Jeremías 30:7 - Bible in Tzeltal de Oxchuc y Tenejapa

⁷ Ya me xnoptsaj tel sc'aalelal te mero xiweltic nax sbae; ma me ayuc jich sc'aalelal ya xc'ot yan a. Ja' me sc'aalelal te ya yaiy mel-o'tan te lum yu'un Jacob; ja'uc me to, ya me jcoltay.

Bible in Tzeltal Bachajón

⁷ ¡C'ax wocol ya xc'oht te sc'ahc'alel; mayuc yan pajal soc! Ha yorahil wocol yu'un Jacob; pero ya xcol ta libre ta stojol.

Jeremías 30:7 Referans Kwoze

Daniel 12:1

“Ja' me yorail ya xchicnaj te Miguel, ja' te muc'ul jcanantaywanej ch'ul abat te ya scoltay te lum awu'une. Ja' yorail a te ay me bayal wocol, ma'yuc yan wocol jich c'oem ta pasel a te jayebix c'aal ay te nacionetique. Te c'alal ya sta yorail te jich ya xc'ot ta pasele, ya xcolic spisil te alumale, ja' te ts'ibubil sbiilic ta libro.

Malaquías 4:1

Te Cajwaltic te Spisil ya xju' yu'un ya yal: —Yaquix ta talel sc'aalelal te xpulpon ta tilel jichuc sc'aal horno; spisil te toybaetic soc te mach'a amen yo'tanic, ya me xtilic jichuc ac ta yawil c'ajc'. Te bi c'aalil ya xtale ya me jchic'; ma'yuc jtuluc ya xjil ta jyalel.

Daniel 9:12

Te ja'ate, te bit'il la awac'botic tel ta jtojoltic te bitic mero amene, jich c'ot ta pasel awu'un te awaloj te ya awac'botic castigo soc te ajwaliletic cu'untique. Melel ma'yuc castigo jich c'oem ta pasel ta balumilal te bit'il julem ta stojol Jerusalén.

Joel 2:11

Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Romanos 11:26

Teme c'otix ta pasele, ya me xcol ta spisil te sts'umbal Israele, jich bit'il ts'ibubil jilel ta Sjun te Diose: “Ta wits Sión ya xtal te mach'a ya x'ac'awan ta libre. Ya me xch'aybey spisil smulic te sts'umbal Jacobe.

San Marcos 13:19

Melel ma'yuc bay jich woclajel ay tel te c'alal la yich' pasel yu'un Dios te balumilale. Soc ta patil ma'yuquix jich ya xc'ot ta pasel.

Oseas 1:11

Jich me ya stsob sbaic te ants-winiquetic, ja' te yajwal Judá soc te yajwal Israel. Soc ya me yac'beyic yat'el jtul jtsobwanej, spisil ta bayuc ya me sujt'ic bael ta Jerusalén. Muc' me ya xc'ot sc'aalelal te Jezreel.

Lamentaciones 1:12

Ja'ex te ya xbeenex c'axel ta be, coma abaic ta yilel; ¿Ay bal mach'a pajal la awil soc te xc'uxul ya caiy te bayal ayon ta woclajel? Te Cajwaltic la sticunbon woclajel te c'alal til ta jtojol te yilimbae.

Jeremías 30:10

“Jo'on, Ajwalilon, jich ya cal: Ma me xiwat, lum Jacob, abatat cu'un; ma me xnijc' awo'tan, Israel. Melel te ja'ate soc te anich'nab ya me jcoltayex tel ta lum te c'ubul ay ta bay ic'bilex baele. Lamal me q'uinal ya xtal cuxinuquex, jun nax me awo'tanic, ma me ayuc mach'a ya xiwtesex.

Salmos 34:19

Te mach'a toj yo'tan, ay swocol yu'un te bitic amene; ja'uc me to, te Cajwaltic ya scoltay loq'uel ta spisil.

Apocalipsis 6:17

Yu'un c'otix sc'aalelal te yilimbae. ¿Mach'a c'an cujch'uc yu'un?”, xiic ta aw.

Hechos 2:20

Te c'aale ya me xc'atp'uj ta ijc' q'uinal; in te ue ya me xtsajub jichuc ch'ich'. Jich me ya xc'ot ta pasel te c'alal ma to sta sc'aalelal a te xtal te Cajwaltique, muc' me sc'oplal te bila ya xchicnaje, soc ay me bayal yutsilal.

