Jeremías 33:10 - Bible in Tzeltal de Oxchuc y Tenejapa

¹⁰ Te Cajwaltic ya yal: —Te ja'ex ya awalic te jocholix jilel ta jyalel in q'uinal to, te ma'yuc ants-winiquetic ni chambalametic ta ac'opique; te calleetic ta Jerusalén soc te lumetic yu'un Judá te jojch'ajiquix ta jyalele, te ni ma'yuc bi ya x'ain tey a, ni ants-winiquetic, ni chambalametic cuxulic tey ae, te xaexe. Lec ay, ya me awaiy xan stojol

Bible in Tzeltal Bachajón

¹⁰ Hich yaloj te Jehová: Ta lugar ini te yac awalic te ha jochol q'uinal, te mayuc ants-winiquetic o chambahlametic, ya me schicnaj ta pueblohetic yu'un Judá soc ta callehetic ta Jerusalén te jochol, te mayuc mach'a nahinem tey a, ni ants-winiquetic ni chambahlametic,

Jeremías 33:10 Referans Kwoze

Jeremías 32:43

Ja' te lumq'uinal te ya awal te jochol ya xjil ta jc'axele, te ma'yuc mach'a ya xjil tey a, ni chambalametic, soc te ya x'och ta sc'ab te caldeoetique; ja'uc me to, ya xc'ot sc'aalelal te ya yich' manel xan q'uinaletic li'to.

Ezequiel 37:11

Te Cajwaltic jich la yalbon: —Te lum Israel ja' pajal soc te baquetic in to. Melel jich yacalic ta yalel: “Taquejemix te jbaqueltique. Ma'yuquix bila lec ya jmaliytic; ch'ayemotiquix”, xiic.

Jeremías 32:36

“Jo'on Ajwalilon, te Dioson yu'un Israel, ya calbey sc'oplal te lume. Awalojix te ya x'och ta sc'ab te muc' ajwalil yu'un Babilonia ta scaj guerra, wi'nal soc chamel.

Levítico 26:32

“Ya me jlajinbeyex te alum-aq'uinalic, te acontroic te ya xtalic ta nainel tey a, yan nax q'uinal ya yaiyic yu'un.

Jeremías 26:9

¿Bi yu'un ya xjelawat ta yalel c'op ta swenta Cajwaltic ta templo? ¿Bi yu'un ya awal te jich me ya xjil te bit'il Silo te lume, soc te ya me yich' jinel soc ma'yuquix yajwal ya xjil, te xaate? —la yutic. Ta spisil lum la stsob sbaic tel ta templo, la sjoytayic te Jeremiase.

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Hageo 1:4

¿Ja'ex nax bal c'otix yorail te ya xju' ya xnainexix ta buen t'ujbil naetique, manchuc me ja' jinem to stuquel te templo cu'une?

Salmos 85:7

Cajwal, ac'a quiltic te xc'uxul awo'tane, coltayawotic.

Salmos 147:13

Ja' la stulantesbey smajq'uil sti'ilic sts'ajc'ul te lum; la yac'bey bendición ta yutil lum te anich'nabique.