Jeremías 32:5 - Bible in Tzeltal de Oxchuc y Tenejapa

⁵ Te Nabucodonosor ya yic' bael te Sedequías ta Babilonia, tey me ya x'ain a ja' to me te c'alal ya cat'elin xan sna'ele. Manchuc me ya atsac aba soc caldeoetic te ja'exe, ma ba lec ya xc'oex. Jo'on Ajwalilon, jich ya cal —xi'.

Bible in Tzeltal Bachajón

⁵ soc ha ya x'ic'ot bahel yu'un ta Babilonia, tey ya x'ayin a ha to c'alal ya jna' xan. Teme yac awa'beyic guerra te caldeohetic, ma xhu' awu'un, te xhihate? xchi.

Jeremías 32:5 Referans Kwoze

Ezequiel 17:15

Pero te sts'umbal ajwalil la stoy sba ta stojol te muc' ajwalil yu'un Babilonia, la sticun abatetic yu'un ta Egipto, yu'un ba sc'an tel bayal caballoetic soc bayal winiquetic. Te c'alal jich la spase, ¿ya bal acuyic te ay to bila lec ya xc'ot ta pasel yu'une? ¿Ya bal xju' ya awaiy teme cuxul ya xjil te mach'a ma ba ya spas te bila jc'axel spasoj tratoe?

Jeremías 39:7

Te Nabucodonosor la yal mandal ta t'usel sit te Sedequías, soc la xchuquic bael ta cadena, la yiq'uic bael ta Babilonia.

Jeremías 27:22

—Ya me x'ich'otic bael ta Babilonia, tey me ya yich' q'uejel a, ja' to te bi ora ya jc'an quich' tel ta yan buelta ta bay q'uinal to. Jo'on Ajwalilon, jich ya cal —xi' te Cajwaltique.

Ezequiel 12:13

Ya me jmuc coel ta jchojac', ya me jpots a. Ya me quic' bael ta Babilonia, ta slum-sq'uinal caldeoetic, ja' me te lumq'uinal te ma xju' ya yile, soc tey me ya xlaj a.

Jeremías 37:10

Manchuc me ya atsalic spisil te soldado-caldeoetic te yac ta yaq'uel guerra, jtul cheb xanix ya xjil ta ejch'en stuquelic ta scampamentoic; ja'uc me to, te soldado-caldeoetic ya me sjajch'ic tel, soc ya me xchiq'uic jilel te lume —xi'.

Jeremías 2:37

Nojel me q'uexlal ya awaiy te ya sujt'at tel ta Egipto, melel ma la sc'an co'tan te mach'a ya yac'bat smuc'ul awo'tane. Ma'yuquix bi ya ata a te mach'atic ya smuc'ulin awo'tane —xi'.

Proverbios 21:30

Ma'yuc p'ijil c'op ni tac'uyel ni sp'ijil sjol te ants-winiquetic te ya yaiy tsalaw ta stojol te Cajwaltique.

2 Crónicas 24:20

Jich yu'un te Zacarías, te snich'an sacerdote Joiada, wentainot yu'un te espíritu yu'un Dios, ba stejc'an sba ta bay toyol, jich la yalbey te lume: —Dios ya yalbeyex: “¿Bi yu'un ma xach'uunbonic te mandaliletic cu'un? ¿Bi yu'un te ja'ex nix ya aleic atuquelic te awocolique? Te bit'il la awijq'uitayon ta awo'tanic, jich ya quijq'uitayex ta co'tan uuc”, xi' me ta atojolic te Diose —xi'.

2 Crónicas 13:12

Ayuc me ta awo'tanic jiche te ay ta jtojoltic te Dios soc te sacerdoteetic yu'une. Chapalic meix te oq'uesetic te ya yich' oq'uesinel yu'un guerra ta atojolic te ja'exe. Ya me calbat xan, israeletic, ma me xawac'bey guerra te Cajwaltic Dios yu'un te antiguo jme'-jtatic, melel ma me xju' awu'unic te ya awaiyic tsalaw —xi' te ajwalil Abiam.

Números 14:41

Ja'uc me to, te Moisés la yalbey: —¿Bi yu'un ya ac'axintaybeyic smandal te Cajwaltique? Te bit'il jich ay awo'tanic, ma ba lec ya xc'oex ta loq'uel soc.

Jeremías 32:6

Soc la yal te Jeremías: —Te Cajwaltic la yalbon:

Jeremías 32:24

“Ta ora yo'tic, te caldeoetic sbut'ojiquix moel lum ta bay sts'ajc'ul te lum ta swenta yac'beyel guerra. Ja' ya x'ochic ta sc'abic a te scontrotac, yu'un guerra, wi'nal soc chamel. Cajwal, ya awilix te ya xc'otix ta pasel te bit'il awalojbonix sc'oplal a.

Jeremías 39:5

Ja'uc me to, te soldado-caldeoetic la snutsic bael, la staic bael te Sedequías ta spamlej bael yu'un Jericó. La xchuquic, la yiq'uic bael ta stojol te muc' ajwalil Nabucodonosor, te ay ta lum Ribla ta Hamat. Te Nabucodonosor tey la xchajbanbey sc'oplal a: la yal mandal ta milel te snich'nab Sedequías, soc spisilic te mach'atic muc' sc'oplalic ta Judá, ta sit te Sedequíase.

Lamentaciones 1:14

Te muliletic cu'une, yiloj te Cajwaltique, ja' xchucojbon ta jnuc' stuquel. Jich alubenic ta jtojol te bit'il yugo-te'; la slajinbonix quip. Te Cajwaltic yac'ojon ta sc'ab te mach'atic ay yipic ta jtojole.

Ezequiel 12:12

Te ajwalil yu'unique, c'alal ya x'ijc'ub q'uinal, ya me yac' ta snejq'uel sbiluc, ya xloc' ta banti ya sjutic te ts'ajq'ue. Smacoj me yelaw a ya xloc' bael, swenta yu'un jich me ma'yuc mach'a ya x'ilot yu'un a, soc ni ja'uc ya yil te q'uinale.

Jeremías 39:4

C'alal la yil te muc' ajwalil Sedequías, soc te soldadoetic yu'un te bila c'ot ta pasel, anic loq'uel ta lum. Ajc'ubal loq'uic bael ta be ta bay ts'unul nichimetic yu'un te ajwalile, ta yochibal te ay ta yolil xchebal te ts'ajq'uetique, coic bael ta be ta stenlej xatal q'uinal yu'un Jordán.