Jeremías 32:22 - Bible in Tzeltal de Oxchuc y Tenejapa

²² La awac'bey israeletic in lumq'uinal to, te bay ya x'oquin leche soc chab c'oeme, jich nix bit'il awalojbey sc'oplal te antiguo sme'-statique.

Bible in Tzeltal Bachajón

²² La awa'be yich'ic te q'uinal ini te la awal ta jamal te sme'static te yac awa'be, ha te q'uinal te banti ya x'oquin leche soc chab.

Jeremías 32:22 Referans Kwoze

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Jeremías 11:5

Teme ya awich'onic ta muq'ue, ya jc'otes ta pasel te bi la calbey ta jamal te antiguo ame'-atatique, ya cac'beyex aq'uinalinic jsejp q'uinal, ja' me te awich'ojic ta ora to te ja'exe, te bay ya x'oquin te leche soc chab c'oem”, xoon ta stojolic —la yuton. La jac'bey te sc'ope: —Melel, Cajwal —la cut.

Deuteronomio 1:8

Jo'on ya cac'beyexix awu'uninic te q'uinale. Baanic, ich'a ta awentaic, u'uninaic te q'uinal, te jo'on Ajwalilon awu'unic jc'axel la cal ta jamal te ya cac'bey te antiguo ame'-atatic, ja' te Abraham, Isaac soc Jacob, soc te patil alnich'anetic yu'unique”, xi' te Cajwaltique —xi' te Moisese.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Ezequiel 20:15

‘Ja' nix jich tey ta jochol taquin q'uinal, jc'axel la calbeyix te ma ba ya cac' ochel tey ta lumq'uinal la cac'beye, ja' te ma'yuc yan q'uinal te pajal st'ujbilal soque, te banti ya x'oquin leche soc chab c'oeme.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Nehemías 9:15

Soc la awac'bey swe'el coem tel ta ch'ulchan, swenta yu'un la snojes xch'ujt'ic a, soc la awac'bey yajts'es yo'tanic ta ya'lel mero muc'ul ton. La awalbey te ya x'ochic ta yu'uninel te lumq'uinal awalojbey te ya awac'beye.

Josué 21:43

Awaiy bit'il te Cajwaltic la yac'bey israeletic spisil te q'uinal te yaloj ta jamal ta stojol te antiguo sme'-static, jich ainic ta cuxinel tey a.

Josué 1:6

Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.

Deuteronomio 8:1

“Pasaic bael te mandaliletic yacon ta yalel ta atojolic ta ora in to, swenta yu'un jich me ya xcuxinex a, soc jich me muc'ul lum ya xc'oex. Jich me ya xju' awu'unic stsalel te yajwal te lumq'uinal la yal Cajwaltic ya x'ac'botic te antiguo jme'-jtatique.

Deuteronomio 7:13

Mero c'ux me ya yaiyex ta yo'tan, ya me yac'beyex bendición soc ya me yac' esmajanic. Ya me yac'bey bendición te awal-anich'nabic soc te awawal-ats'unubique: ja' te trigo, te vino soc te aceite, te yalatac te wacaxetic awu'unic, soc yalatac te achijique. Spisil ya me yac'beyex ta lumq'uinal te jc'axel la yalbey te antiguo ame'-atatic te ya yac'beyexe.

Deuteronomio 6:23

Yan te jo'otique la sloq'uesotic tel tey a. La yic'otic tel ta lumq'uinal te banti yaloj ya yac'bey te antiguo jme'-jtatique; la nix yac'botic a te lumq'uinale.

Deuteronomio 6:18

Ja' me xapasic te bila yich'oj swentail soc te bila lec ta ilel ya yil te Cajwaltique, swenta yu'un jich me lec ya xc'oex a, soc jich me ya xc'ot ta awentaic te buen lequil q'uinale, te jc'axel yaloj te Cajwaltic te ya yac'bey te antiguo jme'-jtatique,

Deuteronomio 6:10

“Te Cajwaltic te Dios cu'untic ya me yaq'uex ochel ta lumq'uinal te jc'axel yalojbey te antiguo jts'umbaltic Abraham, Isaac soc Jacob. Te lumq'uinal ay buen t'ujbilic niwac lumetic yu'un te ma ja'uquex la apasique.

Deuteronomio 1:35

“Ma me ayuc jtuluc te amen ants-winiquetic te ya xju' ya yil te lumq'uinal la calbey ya cac'bey te antiguo sme'-statique.

Números 14:30

Ja' nax cuxul ya xjil stuquel te Caleb soc te Josué, ni jtuluc te ja'ex ya x'ochex ta q'uinal te c'an ba aq'uinalinic te jichuque.

Números 14:16

“Te Yajwalique, ma ju' yu'un te ya yac' ochel bael ta q'uinal te yalojbey ta jamal te ya yac'beye. Ja' swentail te la smil jilel ta jochol taquin q'uinal”, xiic me.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Génesis 24:7

Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Génesis 13:15

Melel spisil te q'uinal te chican ta asit ya awile, ya me cac'bat aq'uinalin soc ats'umbal ta sbajt'el ora.