Jeremías 30:23 - Bible in Tzeltal de Oxchuc y Tenejapa

²³ Te yilimba Cajwaltic, jich c'oem bit'il tulan yic'al ja'al, jich bit'il ic' te c'ax tulan ta jyalele, te ya syuc'bey yo'tan te mach'atic amenique.

Bible in Tzeltal Bachajón

²³ Ilawil, te yic'al-ha'al yu'un Jehová ya xloc' bahel soc ilimba; tulan yic'al ha'al ya xc'oht ta sjolic te mach'atic chopolique.

Jeremías 30:23 Referans Kwoze

Zacarías 9:14

Te Cajwaltic ya me yac' sba ta ilel ta stoyolil te lum yu'une; ya me st'im bael te yat'jibal st'imalte'e, jich me ya st'im bael te bit'il chawuquetique. Te Dios, ja' te Cajwaltique, ya me yoq'uesin te oq'ues; ya me x'ochic bael ta guerra ta yolil chawuquil ja'altalem ta stojol sur.

Jeremías 25:32

Te Cajwaltic te Spisil ya xju' yu'une, jich ya yal: —Te tulan woclajel ya xjulix tel ta stojol jujun nación; xiweltic sba jichuc tulan yic'al ja'al ya xjajch' c'alal ta sti'il te balumilale —xi'.

Proverbios 1:27

c'alal ya xtal ta atojolic bayal xiwel soc chujc'ul c'opetic, mel-o'tan soc xc'uxul woclajel, jich bit'il sutu-ic' te spisil ya slajine.

Salmos 58:9

Ac'a tiluc ta c'ajq'uel jich bit'il jc'axel ya xtil ta c'ajc' te ch'ixetique; ac'a yich'ic bulel loq'uel c'oem ta mero tulan, jich bit'il ya yich' bulel te yaxal wamale.

Lamentaciones 1:12

Ja'ex te ya xbeenex c'axel ta be, coma abaic ta yilel; ¿Ay bal mach'a pajal la awil soc te xc'uxul ya caiy te bayal ayon ta woclajel? Te Cajwaltic la sticunbon woclajel te c'alal til ta jtojol te yilimbae.

Jeremías 4:11

Te Cajwaltic ya yal: —Te bi ora te jich ya xc'ote, jich ya x'albot te lum Jerusalén: “Q'uixin ic' ya xtal ta jochol taquin q'uinal, stojlinej ya xtal ta stojol te lume”, xi' me. Ma me ja'uc te c'unil ic' te ya xtuun ta swenta sloq'uesel spat trigo;