Jeremías 32:9 - Bible in Tzeltal de Oxchuc y Tenejapa

^9-10 la jmanbey sq'uinal te Hanameel. La cac'bey juclajuneb ta jsejp plata, te jich trato la jchap soc yu'un te stojole. Te contrato la cac' ta ts'ibuyel, la yich' maquel ta sello, soc la yac' sfirmaic te testigoetique.

Bible in Tzeltal Bachajón

⁹ ha yu'un la jmambe te sq'uinal Hanameel snich'an jtajun te ay ta Anatot, la jp'isbe huclajuneb (17) siclohetic yu'un plata.

Jeremías 32:9 Referans Kwoze

Ester 3:9

Ja' yu'un teme lec ya awaiy ja'at te muc' ajwalilate, puca ta alel jun mandal awu'un te banti ya yal mandal te jc'axel ya yich' lajinele. Te jo'one ya me cac'bey ta sc'abic te j'at'eletic ta banti ya yich' tsobel pataniletic waclajuneb soc olil tonelada plata, yu'un ya x'och ta yawil staq'uin muc' ajwalil —xi'.

1 Reyes 20:39

Te c'alal yac ta c'axel a te muc' ajwalil, jich la yalbey ta tulan: —Te jo'on awabaton, muc' ajwalil cu'un, yacon ta beel bael ta banti yacal guerra, pero tey ta banti ay te guerra loc' tel jtul soldado la yic'bon tel jtul jchuquel. La yalbon te ya yac'bon ta jwenta, pero la yalbon ta jamal, teme col bael ta jc'ab, jo'on ya xlajon ta swenta, o ya jtojbey oxmil (3,000) ta jsejp plata.

Oseas 3:2

Jich yu'un la jman jtul ants swenta yu'un ya cu'unin, la jtoj jo'lajuneb ta jsejp plata soc lajuneb sjuclajunwinic (330) litro cebada.

Isaías 55:2

¿Bistuc ya alajin ataq'uinic yu'un teme ma we'eliluque? ¿Bistuc ya alajin aganaric yu'un teme ma ja'uc te bila ya xnoj ach'ujt'ic yu'une? Aiybon awaiyic stojol ta lec, jich me ya awe'elinic lequil we'eliletic, ya me awe'elinic bitic bujts'anic.

Génesis 37:28

Ay jchonbajeletic madianetic yaquic ta c'axel tey a. Jich yu'un la sliquic loq'uel ta pozo te José, la xchonbeyic bael te ismaeletique, jtab ta jsejp plata stojol c'ot. Jich ic'ot bael ta Egipto te José.

Génesis 24:22

C'alal laj yo'tanic ta yuch'el ja' te camello, te winic la sloq'ues jun ch'ocowil pasbil ta oro te la yac'bey ta sni', te ay niwan waqueb gramo yalal, soc cheb xan staq'uinal snuc' sc'ab pasbil ta oro te c'axem ta jo'winic (100) gramo te yalale.

Éxodo 21:32

Teme ay ya xluchot ta wacax te manbil abat, manchuc teme ants o winic, ya me yich' milel ta ch'ojel ta ton te wacaxe. Te yajwale ya me x'ac'bot lajuneb xcha'winic (30) ta jsejp taq'uin swenta stojol te yabate.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

Ezequiel 4:10

Ya me ap'isbey yorail te ya xwe'ate, jun cuarto kilo te ya xju' ya awe' ta jujun c'aale.