Jeremías 30:6 - Bible in Tzeltal de Oxchuc y Tenejapa

⁶ Jojc'oya awaiyic, teme ay jtuluc winic te ya stac' ya x'alaje. ¿Bistuquix a te winiquetic ya sut sbaic ya quile, jich c'oemic yilel te ya yaiybeyic xc'uxul jichuc alajel? ¿Bistuquix a te sacuben yelaw c'ot spisilic?

Bible in Tzeltal Bachajón

⁶ Joc'oya awa'iyic soc ilawilic, teme ay winic te ya x'alaje. ¿Bin yu'un te ya quil spisil te winiquetic te hich stsacojic sch'uhtic te bin ut'il ants te ya x'ayinix yal, te ch'ayem sch'ich'el spisil sit yelawic?

Jeremías 30:6 Referans Kwoze

Nahúm 2:10

Lajinotix, jojch'ajix, t'analix jilel, jich ayix te lum Nínive. Ya xjinix yo'tanic yu'un te xiwele; ya xnijq'uic te sjol yacanique. Ta spisilic ma'yuquix yipic soc sacuben yelawic yu'un xiwel.

Joel 2:6

Te mach'atic ya yilic ya xjajch'ic ta nijq'uel yu'un, spisil sit-yelawic ya xch'ay xch'ich'elic yu'un.

Jeremías 4:31

Ya caiy stojol awetic yu'un xc'uxul, jich bit'il yajc'an ants te ya x'ayin te sba yale; ja' te awetic yu'un te lum Sión, te ya x'ajc'anaj, ya xbejch'ulay sc'ab yu'un xc'uxul. Jich ya yal: “Obol jba, ya smilonic te jmilawaletique”, xi' me —xi' te Cajwaltique.

Isaías 21:3

Ya xnijc' te jbaq'uetale, ya yac'bon jwocol te xc'uxule, jich bit'il swocol ta alajel te antse. Te mel-o'tan ma xyac'bonix caiy stojol c'op, te muc'ul xiwel ma xyac'bonix quil q'uinal.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

Oseas 13:13

Te Israel c'otix yorail te ya x'ayin c'oeme. Ja'uc me to, ja' te nich'anil te ma'yuc sp'ijile, te ma sna' bit'il ya yac' sba te bit'il ya x'ayine.

Jeremías 22:23

Ta ora to jun nax awo'tan ta apechech ta yolilal te cedroetic ich'bilic tel ta Líbano; ja'uc me to, ya awaiybey swocolil te c'alal ya xtal te xc'uxule, jich xc'uxulil bit'il ya x'alaj ants —xi' te Cajwaltique.

Jeremías 6:24

Te ants-winiquetic ta Jerusalén jich ya yalic: —La caiytiquix stojol sc'oplal, ma'yuquix quiptic yu'un te xiwele; ay mel-o'tan ya caiytic soc xc'uxul, jich bit'il ya x'alaj te antse.

Salmos 48:6

Jc'axel u'uninotic yu'un xiwel: la sts'otilay sbaic yu'un xc'uxul, jich bit'il ants ya x'ayinix yal;

Daniel 5:6

toj bael xch'ich'el yu'un. Ta scaj te mero bayal och xiwel ta yo'tan, jajch' ta nijq'uel ta yacan c'alal ta sjol.

Jeremías 50:43

Te c'alal ya sna' stojol muc' ajwalil yu'un Babilonia in c'op to, ma'yuc yip yoc sc'ab ya xc'ot yu'un xiwel; ya me yaiy mel-o'tan soc xc'uxul, jich bit'il ya x'alaj ants.

Jeremías 49:24

Te Damasco, ma'yuquix yipic, jich ya yac' sbaic bael ta anel. Ya x'u'uninot yu'un xiwel, mel-o'tan soc xc'uxul, jich bit'il ya x'alaj ants.

Isaías 29:22

Jich yu'un te Cajwaltic te Dios yu'un Israel, ja' te mach'a la scoltay loq'uel te Abraham, jich ya yal: —Yo'tic bael ma ba ya yaiy q'uexlal te Jacob, ma ba ya stsajub yelaw.

Jeremías 13:21

“¿Bi ya awal, Jerusalén, c'alal ya awich' wentainel yu'un winiquetic te ja'at nix la ap'ijubtese? Ya me yac'beyex xc'uxul, jich bit'il te ants te ya x'ayin yale.

Jeremías 48:41

Lumetic soc tulanil ts'ajq'uetic ya me x'ochic ta sc'ab te jcontroinwaneje. Te bi c'aalil ya xc'ot ta pasele, te soldadoetic yu'un Moab ya me xnijq'uic jich te bit'il ya x'alaj ants.

Jeremías 49:22

Te contro ya me xwilic bael ta stojol Bosra, jich bit'il águila te slich'oj xiq'ue. Te bi c'aalile, te soldadoetic yu'un Edom ya me xnijq'uic jich bit'il ya x'alaj ants —xi'.