Jeremías 32:7 - Bible in Tzeltal de Oxchuc y Tenejapa

⁷ “Aiya awaiy, te Hanameel te snich'an atajun Salum, ya xtal yalbat te yacuc amanbey sq'uinal te ay ta Anatot. Jich yu'un, ay me ta awenta smanel, melel ma yanuc, pajal abiil soc”, la yuton.

Bible in Tzeltal Bachajón

⁷ Te Hanameel snich'an atajun Salum ya xtal yalbat: Mambon te jq'uinal te ay ta Anatot, como ay ta acuenta te bin ut'il amohlol-ats'ahquil, xchi.

Jeremías 32:7 Referans Kwoze

Jeremías 1:1

Ja' te sc'op soc yat'el Jeremías, te snich'an Hilcías. Te Jeremías ja' sts'umbal te sacerdoteetic te nainic ta lum Anatot te ay ta sq'uinal sts'umbal Benjamín.

Jeremías 11:21

Te winiquetic ta Anatot la slebonic te jlajele, soc te la yalic mandal te ma me xc'opojon ta swenta te Cajwaltic, teme ma sc'an co'tan ya smilonique.

Levítico 25:25

“Teme ay jil ta me'bail jtuluc te alumale, teme ta scaj sme'bail ay ya xchonbat sq'uinal, ya me xju' ya xtal te mach'a ma yanuc parte yu'une, ya me xju' ya sman sujt'el te bila la xchon te mach'a jilem ta me'baile.

1 Reyes 14:5

Pero ac'bot sna' yu'un te Cajwaltic te ya xbajt' ta stojol te yinam Jeroboam ta sjojc'oyel te bit'il ya xc'ot te yal yac ta chamele. Soc albot te bila sujt'ib ya yac'bey te sc'ope, soc te bit'il syantesej sba a te ya xc'ote.

Números 35:2

—Pasa ta mandal te israeletic te ya yac'beyic lumetic te banti ya x'ainic te levitaetic. Soc ya me yac'beyic aquiltic te ay ta sjoylejal te lumetic swenta yu'un tey ya smac'linic a te xchamsbalamique.

Levítico 25:49

stajun, snich'an stajun o yan spat-xujc'. Soc ya xju' te ja' nix ya sman loq'uel sba teme ya xju' yu'un te jich ya spase.

Levítico 25:34

Te lumq'uinal yu'un yawil chambalametic te yu'uninejic te lumetic yu'un levitaetic, ma me xju' ta chonel, melel stalel ja' yu'unic stuquelic.

Levítico 25:23

“Te q'uinal ma me xju' ta chonel ta jc'axel. Melel te q'uinal jo'on cu'un; te ja'exe c'axel nax ayex, jich nax c'oemex te bit'il ula'il cu'une.

Jeremías 32:6

Soc la yal te Jeremías: —Te Cajwaltic la yalbon:

Jeremías 32:8

Jich nix te bit'il la yalbon te Cajwaltique, tal yilon te Hanameel ta bay amac' yu'un te soldadoetique. Jich la yalbon te yacuc jmanbey te sq'uinal te ay yu'un ta Anatot, te bay sq'uinal sts'umbal Benjamín, te melel yu'un ay ta jwenta smanel soc te ya cu'unin jilele, ta scaj te mero jun sme'-stat soc te jtate. C'alal la jna' te ja' smandal te Cajwaltique,

Levítico 25:24

Ja' yu'un, biluc q'uinalil te awu'uninejic ta ora in to, ya me xju' ya achonbeyic sujt'el te sq'uinal te mach'a la xchonbate.