Jeremías 3:6 - Bible in Tzeltal de Oxchuc y Tenejapa

⁶ Ta yorail ay ta muc' ajwalil a te Josías jich la yalbon te Cajwaltic: —¿Awiloj bal te bila la spas te toyba Israele? Ja' te ba yat'elin spasel mulwej ta spisil ta toyol witsetic soc ta yet'al pimil c'ab te'etic.

Bible in Tzeltal Bachajón

⁶ Ta yorahil ay ta ajwalil a te Josías hich la yalbon te Jehová: ¿Awiloj bal te bin la spas te toyba Israel? Bahemix ta spisil toyol witsiltic soc ta ye'tal spisil pimil ya'binal te'etic, tey la yac' sba ta antsinel a.

Jeremías 3:6 Referans Kwoze

Ezequiel 23:11

“Te Aholiba, ja' te ijts'inale, la yil. Pero c'ax jich la yac' sba ta c'abal a te bit'il te xwixe. Och ta mulanwanej, soc och ta jmulwej.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

Ezequiel 16:31

Ta slajibal bebetic, soc ta bay jochol yawil, la apasbey scajtijib ta chiq'uel smajt'an ta banti ya yich' ch'uunel te loc'ombaetic awu'une, soc la awac' aba ta c'abal ta jmulawil ants. Pero ma jichuc la apas te bit'il ya spas te jmulawil antse, melel ma ba la ac'an atojol.

Jeremías 17:2

Te anich'nabe ya sna'ic te scajtijib majt'aniletic yu'un awajcananique, soc te sloc'ombaetic Asera awu'unique ta yet'al pimil c'ab te'etic soc ta sba te witstiquile,

Jeremías 7:24

Ja'uc me to, ma la xch'uunbonic, ni ma la yich'bonic ta muc'; q'uejel la yac' sbaic ta nitel bael yu'un te stoybail yo'tanique. Sc'oplal te sujt'ic tel ta jtojole; ja'uc me to, ja' la yac'bonic tel te spatique.

Jeremías 3:8

Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

Isaías 57:7

Tey ya awac' awayib ta sba muc' toyol wits, soc tey la awac'bey milbil majt'aniletic a.

1 Reyes 14:23

Ja' nix jich la spas toyol ch'uunjibaletic, la stejc'an jajch'el tonetic soc sloc'omba Asera ta spisil ta bujul q'uinal, soc ta spisil yanil te'etic te bayal yabenale.

2 Crónicas 34:1

Te Josías ay waxaqueb ya'wilal a te c'alal jajch' ta mandalteswanej ta muc' ajwalil, mandalaj ta Jerusalén bulucheb xcha'winic (31) ja'wil.

Jeremías 1:2

Te Cajwaltic la sc'opon te Jeremías te c'alal yoxlajunebal ya'wilal te ay ta muc' ajwalil ta Judá te Josías, te snich'an Amón.

Jeremías 5:11

Israel soc Judá muquen la stoy sbaic ta jtojol. Jo'on Ajwalilon te jich ya cale —xi' te Cajwaltique.

Jeremías 11:10

Ja' nix ya xcha'pasic te muliletic te neel la spasic te antiguo sme'-statique, ja' te mach'atic ma la sc'an xch'uunbonic jc'op, bajt'ic ta xch'uunel te lotil diosetique. Ta Israel, jich bit'il ta Judá, la xc'axintaybonic te trato la jchap soc te antiguo sme'-statique.

Jeremías 31:22

¿Bi ora ya xlaj awo'tan te bayuc ya xbaate, te jich jowejemat te bit'il jtul ach'ix te jowejeme? Jo'on Ajwalilon, ay bila jchicnantesej yach'il ta balumilal: Ay jtul ants ya xba sta xan sba soc te smamlale —xi'.

Ezequiel 23:4

Te wixile Ahola sbiil (seña Samaria), te ijts'inale Aholiba sbiil (seña Jerusalén). Jo'on la quic' quinamin, alajic, queremetic soc ach'ixetic te yalique.

Oseas 4:13

Ta bay sba toyol witsetic soc ta ch'in witsetic ya xchiq'uic pom tey a soc ya yac'beyic milbil majt'anil. Soc ja' nix ya spasic ta bay buen axinal yu'un te c'antulanetic, álamoetic soc te jijte'etique. Jich yu'un la spasiquix mulwej te awantsil-nich'anique, soc nix te awalibique.

Oseas 11:7

Te lum cu'un c'ubul ayic ta jtojol, tulan yo'tanic. Ya yawtayic te mach'a ay ta ch'ulchan ta sc'opique; ja'uc me to, ma'yuc mach'a ya xcoltayot yu'un.

Jueces 2:17

Ja'uc me to, te israeletic ma la yich'ic ta muc' te juecetique. Jc'axel chebaj yo'tanic ta stojol Cajwaltic, la xch'uunic loc'ombaetic te scuyojic ta diosetique. Te antiguo sme'-static la xch'uunbeyic te mandaliletic yu'un Cajwaltic; yan stuquelic ma ja'uc la snopbeyic te yo'tanique.

Salmos 106:39

la sboltes sbaic melel mulwej la spasic a ta spisil te yat'elique.

Isaías 57:3

Te Cajwaltic ya yal: —Noptsajanic tel, ja'ex te snich'nabex te jpic-c'abal, te ayinemex yu'un jtul mulawil winic soc mulawil ants.

Ezequiel 16:35

“Ja' yu'un, jmulawil ants, aiybon me awaiy te jc'ope,