Jeremías 30:16 - Bible in Tzeltal de Oxchuc y Tenejapa

¹⁶ Ja'uc me to, spisil te mach'a la sbic'at c'oeme, ya xbic'ot uuc; soc spisil acontrotac ya me xbajt'ic ta mosoil ta yan q'uinal. Ya me cac' ya yich' pojel te mach'atic la spojbat abiluque; soc ac'a yich'ic elc'anel te mach'atic la yelc'anate.

Bible in Tzeltal Bachajón

¹⁶ Pero ya xlajinot spisil te mach'atic ya slajinat; soc spisil acontratac ya x'ic'otic bahel ta chuquel; ya yich' pojel sbiluquic spisil te mach'atic ya spojbat abiluc, spisil te mach'atic ya yelc'anat ya cac' te ya yich'ic elc'anel.

Jeremías 30:16 Referans Kwoze

Jeremías 10:25

Ac'a bael awilimba ta stojol te nacionetic te ma sna'bat abae, ta stojol te lumetic te ma ba ya sc'oponate. Melel la sbic' c'oem te lum yu'un Jacob, jc'axel la sjinic ta jyalel; mero ma'yuc yutsil la yijq'uitayic te lume —xi' te j'alwaneje.

Isaías 33:1

¡Ya me awil awocol jinwanej te ma ba jinbilate; ya me awil awocol j'ac'wanej ta c'abal, te ma ba ac'bilat ta c'abal te ja'ate! C'alal ya xlaj awo'tan ta jinwanej, ya me awich' jinel; c'alal ya xlaj awo'tan ta ac'wanej ta c'abale, ya me awich' aq'uel ta c'abal te ja'ate.

Éxodo 23:22

Yan teme ya ach'uunbeyic ta melel te sc'ope, soc teme ya apas spisil te bit'il calojbeyexe, ya me jcontroin te mach'atic ya scontroinate. Ja' me jcontro ya xc'ot te mach'atic acontroe.

Zacarías 2:8

Te Cajwaltic te Spisil ya xju' yu'un, la sticunon ta yalel te c'op swenta castigo ta stojolic te nacionetic la spojbeyex abiluquic te ja'exe: —Mach'auc a te ya yuts'inbon te lum cu'une, jo'on xchulel jsit ya yuts'inbon c'oem abi. Ja' yu'un jo'onix ya x'at'ejon ta yaq'uel castigo te nacionetique, ya me cac' te ya yich' pojbeyel sbiluc yu'un te mach'atic smozoineje —xi'. Jich ya yac' ta ilel te yutsilal te Cajwaltic, te Spisil ya xju' yu'une. Jich me ya ana'ic a te ja' te Cajwaltic, te la sticunon tel.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Zacarías 12:2

—Te Jerusalén, ya jpas ta copa yu'un vino c'oem te ya xyacubteswane. Ya me syacubtes c'oem spisilic te nacionetic te spat-xujc' sba soque. Te c'alal ya sjoyintayic ta guerra te Jerusalén, tey nix ora ya yac'beyic guerra a te yantic lumetic ayic ta sq'uinal Judá.

Joel 3:8

Ya me jchonbey judioetic te aquerem-nich'nabic soc te awantsil-nich'nabic, swenta yu'un ya xchonbeyic bael sabeo-winiquetic te c'ubul slumalique. Jo'on Ajwalilon, yacon ta yalel —xi' te Cajwaltique.

Isaías 14:2

Bayal me nacionetic ya x'ic'otic yu'un te israeletique, ya me sjoinic bael c'alal ta slumalic. Jich me ya xc'ot yu'unic te bit'il abatetic ta sq'uinal Cajwaltic. Te israeletic ya me yiq'uic bael ta mosoil te mach'atic neel chucotic bael yu'une, soc ja' me ya xmandalajic ta stojolic te mach'atic neel uts'inotic yu'une.

