Jeremías 30:8 - Bible in Tzeltal de Oxchuc y Tenejapa

⁸ Jo'on, Ajwalilon te Spisil ya xju' cu'une, jich ya cal: Ya me cac' ta libre yu'un te yugo c'oem te ay ta mosoinel a te lum cu'une, soc ma me x'ochix ta mosoil yu'un yan lumetic.

Bible in Tzeltal Bachajón

⁸ Ta hich ora, xchi te Jehová te scuentahinej spisil, ya jwac'be te yugo ay ta snuc' soc ya jtuch'be schucojbil, ma ba ya xmosohinotiquix yu'un jyanlumetic.

Jeremías 30:8 Referans Kwoze

Ezequiel 34:27

Te te'etic ta lumq'uinal ya me yac' sitic; te bila ya yich' ts'unel ta lume, ya me yich' tulel sit. Bin nax me yo'tanic ya xnainic ta mero sq'uinalic nix. Te c'alal ya jcoltaybey loq'uel ta sc'abic te mach'atic smozoinejic te lum cu'une, jich me ya sna'ic te jo'on Ajwalilon.

Nahúm 1:13

Ya jwuybat te yugo acuchoj soc ya jtuch'bat te cadenaetic chucbilat a —xi'.

Jeremías 27:2

jich la yalbey: —Pasa jun yugo soc xchujq'uil, ac'a ta anuc' swenta seña te mosoinbilat yu'un yan.

Isaías 9:4

Melel la alajinbey sc'oplal te mosoil te la sten ta uts'inel a te lume, te uts'inel te la yac'bey swocol, te sbol yat'el te ajwalil ac'botic spase. Jich la alajinbey sc'oplal te bit'il la ajin te Madián.

Jeremías 28:10

Jich yu'un te Hananías la sloq'uesbey te yugo ay ta snuc' Jeremías, la swuy ta c'asel

Jeremías 28:13

—Baan, albeya te Hananías: “Te jo'on Ajwalilon ya cal: La awuy ta c'asel te yugo-te'e; ja'uc me to, jchajbanejbat jun yugo-taq'uin.

Jeremías 27:7

Spisil te nacionetic ya me yac' sbaic ta abatinel yu'un, soc ta stojol te snich'an, soc nix ta stojol te smame, ja' to me c'alal ya xc'ot sc'aalelal ya x'och ta c'abal yu'un niwactic nacionetic soc tulanil ajwaliletic uuc.

Jeremías 25:14

Muc'ul nacionetic soc muc' ajwaliletic te ay yipique ya me yac'bey xch'uunic mandal te babiloniaetique. Jich me ya cac'bey stoj te bit'il ya sc'an yu'un te yat'elique”, xi' te Cajwaltic —xi' te Jeremiase.

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Isaías 14:25

Ya me jin te lum Asiria ta jlumale, tey me ya yich' tenel ta milel a ta witstiquil cu'une. Jich ya xcolic ta jcuch-ijc'atsil te yac'ojbeyic te lum cu'une, te bila yac'ojbeyic scuche ma ba x'alubix ta snejq'uelic.

Isaías 10:27

Jich me sc'aalelal ya xloq'uesbotex te ijc'atsil te ac'bil ta apatic scuchele, soc ya me yich' c'asel te yugo-te' la yac'beyex ta anuq'uique. Te soldadoetic ya x'ochic, ya xc'axic ta lum Rimón,

Jeremías 28:4

Soc ya cac' sujt'el tel li' ta lum to te Jeconías snich'an Joacim, te muc' ajwalil yu'un Judá, soc te yantic ants-winiquetic te loq'uic bael ta Judá te ic'otic bael ta mosoil ta Babilonia. Jo'on Ajwalilon, jich ya cal”, xi' ta yalel te Cajwaltique —xi' te Hananías.

Salmos 107:14

La sloq'ues ta sc'ubulil yijc'al q'uinal, la scoltay ta chuquel ta cadena.

Ezequiel 30:18

Te c'alal ya jlajinbey yip te Egipto, soc ya jlajinbey te yip stoyoj sba yu'une, te c'aal ya x'ijc'ub ta stojol lum Tafnes, soc ya me xmacot yu'un tocal te Egipto, te yajwal te lumetic yu'un ya me x'ic'otic bael ta mosoil.

Isaías 14:1

Ta smelelil, te Cajwaltic ya me xc'uxtabey sts'umbal te Jacob. Jich me yach'il xan ya xc'ot ta tsael yan buelta te lum Israel, jich me ya yac' najc'ajuc ta sq'uinalic. Te jyanlumetic ya me xnoptsajic bael ta stojolic, jun me ya yac' sbaic soc te sts'umbal Jacob.

Isaías 14:3

Ja'ex lum Israel, te Cajwaltic ya me yac'beyex acux awo'tanic yu'un te awocolique, te amel-o'tanic soc te tulan abatinel la awich'ic pasbeyele.