Jeremías 33:2 - Bible in Tzeltal de Oxchuc y Tenejapa

² —Jo'on Ajwalilon te la jpas balumilal, la jchajban soc tulan la jwolan ta bay yawil, jo'on ya calbat:

Bible in Tzeltal Bachajón

² Hich yaloj te Jehová, te la spas te bahlumilal, te Jehová te la schahpan soc la ya'be yich' yip, ha Jehová te sbihile:

Jeremías 33:2 Referans Kwoze

Isaías 37:26

¿Ja'uc me to, ma ba ana'oj stojol te jo'on Ajwalilon la cac' c'otuc ta pasel spisil? C'alal ta namey q'uinal chajbanbil ta nopel cu'un, ta ora yo'tic c'otix ta pasel cu'un. Jich yu'un, ja' la ajin te lumetic te tulanic sts'ajc'ule, la ac'atp'un ta busulbus ts'ajq'uetic.

Éxodo 15:3

Te Cajwale mero ju'em yu'un guerra. Ajwalil te sbiile.

Éxodo 6:3

Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.

Apocalipsis 21:10

Te Espíritu la yic'on bael ta bay te muc'ul toyol witse. Tey la yac'bon quil a te muc'ul ch'ul lum Jerusalén te yac ta coel tel ta ch'ulchan te loc' tel ta stojol te Diose.

Isaías 62:7

Ma me xawac'beyic xcux yo'tan ja' to teme ya yich' cha'pasel yu'un te Jerusalén, soc te ya yich' alel yu'un spisil ants-winiquetic te bin nax yutsil te Cajwaltic —xiic te jcanantaywanejetique.

Isaías 43:21

Ja' te lum te chajbanbil cu'une, swenta yu'un ya yalbonic yutsil jc'oplal.

Isaías 43:1

Ja'uc me to, ta ora yo'tic, Israel, te lumat yu'un Jacob, te Cajwaltic te la xchicnantesate, ya yalbat: —Ma xiwat, jo'on la cac'atix ta libre; jo'on la quic'at ta abiil, jich la cu'uninat.

Isaías 14:32

¿Bi ya calbeytic bael te mach'atic ticunbilic tel yu'un te nacione? Ya me calbeytic te ja' tulan ts'unul yu'un Cajwaltic te Sión, soc jayeb slumal te ay swocolique, tey me ya scanantay sbaic a.

Salmos 102:16

C'alal ya yich' cha'pasel te lum Sión, ya me xchicnaj yutsilal.

Salmos 87:5

Te lum Sión jich me ya x'albot sc'oplal: “Ja' in to, soc ja' me to, ainemic ta awolil stuquel”, xiic me. Ja' nix te mach'a mero Toyol te jich jc'axel yaloj uuque.

Apocalipsis 21:2

Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

Hebreos 11:16

Ja'uc me to, ja' yantayejic te slumalic te c'axem to xan ay yutsilal stuquele, ja' bi ja' te ch'ulchane. Ja' swentail te ma xq'uexaw Dios yu'un te ja' Dios yu'unique, melel xchajbanejbey muc'ul lum te ya yac'bey slumalinique.

Hebreos 11:10

Melel te Abrahame ja' la smaliy slumalin te muc'ul lum te ay tulan yiptajibe te ja' la xchajban stuquel te Diose soc te ja' nix la spase.

Amós 9:6

Te Cajwaltic spasoj sna ta ch'ulchan, soc spasoj te syaxal sjamalul moel ch'ulchan te chican ta sba te lumq'uinale. Ja' ya yich' tel te ja'etic yu'un mar, soc ya smal ta sba te lumq'uinale. Ajwalil me te sbiile.

Amós 5:8

Te Cajwaltic ja' la spas tsojboltsojp te eq'uetic, jich bit'il Xanab-ec' soc Orión, ja' te mach'a ya sc'atp'un ta ijc' q'uinal te saquil q'uinale, soc te ya sc'atp'un ta c'aaleltic te ajc'ubale; ja' te mach'a ya yic' tel te ya'lel mar, soc ya smal ta sba te lumq'uinale; ja' te mach'a ya sjin te tulanil ts'ajq'ue, ya sjin ta jc'axel te anjibale. Ajwalil te sbiile.

Jeremías 32:18

Te ja'ate ya awac' ta ilel xc'uxul awo'tan jmil ta caj te alnich'anetique; ja'uc me to, ya awac'bey castigo ta scaj smulic te me'il-tatiletique. Ja'at muc' Diosat soc bayal awu'el, te abiile ja' “Ajwalil te Spisil ya xju' yu'un”.

Jeremías 10:16

Mero yan yilel stuquel a te Dios yu'un Jacob, jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Jeremías 16:21

Te Cajwaltic la sjac': —Jich yu'un, ta jc'axel nax ta spisil ya cac' ta ilel te cu'ele; jich me ya ana'ic te ja' jbiil te Ajwalile —xi' te Cajwaltique.

Jeremías 51:19

Mero yan yilel stuquel a te Dios yu'un Jacob; jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.