Salmos 129:5

Ac'a yich'ic q'uexlaltesel soc ac'a anicuc bael spisil mach'atic contro ya yilic Sión.

Sofonías 2:8

Ja' tulan ya yalbey sc'oplal Cajwaltic te Spisil ya xju' yu'une, te Dios yu'un Israel: —Caiyojbey stojol yixta-c'opic te moabaetic, soc te sbol-c'opic te amonetique. Melel ja' la sbolc'optaybonic te ants-winiquetic cu'un, soc muc' la yac' sbaic ta bay sq'uinalic. Jich yu'un, ya cal ta jamal te bit'il cuxul Dioson jtuquel, te Moab jich me ya xc'ot te bit'il Sodoma, soc te mach'atic ayic ta Amón jich me ya xjilic te bit'il Gomorra. Ya me xc'atp'uj ta ch'ixtiquil te sq'uinalique, sloq'uib me ats'am ya xc'otic, sbajt'el q'uinal ma'yuc yutsil ya xjil ta jc'axel. Te mach'atic cuxulic xan ta bay lum cu'un ya me xba spojbeyic sbiluc, soc ya me yich'bey jilel te sq'uinalique —xi'.

Habacuc 2:16

Te ich'el ta muc', ja' ya xc'atp'uj ta q'uexlal. Melel te Cajwaltic ya yac'bat awuch' te bila ya awac' ta ilel a te ma ba awich'oj circuncisión, jich ya xc'atp'uj ta q'uexlal te awutsilale.

Nahúm 1:8

Ja'uc me to, jich bit'il snojel ja' ya smes bael spisil, ya slajin te mach'atic ya stoy sbaic ta stojole; ya xtaot ta ijc' q'uinal te scontrotaque.

Miqueas 7:10

Ya me yil te jcontro, soc ya me xpotsot ta q'uexlal yu'un. Melel la yalbon: —¿Banti ay te Ajwalil te Dios awu'une? —xi' ta yalel. Ja'uc me to, ta ora yo'tic ya me jmulan yilel te ya yich' teq'uel jichuc ajch'al ta calleetic.

Miqueas 4:11

Ta ora yo'tic bayal nacionetic stsoboj sbaic ta scontroinbelat. Ya yalic: —Ya xba quiltic te Jerusalén te boloben sc'oplale, ya me xbujts'naj co'tantic yu'un —xiic.

Ezequiel 35:5

“Ja'at mero spisil ora acontroinej te israeletic, la awac'bey guerra ta stojolic, te c'alal la yich'ic te slajibal castigo ta scaj smulique.

Ezequiel 29:6

Ta spisil te yajwal Egipto ya me sna'ic te jo'on Ajwalilone. Te lum Israel ya c'an yich' yip ta atojol, pero jich c'oat te bit'il jalale.

Lamentaciones 1:21

Te ants-winiquetic ya yaiybonic stojol te coq'uele; ja'uc me to, ma'yuc mach'a ya smuc'tesbon co'tan. Spisilic te jcontrotac yilojic te jwocole, ya xbujts'naj yo'tanic yu'un te la awac'on ta woclajele. Ac'a taluc sc'aalelal te bit'il awalojbey sc'oplale; ac'a bajt'uc jich ta stojolic te bit'il c'ot ta jtojole.

Jeremías 2:3

Israel ch'ultesbil ta jtojol, ja' te mero c'ax lec sit c'oeme. Teme ay mach'a tal ta uts'inel yu'une, jo'on la cac'bey castigo, la jticunbey tel bila amen ta stojolic. Jo'on Ajwalilon te jich la cale”, uta me —xi' te Cajwaltique.

Isaías 54:17

ja'uc me to, ma'yuc mach'a spasoj te at'ejibaletic te ya xju' ya sjinate. Ya me awac' xmajc' jilel ye te mach'a ya sleat ta c'ope. Ja' ya cac'bey te ya yaiy tsalaw te mach'atic ya yac' sbaic ta abatinel cu'une —xi'. Jich la yal te Cajwaltique.

