Jeremías 3:5 - Bible in Tzeltal de Oxchuc y Tenejapa

⁵ ¿Sbajt'el bal q'uinal ya x'ilinat? ¿Sbajt'el bal q'uinal ya xjalaj te awilimbae?”, te xaate. Te c'alal jich yacat ta yalel a, la apas spisil te bila amen te ju' awu'une —xi' te Cajwaltique.

Bible in Tzeltal Bachajón

⁵ ¿spisil bal ora ya x'ilinat? ¿sbahtel bal q'uinal ya xhalaj te awilimba? ma bal xchihucat? Hich ya xc'opojat, pero la apas spisil te bin chopol te hu' awu'une, xchi te Jehová.

Jeremías 3:5 Referans Kwoze

Miqueas 7:3

Ja'ic maestroetic yu'un spasel te bila amene. Te ajwaliletic ya sujawanic ta sc'anel majt'anil. Te juecetic ya sc'an smajt'an taq'uinic ta muquen. Te mach'atic tulanic ya spasic te bila ya sc'an yo'tanic soc ya sjowtesic te lume.

Miqueas 2:1

Ya me yil swocolic te mach'atic ayic ta swayibic te ya snopilay ta yo'tanic te muliletique. Te c'alal ya sacub q'uinal, ya xc'ot ta pasel yu'unic, melel ay yipic ta spasel.

Ezequiel 22:6

Tey ayic a te ajwaliletic yu'un Israel te nainemic ta awolilic, te ya spasic bayal ta jchajp miltombae.

Jeremías 3:12

Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Isaías 57:16

Ma spisiluc ora ya calulabey smul te lum cu'une; ma me spisiluc c'aal ayon ta ilimba. Melel te ants-winiquetic te jpasoje, ma wocoluc ya xch'ay yutsil yo'tanic ta jtojol.

Isaías 64:9

Cajwal, ma me x'ilinat ta c'axem to xan; ma me x'ana'botic spisil ora te mulil cu'untique. Ila me awil te jo'otique, melel lumotic awu'un.

Salmos 85:5

¿O ya to bal xnajt'aj xan bael te awilimba ta jtojoltique?

2 Crónicas 29:10

Ja' yu'un ta ora to jnopoj te ya jpas trato soc te Cajwaltic Dios yu'un Israel, swenta yu'un ya me sq'uejbotic bael te yilimba ta jtojoltique.

Salmos 85:6

¿Ma bal yacuc awac' xan jcuxlejaltic, swenta yu'un jich bin nax yo'tan ta atojol a te lum awu'une?

Jeremías 8:5

Jich yu'un, Israel, ¿bi yu'un la atoy aba ta jtojol? Jerusalén, ¿bi yu'un te sbajt'el q'uinal ma x'ac'an ach'uunone? ¿Bi yu'un la awat'elin spasel te toybaile, te ma x'ac'an ya sujt'at tele?

Jeremías 8:6

Jun co'tan yacon ta yaiyel stojol; ja'uc me to, ma'yuc mach'a ya caiybey sc'op jtuluc te ya sujt'es yo'tan yu'un te bila amen soc te jamal nax yo'tan ya yal: ‘¿Bila a te jpasoje?’ te xiuque. Ta spisilic la st'unic bael ta animal te sbeique, jich bit'il caballoetic te tulan ya x'animajic ochel ta guerra.