Jeremías 30:13 - Bible in Tzeltal de Oxchuc y Tenejapa

¹³ Ma me ayuc mach'a ya xc'opoj yo'tan ta atojol; ma'yuc mach'a ya xpoxtaybat awejch'en, ma xju'at ta poxtayel.

Bible in Tzeltal Bachajón

¹³ Mayuc mach'a ya xc'opoj awu'un, mayuc spoxil awehchen, ma xhu'at ta poxtayel.

Jeremías 30:13 Referans Kwoze

Jeremías 46:11

“Yajwal Egipto, baanic ta Galaad ta sleel poxiletic. Manchuc me jayebuc poxiletic ya atuuntesic, ma nix bay ya xtuun awu'un a, melel ma'yuc poxil awu'un te ja'ate.

Jeremías 8:22

¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?

Jeremías 33:6

Ja'uc me to ya jpoxtay, ya cac' lecubuc q'uinal yaiyic, soc ya me cac' yaiybeyic yutsilal ta lec te lamal-o'tanil, soc ya me cac' te jun yo'tanique.

Jeremías 30:17

Ya me cac'bat xan yutsil q'uinal awaiy, ya jpoxtaybat te awejch'ene; manchuc me jich ya yalbat ac'oplal te acontrotaque: “Te Sión ijq'uitaybilix, ma'yuc mach'a ya xc'opojix yo'tan yu'un”, teme xiique. Jo'on Ajwalilon, jich ya cal —xi' te Cajwaltique.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Nahúm 3:19

Ma me ayuc poxil yu'un te awejch'ene; te ac'a'ele ma xju' ta poxtayel. Spisilic te mach'atic ya yaiybat stojol te awocole ya spac' sc'abic, ya xbujts'naj yo'tanic yu'un. Melel ¿ay bal mach'a ma ba woclaj yu'un te bila amen apasojete ma'yuc slajibale? —xi' te Cajwaltique.

Oseas 14:4

Ya yal te Cajwaltique: —Ya jpoxtaybey te stoybaile; ya jc'uxtay manchuc me ma jichuc ya sc'an pasbeyel; la jq'uejix bael ta stojolic te quilimbae.

Oseas 6:1

La'ic ta apisilic, sujt'ucotic ta stojol te Cajwaltique. Ja' nix la stsacotic, ja'uc me to, ja' nix ya xpoxtayotic; la yejch'entesotic, ja'uc me to, ya spotsbotic.

Ezequiel 22:30

La jleix ta yolilic te mach'a ay bila lec ya spasbey ta stojol te lume, te yacuc stejc'an sba ta c'op cu'un ta stojol te lume, swenta yu'un jich ma ba ya jlajin a te jichuque. Pero ma'yuc banti jtaoj.

Isaías 59:16

Te Cajwaltic cham nax la yaiy yu'un te la yil te ma'yuc mach'a yac ta yac'bel xpoxil c'oem; jich yu'un jajch' ta at'el soc te yu'ele, ja' nix la yaiy tsalaw stuquel.

Isaías 1:6

Jajch'em ta awacan c'alal ta ajol, ma'yuc bay xujt'uc lec tey a; ta scojt'ol abaq'uetal ay ta ejch'en, sijt'emiquix, jamajtiquix ta c'a'el. Ma'yuc mach'a xpoxtayej, ni ma'yuc mach'a spotsojbat, ma'yuc mach'a la slamantesbeyex xc'uxul ta aceite.

Salmos 142:4

Ya jsujt'es bael jsit ta swa'el jc'ab, ma'yuc mach'a ya quil te ya xtal scoltayone. Ma'yuc mach'a ya xc'opoj cu'un; ma'yuc mach'a ya xtal ta yo'tan te ya scanantayone.

Salmos 106:23

Te Dios la yalbey sc'oplal ta lajinel ta jc'axel; ja'uc me to, te Moisés te tsabil yu'une, c'opoj yu'unic. Jich lamaj bael sc'ajc'al yo'tan te Diose; ma ba la slajin ta jc'axel te lume.

Job 34:29

Pero teme ma xc'opoj yu'un te Diose, ¿mach'a ya xju' yu'un ya yalbey smul te j'uts'inwaneje? Teme ya snac' yelaw te Diose, ¿mach'a ya yilbey te smule? Ja' stuquel ya yil lumetic soc juju-jtul ants-winiquetic,

Job 5:18

Teme ay ja' nix ya yac' ejch'ene, ja' nix me ya spots yan buelta; teme ta sc'ab ya xmajawane, ta sc'ab nix me ya xpoxtaybey.

Deuteronomio 32:39

Jo'on nax jtuquel te Diosone, ma'yuc yan dios pajalon soc. Jo'on ya cac' cuxlejal, jo'on nix ya xju' cu'un slajinel. Jo'on ya cac' ejch'en, jo'on nix ya xju' cu'un xpoxtayel. Ma'yuc mach'a ya xju' yu'un ya scoltay sba ta jc'ab jtuquel.

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

Jeremías 17:14

Lamantesbonix jwocol, Cajwal, jich me ya xlamaj; coltayawon ja'at, jich me ya xcolon. Melel ja'at nax atuquel te ya calbat lec ac'oplal.

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

Jeremías 6:7

Ta Jerusalén tey ya xloc' tel a te bila amene, jich bit'il jun pozo te ya xloc' tel a te ja'e. Ma'yuc bila yan te ay ta aiyel stojol tey a, ja' nax uts'inel soc elec'; ma'yuc yan bila ya quil, ja' nax chamel soc ejch'en.

Ezequiel 30:21

—Jo'on la jc'asbeyix sc'ab te faraón, te muc' ajwalil yu'un Egipto. Ma'yuc mach'a ya xpoxtaybey, soc ma'yuc mach'a ya spotsbey, swenta yu'un ya yich' xan yip a, soc swenta yu'un ya xju' ya stsac xan a te spuñale.

Lamentaciones 2:13

Jerusalén te t'ujbilate, ¿bila ya xju' ya jpajat soc? ¿Bila ya xju' ya jmuc'tesbat awo'tan a, ja'at Sión te ma bolobenucat soc awutsilal ta neelale? Muc' ta jyalel te ajinel, jich bit'il smuc'ul mar; ¿mach'a ya xju' yu'un ya slamantesbat q'uinal awaiy?