Isaías 54:15

Teme ay mach'a ya sc'an ya xtal yac'bat guerra, ma me xacuy te jo'on la jticunbat tel; ja'uc me to, ya me atsal te mach'a ya sc'an yac'bat guerra.

Zacarías 14:2

Te c'alal ya sta sc'aalelal te Cajwaltic ya me stsob spisil te nacionetic, swenta yu'un ya me yac'beyic guerra te Jerusalén. Ya me x'och ta swentaic te lum, ya me yich' pojbeyel sbiluc ta snaic, ya me yich' tsaquel ta uts'inel te antsetic yu'unic, soc ya me yich' chuquel bael olil te ants-winiquetic yu'un te lume. Ja' xanix te jayeb ya xjil, ya me x'ainic ta slumalic.

Zacarías 1:14

Te ch'ul abat la spason ta mandal ta spuquel ta alel, jich la yal: —Jich la yal te Cajwaltic te Spisil ya xju' yu'une: “Mero bayal c'ux ta co'tan ya caiy te Jerusalén soc te wits Sión.

Jeremías 50:28

(Te ants-winiquetic colemic loq'uel ta Babilonia, ya xc'o yalic ta Sión te bit'il te Cajwaltic Dios la yac'bey stoj Babilonia te bila la spasbey te templo.)

Jeremías 25:12

Te c'alal ya sts'aquej te lajuneb xchanwinic (70) ja'wile, ya quich'bey sc'op yu'un smul te muc' ajwalil yu'un Babilonia soc te nación yu'une, ja' te slumal caldeoetic, soc ya jin ta sbajt'el q'uinal. Jo'on Ajwalilon, jich ya cal.

Jeremías 12:14

Te Cajwaltic jich ya yalbey sc'oplal te lumetic te amene, te jun sts'acan soc Israel, te la sjinic te q'uinal te la yac'bey yu'unin Israel te lum yu'une: —Jo'on ya jbul loq'uel ta sq'uinalic, soc ya jloq'ues ta yolilic te Judae.

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Jeremías 30:15

¿Bistuc ya x'ajc'anajat yu'un te awejch'ene? Te xc'uxule ma'yuc xpoxil. Ta scaj bayal te bila amen apasoj soc te ma x'ajtabaj te muliletic awu'une, ja' yu'un jich la jpasbat.

Deuteronomio 30:7

Te Cajwaltic Dios ya me yac' c'otuc ta stojol acontroic ta spisil te bitic swenta castigo, soc ya me yac' c'otuc ta stojol te mach'atic ya snutsex soc sbolil yo'tanique.

1 Samuel 17:53

Te c'alal sujt'ic tel ta snutsel te filisteoetic te israeletique, och yich'beyic te sbiluc jil ta scampamentoique.

Proverbios 22:23

Melel ja' me ya x'och ta coltayel yu'un te Cajwaltique; ya me xtenot ta c'op yu'un te Cajwaltic te mach'a ya sten ta c'op te me'baetique.

Lamentaciones 1:22

Ac'a c'otuc ta asit spisil te bila amen spasojique; ac'beya castigo yu'un smulic, jich bit'il la apasbon te jo'one. Bayal ya x'oc'on ya caiy; ayonix ta chamel soc te co'tane.

Zacarías 1:15

Ja' swentail te til jajch'el sc'ajc'al co'tan yu'unic te nacionetic te ma'yuc sc'oplal ta yo'tanic te lum cu'une. Melel la yaq'uic xan puersa ta spasel te bila amene, manchuc me jteb to nax ilinemon a.

Zacarías 2:12

Te Cajwaltic, ya me yic' xan ta stojol te Judá. Ya me yu'unin te ja' mero tsabil yu'un te ay ta ch'ul lumq'uinale, soc ya me yalbey xan sc'oplal te Jerusalén te ja' tsabil lum yu'une.