Jeremías 30:12 - Bible in Tzeltal de Oxchuc y Tenejapa

¹² Te Cajwaltic jich ya yal: —Te awejch'en ma'yuc ta poxtayel, te bila amen apasoj, ma'yuc xpoxil.

Bible in Tzeltal Bachajón

¹² Hich yaloj te Jehová: Ma xhu' ta lecubtesel awehchen, mayuc spoxil te ac'a'emal.

Jeremías 30:12 Referans Kwoze

Jeremías 15:18

¿Bi yu'un te ma xcom te bila c'ux ya caiye? ¿Bi yu'un te ma'yuc ta poxtayel te quejch'ene, te ma xch'uun te jayebuc te poxtayele? Jich c'oemat ta jtojol te bit'il beja' te ya xlo'laywan, te ma staleluc ay ya'lele.

Jeremías 30:15

¿Bistuc ya x'ajc'anajat yu'un te awejch'ene? Te xc'uxule ma'yuc xpoxil. Ta scaj bayal te bila amen apasoj soc te ma x'ajtabaj te muliletic awu'une, ja' yu'un jich la jpasbat.

Jeremías 14:17

Albeya yaiyic in lum to: “Ya me jmal loq'uel ya'lel jsit, c'aal ajc'ubal, ma xcom, ta scaj te xiweltic nax sba woclajel ta stojol te lum cu'une, ta scaj te bats'ejem te yejch'ene.

2 Crónicas 36:16

Ja'uc me to, la yich' stse'luyel te j'alwanejetic yu'un te Diose, la yilayic te bila albotic yu'une. La slabanic te j'alwanejetic yu'un, ja' to c'alal toy te yilimba Cajwaltic ta stojol te lum yu'une, jich ma'yuquix xpoxil c'ot smul te lume.

Ezequiel 37:11

Te Cajwaltic jich la yalbon: —Te lum Israel ja' pajal soc te baquetic in to. Melel jich yacalic ta yalel: “Taquejemix te jbaqueltique. Ma'yuquix bila lec ya jmaliytic; ch'ayemotiquix”, xiic.

Jeremías 6:7

Ta Jerusalén tey ya xloc' tel a te bila amene, jich bit'il jun pozo te ya xloc' tel a te ja'e. Ma'yuc bila yan te ay ta aiyel stojol tey a, ja' nax uts'inel soc elec'; ma'yuc yan bila ya quil, ja' nax chamel soc ejch'en.

Lamentaciones 2:13

Jerusalén te t'ujbilate, ¿bila ya xju' ya jpajat soc? ¿Bila ya xju' ya jmuc'tesbat awo'tan a, ja'at Sión te ma bolobenucat soc awutsilal ta neelale? Muc' ta jyalel te ajinel, jich bit'il smuc'ul mar; ¿mach'a ya xju' yu'un ya slamantesbat q'uinal awaiy?

Oseas 5:13

“C'alal ya yil sba te ay ta chamel te Efraín, soc c'alal ya yil yejch'en te Judá, te Efraín ya xbajt' ta Asiria ta sc'anel coltayel ta stojol te mero muc'ul ajwalil. Ja'uc me to, ma me xju' yu'un slamantesel te xchamele, soc ma xju' yu'un xpoxtayel te ejch'enetic yu'une.

Miqueas 1:9

Melel te yejch'en Samaria ma xju' ta poxtayel; jich tabilix uuc te Judá, c'oemix c'alal ta Jerusalén, ja' te lum ta bay nainemic te jlumale.

Nahúm 3:19

Ma me ayuc poxil yu'un te awejch'ene; te ac'a'ele ma xju' ta poxtayel. Spisilic te mach'atic ya yaiybat stojol te awocole ya spac' sc'abic, ya xbujts'naj yo'tanic yu'un. Melel ¿ay bal mach'a ma ba woclaj yu'un te bila amen apasojete ma'yuc slajibale? —xi' te Cajwaltique.

Jeremías 8:22

¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.