Jeremías 33:12 - Bible in Tzeltal de Oxchuc y Tenejapa

¹² Te Cajwaltic te Spisil ya xju' yu'une, ya yal: —Ja' te lumq'uinal te jochol yo'tique, te ni ma'yuc ants-winiquetic ni chambalametic, soc ta spisil te lumetic yu'une, ay me aquiltic ta yan buelta te bay ya yic' bael tsojboltsojp chijetic yu'un te jcanan-chijetique.

Bible in Tzeltal Bachajón

¹² Hich yaloj te Jehová te scuentahinej spisil: Ta lugar ini te jochol, te mayuc ants-winiquetic soc chambahlametic, soc ta spisil te pueblohetic yu'un, ay me aquiltic yan buelta te banti ya ya'be scux yo'tan stuminchijic te jcanan-tuminchijetique.

Jeremías 33:12 Referans Kwoze

Isaías 65:10

Te spamlej q'uinal Sarón ya me xnoj yu'un chijetic, soc te xatal q'uinal Acor tey me ya sta swe'elic a te wacaxetic te ay yu'unic te lum ya sleonique.

Jeremías 51:62

Teme laj awo'tan ta yilele, ya me awal ta ora: “Cajwal, ja'at la awal te ya ajin in lum to, te ma'yuc mach'a ya xcha'nain xan li'to, ni ants-winiquetic, ni chambalametic; melel ya ac'atp'un ta jochol q'uinal sbajt'el ora”, xaat me.

Jeremías 36:29

Soc jich me ya awalbey: “Jich ya yalbat te Cajwaltique: ‘Ja'at la achic' te balbil june, soc la awut te Jeremías, te la sts'ibuy tey a te ya me xtal te muc' ajwalil yu'un Babilonia, ma me scom sba te ya xtal sjin te lumq'uinal, ma me ayuc ants-winiquetic ya yijq'uitay jilel, ni chambalametic.

Jeremías 31:24

Te ants-winiquetic ta sq'uinal Judá, soc te ay ta lumetic yu'une, te j'at'eletic ta lumq'uinal soc te jcanantaywanejetic yu'un tsojboltsojp chijetique, tey me ya x'ainic a.

Jeremías 17:26

Ya me xtal ants-winiquetic yu'un te lumetic yu'un Judá te ayic ta sjoyobal Jerusalén, soc ta sq'uinal Benjamín, ta peq'uel witstiquil soc ta toyol witstiquil, soc ta Néguev. Ya me yiq'uic tel xchamsbalamic ta templo swenta chiq'uel ta scojt'ol soc te yantic milbil majt'anile, te majt'anil harina soc pom, soc te majt'anil yu'un yalel wocol.

Cantares 1:7

Ja'at te jmulanejat ta co'tane, albon caiy, ¿banti ya awac' sle swe'el te chambalametic awu'une? ¿Banti ya awic' bael ta cux-o'tan ta olil c'aal? ¿Bi yu'un ya xbeenon jichuc jmelmonel, ta sts'eel te chambalametic yu'un ajo'tac?

Jeremías 31:12

“Ya me xtalic soc ya me xc'ajinic yu'un yutsil yo'tanic ta sba wits Sión, ay me sbujts' ya yaiyic te utsilal yu'un te Cajwaltique: ja' te trigo, te vino soc aceite, te chijetic soc te wacaxetique. Jich me c'oemic yilel te bit'il awalts'unubil te bueno ya yich' malel ta ja'e, soc ma me xch'ayix te yipique.

Jeremías 32:15

Melel te Cajwaltic te Spisil ya xju' yu'une, te Dios yu'un Israel, la yal: Ta bay in q'uinal to, ya to me yich' manel naetic tey a, soc q'uinaletic soc ts'usubiltic”, xi' te Cajwaltique —la cut.

Jeremías 50:6

“Te lum cu'une, jich c'otic bit'il chijetic te ch'ayique, te ma lecuc wentainbilic ta beel yu'un te jcanan-chijetic yu'unique, te la yaq'uic ch'ayuc jilel ta witstiquile. Yacalic ta beel ta yantic witstiquil, asta ch'ay ta yo'tanic te scorrale.

Hageo 1:4

¿Ja'ex nax bal c'otix yorail te ya xju' ya xnainexix ta buen t'ujbil naetique, manchuc me ja' jinem to stuquel te templo cu'une?

Ezequiel 36:35

Jich me ya yalic: “Ila awil te q'uinal jochole, yo'tic pajalix soc ts'unbil nichimaltic yu'un Edén. Te lumetic te jc'axel yich'ojic jinele, yo'tic ayix sjoyob ts'ajc'ul soc ayix yajwal”, xiic me.