Jeremías 30:9 - Bible in Tzeltal de Oxchuc y Tenejapa

⁹ Ya me yac' sba ta abatinel ta jtojol te Yajwalon soc te Dioson yu'une, soc ta stojol David, te ja' ya cac' ta muc' ajwalil yu'unic stuquele.

Bible in Tzeltal Bachajón

⁹ Ya me yac' sbahic ta a'batinel yu'un Jehová, te Dios yu'unic, soc ta stojol David te ajwalil yu'unic, te ya jchicnajtesbe.

Jeremías 30:9 Referans Kwoze

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

San Lucas 1:69

La sticunbotic Jcoltaywanej te bayal yu'ele, te ja' sts'umbal David te abat yu'une.

Hechos 13:34

Soc la yal te Diose te ya xcha'cux tel ta bay animaetic swenta yu'un ma'yuc bi ora ya xc'a' te sbaq'uetale, jich te bit'il la yale: “Ya cac'beyex spisil te bendicionetic te calojbey te Davide”, te xie.

Hechos 13:23

Ja' nix Jesús te sts'umbal David te Dios la yaq'uix ta Jcoltaywanej yu'un te israeletique, jich te bit'il la yal ta namey te ya spase.

Hechos 2:30

Te Davide, j'alwanej yu'un te Diose. Jich sna'oj te bila yaloj Dios ta stojol te ja' ta swenta sts'umbal ya yich' chicnantesel yu'un Dios te Cristoe, te ja' sjelol ta smuc'ul nactijib ya xc'ote.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

San Mateo 2:2

Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

Salmos 89:49

Cajwal, ¿banti ay te xc'uxul awo'tan te ay ta namey, te jun awo'tan la awalbey ta jamal te David?

Jeremías 29:11

Ya jna' te bila jnopoj ta awentaic, ja' jnopoj ta swenta awutsilalic, ma ta swentauc awuts'inelic. Jich me ay bila t'ujbil ya amaliyic bael ta patil. Jo'on Ajwalilon, jich ya cal.

Jeremías 30:21

Ya xloc' ta yolilic te jtsobwanej yu'unique; tey nix ya xloc' ta yolilic jtul ajwalil. Ya me cac' te ya xnoptsaj ta jtojol; ¿ay bal mach'a ya xju' xnoptsaj bael ta jtojol? Ja'ic me te lum cu'une, soc jo'on me Dioson yu'unic. Jo'on Ajwalilon, jich ya cal —xi' te Cajwaltique.

Jeremías 33:15

C'alal yorail soc sc'aalelal, ya me jpas te ay jtul mero sts'umbal ya xc'ot te David, te ya spas te lequil chajbanwanej, soc toj ya x'at'ej ta lumq'uinal.