Joel 2:31

Ya me x'ijc'ub te c'aale, te u, jich me ya xc'ot yilel te bit'il ch'ich', ja' me te c'alal ma to xc'ot sc'aalelal a te Cajwaltique, ja' te sc'aalelal te mero muc' sc'oplale, ja' te sc'aalelal te mero xiweltic sbae —xi' te Cajwaltique.

Lamentaciones 4:6

Te smul te jlumal Israele, ja' muc' xan yu'un a te smul Sodoma; ta ora nax laj ta jinel, manchuc me ma'yuc mach'a tal sjin.

Lamentaciones 2:13

Jerusalén te t'ujbilate, ¿bila ya xju' ya jpajat soc? ¿Bila ya xju' ya jmuc'tesbat awo'tan a, ja'at Sión te ma bolobenucat soc awutsilal ta neelale? Muc' ta jyalel te ajinel, jich bit'il smuc'ul mar; ¿mach'a ya xju' yu'un ya slamantesbat q'uinal awaiy?

Salmos 25:22

Dios cu'un, coltaya te lum Israel yu'un spisil te swocole.

Génesis 32:7

Jich yu'un te Jacob jajch' ta xiwel yu'un, bayal la smel yo'tan. Jich la spas ta cha'tijc' te mach'atic sjoineje, soc te swacax, te xchij, te scamello, cha'chajp c'ot yu'un.

Isaías 20:6

Jich me sc'aalelal te ya yalic te mach'atic nainemic ta ti'mar: “Ilawilic bila tal ta stojol te mach'a smuc'ulinej co'tantique, ja' te la jc'anulabeytic coltayele, swenta yu'un ya scoltayotic ta sc'ab te muc' ajwalil yu'un Asiria. Ja' yu'un ta ora to, ¿bit'il ya xcolotic yo'tic?” xiic me yu'un —xi' te Cajwaltique.

Jeremías 2:27

Melel ya awalbey te te': “Ja'at jtatat”, ya awut, soc ya awalbey te tone: “Ja' jme'at”, ya awut. Yan te jo'one, ja' ya awac'bon quilbat te apate, ma ja'uc te awelawe. Ja'uc me to, te c'alal nax ya awilic ya xtal ta atojolic te bila chujc'ule, ya awalbonic: “¡La', coltayawotic!”, xaex ta ora.

Jeremías 2:28

Lum Judá, ¿banti ay te awajcananic te la apase? Bayal te diosetic awu'une, jich nix yipal te bit'il te lumetic awu'une. Ac'a me taluquic, ya me quiltic teme ya xju' yu'un scoltaybelex te c'alal ya xjul te woclajel ta atojole.

Jeremías 14:8

Ja' smuc'ulat yo'tan te Israel, jcoltaywanejat cu'untic c'alal bi ora ay jwocoltic. ¿Bistuc ya acuy aba ta jyanlum ta yutil te lum cu'untique? ¿Bistuc te jichat nax te bit'il beom te ja' nax ya xc'ax ajc'ubal awu'un?

Joel 1:2

Mamaletic soc ta apisilic te yajwalex te lumq'uinale, aiybon me awaiyic jc'op. Mamaletic, ¿ay bal bi ora jich awilojic te bit'il ya awilic ta ora in to? ¿Ay bal awilojic jich te pajal soc te c'alal cuxulic ta q'uinal a te ame'-atatique?

Joel 1:15

¡Ay! Ya xnoptsajix sc'aalelal te Cajwaltique. Mero xiweltic sba te c'aal in to; ya me yich'botic tel lajel, ja' lajel yu'un te Mach'a Spisil ya xju' yu'une.

Zacarías 14:7

Ma'yuc yan c'aal te pajal soque, ja' nax sna'oj Dios te bi ora ya xc'ote. Ma ba ya xchicnajix c'aaleltic, soc ma ba ya xchicnajix ajc'ubal, melel manchuc me ajc'ubaluc, pero puersa me ay saquil q'uinal tey a.

Miqueas 4:9

Ta ora yo'tic, ¿bi yu'un jich ya x'awunat, jich bit'il ya x'awun ants yu'un xc'uxul te alajele? ¿Yu'un bal ma'yuc muc' ajwalil awu'un te ja'ate? ¿Yu'un bal chameniquix te jconsejeroetic awu'une?

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.