Jeremías 30:5 - Bible in Tzeltal de Oxchuc y Tenejapa

⁵ Te Cajwaltic la yal: —Chican awetic yu'un xiwel, nijq'uel soc ma'yuc bay lamal q'uinal.

Bible in Tzeltal Bachajón

⁵ Hich yaloj te Jehová: ¡Chican awetic yu'un xiwel, tulan xiwel, ma ha'uc sc'op lamal q'uinal!

Jeremías 30:5 Referans Kwoze

Amós 8:10

Te q'uinetic ya jc'atp'un ta oq'uel yu'un te animaetique; soc te c'ayoj ya jc'atp'un ta oq'uel ta swenta sna'el te animae. Ya me cac' te ya alapic ch'ixal pac'; soc ya me at'axan ta joxel ajolic ta seña xc'uxul mel-o'tan. Jich me oq'uel ya spasic yu'un te bit'il mach'a ch'ayem te jip jtul snich'ane; spisilic me ya xwoclajic yu'un xch'aal mel-o'tan —xi'.

Isaías 5:30

Te nación ya cale, te c'alal ya xc'ot sc'aalelal a, jich me ya x'awun ta stojol Israel jich bit'il ya x'awun te mar. Teme ay mach'a ya yil te balumilale, ya me yil te potsbil ta ijc' q'uinal, ijc'ubenix q'uinal yu'un te pimil tocale.

Jeremías 46:5

“Ja'uc me to, ¿bila a te ya quile? Yacalic ta sujt'el tel, nojel tel xiwel ta yo'tanic. Te soldadoetic yu'un ya spuc sbaiquix bael; loq'uiquix bael ta animal, ma yiliquix sujt'el spatic. ¡Ay xiwel ta bayuc! Jo'on Ajwalilon, tulan ya cal.

Jeremías 25:36

Te jcanan-chijetic ya x'awunic, te j'ic'awanejetic yu'un te jtsojp chijetique ya x'awunic yu'un xc'uxul, melel te Cajwaltic la yac' lajuc te swe'elique.

Jeremías 9:19

C'alal ta Sión ya xc'ot te yajc'anic yu'un te xc'uxule: —¡Ay, bit'il la jtatic a te jinele! Q'uexlaltic sba te woclajele. Ya nix quijq'uitaytic jilel a te jlumaltique, te naetic cu'untic jiniquix —xiic me.

Jeremías 8:19

Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Isaías 59:11

Jpisiltic jich ya xc'opojotic bit'il osoetic; ya x'ajc'anajotic jichuc stsumutetic. Yacotic ta smaliyel te coltayele; ja'uc me to, ma xtal; yacotic ta smaliyel te ya xcolotic ta libre, pero c'ubul to xtal.

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Jeremías 12:12

Spisilic te ch'in witsetic te jocholixe, talic j'ixta-winiquetic tey a. Melel jo'on Ajwalilon, ay puñal cu'un te ya jin a te lum ta xcha'jejch'el, soc ma me ayuc lamal q'uinal yaiy ni jtuluc.

Jeremías 30:4

Ja' sc'op Cajwaltic ta stojol Israel soc Judá.

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Jeremías 6:26

Lum cu'un, lapa ch'ixal paq'uetic ta señail te xc'uxul ya awaiyique, balana aba ta c'ajc'al tan, lapa c'u'il yu'un, soc oc'an ta bay nax c'alal, jich bit'il te ya xlaj te jip jtul anich'ane. Melel te mach'a ya xtal sjinotique, ora nax me ya xtal ta jtojoltic.

Habacuc 1:6

Ya cac' xchajban sbaiquix ta guerra te caldeoetique, ja'ic te c'ajc' yo'tanic, te spisil ora toyol yo'tanic yu'un te ya xbeenic ta spamal balumilal ta juju-jejch' ta swenta yu'uninel te q'uinaletic te ma'yuc ta swentaique.

Habacuc 1:10

Ya slabanic te muc' ajwaliletic soc winiquetic te muc' sc'oplalique. Ya stse'luyic te ts'ajq'uetic te ay ta sjoyobal te lumetique, yu'un ay bila ya sbusanic ta spat, jich ya xwilic ochel ta lum.