Jeremías 32:21 - Bible in Tzeltal de Oxchuc y Tenejapa

²¹ Ta smuc'ul awu'el la aloq'ues tel ta Egipto te lum Israel awu'une; la apas jchajp at'eliletic soc señailetic, soc la anojesbey xiwel ta yo'tanic ta spisilic.

Bible in Tzeltal Bachajón

²¹ La aloq'ues tal ta sq'uinal Egipto te pueblo Israel awu'un ta scuenta jchahp a'teliletic soc señahiletic, ta scuenta yip ac'ab soc te ahachoj ac'ab, soc muc'ul xiwel.

Jeremías 32:21 Referans Kwoze

Deuteronomio 26:8

La slim bael te smuc'ul yu'ele. Jich ta yolil te bila mero xiweltic sba, te mero jchajp a te bila c'ot ta pasele, la yic'otic loq'uel tel ta Egipto.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Salmos 105:43

Te Dios jich la sloq'ues te lum tsabil yu'un, yacalic ta aw loq'uel swenta yutsil q'uinal la yaiyic.

Salmos 105:37

Te Diose patil la yic' loq'uel te lum yu'un, yich'oj loq'uel oro soc plata; ta spisil ta jchajp sts'umbal Israel, ma'yuc la sta falta.

1 Crónicas 17:21

Jich bit'il te nación Israel awu'une, ma'yuc yan nación te pajal soc ta q'uinale. Dios cu'un, ja'at la awac' loq'uel ta libre, swenta yu'un lum ya xc'ot awu'un. La awac' pujc'uc ac'oplal te bit'il mero muc' te bitic la apas te jchajp at'eliletic ta stojolique. Ja'at la atenbey loq'uel yajwal te lumetic ta stojol te nación awu'un te la awac' loq'uel ta libre ta Egipto,

1 Reyes 8:42

teme ya sc'oponat ta stojol te templo in to (ja' yu'un te chicnajix ta aiyel te mero muc' te abiile soc te pujc' ta alel te yutsil smuc'ul te awu'ele),

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Éxodo 13:9

Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Éxodo 6:1

Te Cajwaltic la sjac': —Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.

Deuteronomio 7:19

Na'aic me te bitic pruebaetic muq'uic sc'oplal c'oemic ta pasel te ja'ex nix testigoex yu'une, soc te muc' señailetic soc te jchajp señailetic, soc te smuc'ul yip yu'el la yac' ta ilel te Cajwaltic Dios cu'untic te c'alal la sloq'uesex tel ta Egipto. Ja' me jich ya spasbey ta atojolic ta spisil te lumetic ya axi'ique.

2 Samuel 7:23

Jich te jlumal Israel, te lum awu'une, ma'yuc yan lum pajal soc; melel ja' nax jun nación te cajal sc'oplal ta balumilale. Ja'at, Dios cu'un, la awac' ta libre te jlumal, swenta yu'un ja' lum awu'un ya xc'ot. La awac' chicnajuc yutsil sc'oplal ta stojol ants-winiquetic, swenta bit'il ay bila muc' sc'oplal la apas soc jelawen yutsil bi la apas ta jtojoltic. Te c'alal la aloq'ues tel ta Egipto te lum awu'une, ch'aybil c'ot awu'un te yantic nación soc te diosetic yu'unique.

Éxodo 3:20

Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Deuteronomio 11:3

te seña yu'el soc te bitic mero muq'uic sc'oplal la spas ta Egipto ta stojol faraón soc ta stojol spisil te sq'uinale.

Isaías 63:12

Ja' te la yac'bey sjoin ta yutsil yu'el te Moisés, ja' te la yac'bey sq'uep sba te mar ta stojol te lum yu'une swenta yu'un ay ta na'el a ta sbajt'el q'uinal,