Jeremías 30:2 - Bible in Tzeltal de Oxchuc y Tenejapa

² —Te Ajwalilon te Dioson yu'un Israel ya calbat: Ts'ibuya ta jun libro spisil te bila calojbate.

Bible in Tzeltal Bachajón

² Hich yaloj te Jehová, te Dios yu'un Israel: Ts'ihbaya ta libro spisil te bin la jcalbate.

Jeremías 30:2 Referans Kwoze

Jeremías 36:32

Jich yu'un te Jeremías la stsac yan balbil jun, la yac'bey Baruc te secretario yu'une; te ja' la sts'ibuy spisil te bila la yal Jeremiase. La yac' ta ts'ibuyel spisil nix te bila ts'ibubil ta balbil jun te la xchic' te muc' ajwalil Joacime, soc bayal to xan la yac' ochel yantic aiyejetic te pajal sc'oplal soque.

Isaías 30:8

La' me yo'tic, ts'ibuya ta jpejch' ch'ujte', soc ac'a ta jun, ac'a ainuc tey a ta swenta sna'jibal bael, yu'un ya me yac' ta na'el sbajt'el q'uinal.

Apocalipsis 1:19

Jich yu'un ts'ibuya spisil te bila la awilixe, soc te bila ay ta ora to, soc te bila ya xc'ot ta pasel ta patile.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

2 Pedro 1:21

te melel ma sc'anjeluc nax yo'tanic te c'opojic te namey q'uinal j'alwanejetique. Melel ja' ac'bot sna' ta yo'tanic yu'un te Ch'ul Espíritu te c'opojique, te melel u'uninbilic yu'un Dios te winiquetique.

1 Corintios 10:11

Spisil in to, jich c'ot ta pasel ta stojolic, swenta yu'un ja' ejemplo ta jtojoltic, te ts'ibubil jilel ta swenta jcomeltic jo'otic te slajibal c'aal ayotiquixe.

Romanos 15:4

Spisil te bila la yal te Sjun Diose, ja' la yich' ts'ibuyel yu'un te ya sp'ijubtesotique. Swenta yu'un ya xchicnaj ta ilel te ayix smuc'ul q'uinal ya caiytic ta swenta, jich jun co'tantic ya jmaliytic.

Daniel 12:4

“Pero te ja'ate, Daniel, muca me ta awo'tan spisil te bitic la awile; maca, ac'beya selloil te libro, ja' to teme c'ot yorail te slajibale. Ay bayal ants-winiquetic ya xtalic ya xbajt'ic ta bayuc, yacalic me ta sleel te bitic yacuc sna'bey swentaile”, xi' te Gabriele.

Isaías 8:1

Te Cajwaltic la yalbon: —Lea junuc ch'ujte', ts'ibuya tey a in biilil to: “Maher-salal-hasbaz”, te xie, ta letraetic te ya xju' ta ilele.

Deuteronomio 31:19

“Yo'tic, ts'ibuya ta c'ayoj in to, soc ac'beya snopic te israeletic, swenta yu'un ya me sc'ajintayic, soc ya me xtuun cu'un ta swenta testigo ta stojolic.

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Jeremías 25:13

Ya cac' c'otuc ta stojol te Babilonia te bila albil sc'oplal soc te ts'ibubil li' ta libro to, spisil te bila yaloj te Jeremías ta jwenta ta scontroinel spisil te nacionetique.

Jeremías 30:1

Ja' sc'op Cajwaltic te la yalbey te Jeremías, jich la yalbey:

Jeremías 36:28

—Tsaca yan balbil jun, ts'ibuya xan spisil te bila ts'ibubil ta sbabial te la xchic' Joacim, te muc' ajwalil yu'un Judá.