Jeremías 32:2 - Bible in Tzeltal de Oxchuc y Tenejapa

² Ja'ix yorail a te soldadoetic yu'un te muc' ajwalil ta Babilonia te yacalic ta stenel ta guerra te Jerusalén; te j'alwanej Jeremías macal ta chuquel ta amac' yu'un soldadoetic, ta spalacio te muc' ajwalile.

Bible in Tzeltal Bachajón

² Ha nix yorahil a te soldadohetic yu'un te ajwalil yu'un Babilonia la sjoyintayic ta guerra te Jerusalén, soc te jalwanej Jeremías chucul ta yamaq'uil te cárcel te ay ta sna te ajwalil yu'un Judá.

Jeremías 32:2 Referans Kwoze

Jeremías 37:21

Jich yu'un te muc' ajwalil Sedequías la yal mandal te ac'a yich' maquel te Jeremías ta yamac'ul te chucjibale, soc te jujun c'aal ac'a yich' ac'beyel jpejch' waj pasbil ta calle yu'un te jpas-wajetique. Jich la yich' pasel ja' to c'alal ma'yuquix we'elil ta spamal lum. Jich a jil ta bay amac' yu'un soldadoetic te Jeremiase.

Nehemías 3:25

Te yan jmajc' joyob ts'ajq'ue, ja' la xcha'pas xan jajch'el te Palal te snich'an Uzai. Ja' la spas te yelawal yu'un xujc' te ts'ajq'ue, soc nix te toyol ts'ajc' c'axem c'axel ta sba te sts'ajc'ul sna ajwalile, ja' te ay ta yamaq'uil te banti ya x'ain jcanantaywanej-soldadoetic yu'une. Te yan jmajc', ja' la xcha'pas xan te Pedaías, te snich'an Faros.

Jeremías 38:6

Jich och ta sc'abic te Jeremías. La yaq'uic coel ta taquin pozo yu'un Malquías te snich'an muc' ajwalile, te ay ta amac' yu'un soldadoetic. La scojt'esic ta lazo. Te bit'il ma'yuc ya'lel te pozo, ja' nax ay ajch'al tey a, jich yu'un te Jeremías ts'ajpaj c'oel yacan ta ajch'al.

Jeremías 33:1

C'alal ay to ta chuquel a te Jeremías ta bay amac' yu'un soldadoetic, te Cajwaltic la sc'opon ta yan buelta, jich la yalbey:

Jeremías 32:8

Jich nix te bit'il la yalbon te Cajwaltique, tal yilon te Hanameel ta bay amac' yu'un te soldadoetique. Jich la yalbon te yacuc jmanbey te sq'uinal te ay yu'un ta Anatot, te bay sq'uinal sts'umbal Benjamín, te melel yu'un ay ta jwenta smanel soc te ya cu'unin jilele, ta scaj te mero jun sme'-stat soc te jtate. C'alal la jna' te ja' smandal te Cajwaltique,

San Mateo 5:12

Binuc nax me awo'tanic yu'un, soc ayuc sbujts' awo'tanic yu'un, te melel ya me x'ac'botex muc' amajt'anic ta ch'ulchan yu'un. Melel jich nix lajic ta uts'inel uuc te j'alwanejetic yu'un Dios te neel c'axemic ta q'uinale.

Jeremías 36:5

Te Jeremías la spas ta mandal te Baruc, jich la yalbey: —Aiya awaiy stojol te bit'il ayone, ma x'ac'oton ochel ta templo yu'un te Cajwaltique.

Jeremías 32:3

Te muc' ajwalil Sedequías yalojix mandal ta chuquel a, melel te Jeremías la yal ta jamal te sc'op te Cajwaltic te la yal: —Ya me cac' ta sc'ab muc' ajwalil yu'un Babilonia in lum to.

Salmos 88:8

La awaq'uix spijt'eson te mach'a c'ux ya caiy jba soque; jich c'oonix awu'un te bit'il mero ma xtuunonixe, jich c'oemon bit'il jchuquel te ma xju' ya scoltay sbae.

Jeremías 34:1

Te Nabucodonosor, muc' ajwalil yu'un Babilonia soc spisil te soldadoetic yu'une, ja'ic te mach'atic loq'uemic tel ta yantic nacionetic te ayic ta sc'abe, yacalic ta stenel ta guerra te Jerusalén soc spisil te lumetic te nopol ayic soque. Te Cajwaltic la sc'opon te Jeremías, jich la yalbey:

Jeremías 37:4

Te Jeremías ma to ochemuc ta chuquel a, jich jun yo'tan bayuc a been ta yolil te lume.

Jeremías 38:13

Jich yu'un te winiquetic la sliquic loq'uel, jich la sloq'uesic tel tey a. Ta patil te Jeremías jil ta amac' yu'un soldadoetic.

2 Reyes 25:1

Ta baluneb ja'wil soc lajuneb u soc lajuneb c'aal yochel ta muc' ajwalil a te Sedequías, te muc' ajwalil Nabucodonosor bajt' ta stojol Jerusalén ta spisil soc soldadoetic yu'un. C'o sjoytay te lume swenta yu'un ma'yuc mach'a ya xloc' soc ma'yuc mach'a ya x'och tey a. Tey c'o xchajban scampamento ta banti mero stojol ay te lume. Ta sjoyobal la sbusanbeyic lum ta xch'ujt' sts'ajc'ul, yu'un smoibic ta yaq'uel guerra.

Jeremías 37:15

Ja'ic ilin yo'tanic ta stojol Jeremías, soc la yalic mandal ta majel, soc la yaq'uic ta chuquel ta sna Jonatán te cronista, te ja' c'atp'ujem ta chucjibal te snae.