasel.

Isaías 57:18

Quilojbeyix te yat'ele, ja'uc me to, ya me jlamantesbey xchamel. Ya me cac'beyix xcux yo'tan; jc'axel ya cac'bey lamajuc yo'tan. Ya jmuc'tesbey q'uinal yaiyic te mach'atic smeloj yo'tanic.

Isaías 57:19

Soc jich ya calbey ta spisilic: “Lamaluc me q'uinal awaiyic te c'ubul ayexe, soc lamaluc me q'uinal awaiyic te nopol ayexe. Jo'on ya jlamantesbey xchamel te lum cu'une”, xoon me.

Jeremías 29:11

Ya jna' te bila jnopoj ta awentaic, ja' jnopoj ta swenta awutsilalic, ma ta swentauc awuts'inelic. Jich me ay bila t'ujbil ya amaliyic bael ta patil. Jo'on Ajwalilon, jich ya cal.

Miqueas 7:20

Cajwal, junuc me awo'tan soc ayuc me xc'uxul awo'tan, te jich nix jamal la awal ta namey ta stojol te antiguo jme'-jtatic ja' te Abraham soc Jacob.