Jeremías 3:8 - Bible in Tzeltal de Oxchuc y Tenejapa

⁸ Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

Bible in Tzeltal Bachajón

⁸ la yil te la jpasbe hun yu'un ihquitayel te toyba Israel, pero te toyba Judá, te yihts'in, ma ba la xi', ha nix hich baht yac' sba ta antsinel.

Jeremías 3:8 Referans Kwoze

Deuteronomio 24:1

“Teme ay winic te ya yic' ants te ya xnujbin soque, pero ta patil ya yal te ma ba ya smulanixe, ya yal te yu'un ay bila amen la stabeye, ya me sc'an te ya sts'ibuy ta jun te bila swentailuc te ya yijq'uitaye. Jich me ya sticun loq'uel ta sna.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Ezequiel 23:9

Ja' yu'un la cac'bey ta sc'abic te mach'atic la smulane, ja' te asiriaetic te la smulan yo'tane.

Ezequiel 16:47

Ja'at la anopbey te stalele, soc ja' nix ba apasbey te yat'el ilaybil sbae. Ma tic'uc la awaiy a, c'axem jich la apas a te bit'il la spas stuquelique.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Deuteronomio 24:3

Pero teme ja' nix jich ma ba mulanot yu'un te xchebal smamlale, teme ac'bot xan jun yu'un ta banti ts'ibubil te bila swentail te ijq'uitayot yu'une, soc te ticunot loq'uel yu'un te winique, o teme ay laj a te xchebal smamlale,

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Jeremías 33:24

—¿Yu'un bal ma x'ana' stojol te yacalic ta yalel ants-winiquetic, te jch'ojoj bael ta co'tan ta sc'opic te cha'chajp alnich'an Israel soc Judá, te jo'onix la jtsae? Jich ma ba lec ya yilic te lum cu'une, soc jich c'oemix ta yo'tanic te ma nacionuquixe.

Ezequiel 16:46

Ta stojol norte ay a te awixe, ja' te lum Samaria soc te ch'in lumetic yu'une. Ta stojol sur ay te awijts'ine, ja' te lum Sodoma, ja' nix soc te ch'in lumetic yu'une.

Ezequiel 16:51

Yan te Samaria, ni oliluc la sta jich te smul te bit'il te muliletic awu'un te ja'ate. Te ja'ate c'axem jich bitic ilaybil sba apasoj a te bit'il stuquelique. Ja' yu'un, ja' peq'uel smulic stuquelic, ja'at toyol te amule.

2 Crónicas 21:11

Soc la spasbeyix toyol ch'uunjibaletic ta witstiquil yu'un Judá. Ja' tey la yac' bolobuc a te mach'atic yajwal Jerusalén, jich la sta smulic ta stojol Cajwaltic, soc la spasbey te ya xjowejic ta jyalel te Judá.

Jeremías 5:7

Te Cajwaltic jich ya yal: —¿Bit'il ya jpasbat perdón yu'un spisil? Te anich'nabique la yijq'uitayonic, soc ja' ya yalbeyic loq'uel sbiil te ma diosuque. La cac'bey bayal swe'elic; ja'uc me to, ma junaj yo'tanic ta jtojol, soc jun nax la yac' sbaic bael ta spasel mulwej ta sna jmulawil antsetic.

Ezequiel 23:44

Ya xtalic ta stojol te Ahola soc te Aholiba, ja' te antsetic te jc'axel yac'oj yo'tanic ta sleel smulique, jich bajt'ic ta stojolic te bit'il ya xbajt'ic ta stojol te jmulawil antse.