Jeremías 3:4 - Bible in Tzeltal de Oxchuc y Tenejapa

⁴ Ach' to nax la awalbon: “Jtat, mero joyat c'alal to tel ta calalil.

Bible in Tzeltal Bachajón

⁴ ¿Ma bal yach'iluc to hich la awalbon: Jtat, ha'at joquinwanejat cu'un c'alal to ta jqueremil,

Jeremías 3:4 Referans Kwoze

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Jeremías 3:19

“Israel, la jnop quic'belat jich bit'il jnich'an soc te ya cac'bat aq'uinalin te ay ta mulanele, ja' te lumq'uinal te mero c'ax bayal yutsil yu'un a ta spisil ta spamal balumilal. La cal te “Jtat”, ya awutone, soc te mero ma'yuc bay ya aq'uej aba bael ta jtojole.

Oseas 2:15

Ya me cac'bey xan te ts'usubiletic yu'un, soc ya me jc'atp'un te xatal q'uinal Acor te tey me ya xchicnaj a te smuc'ul yo'tane. Tey me ya sjac'bon jc'op a jich bit'il te c'alal ach'ix toe, jich bit'il te bi c'aalil loc' tel ta Egipto.

Jeremías 31:9

Ya me xtal sc'opononic soc oq'uel. Jo'on ya quic' bael ta beja'etic soc ta pamal be, ta bay ma sc'ojch'in te yacanique. Melel jo'on Staton te Israele, soc te jnich'an Efraín, te ja' banquilale.

Proverbios 2:17

te ya xch'ay jilel te mach'a sjoy ta ch'iele te jich ya xch'ay ta yo'tan te bila chapal yu'un soc te Diose.

Salmos 71:17

Dios cu'un, ta jqueremil to awac'ojbon jnop, c'alal ora yacon ta yalel te smuc'ul te awat'ele.

Malaquías 2:14

Soc ya to ajojc'oyic te bi yu'une. Ja' testigo te Cajwaltic te ma c'ot ta pasel awu'un te bila la achap ta stojol te ach'ix nujbinat soc te c'alal queremat toe. Ja' ajoy ta xjajch'ibal, soc la awalbey ta jamal te jun me awo'tan ta stojol ta sbajt'el ora.

Jeremías 2:27

Melel ya awalbey te te': “Ja'at jtatat”, ya awut, soc ya awalbey te tone: “Ja' jme'at”, ya awut. Yan te jo'one, ja' ya awac'bon quilbat te apate, ma ja'uc te awelawe. Ja'uc me to, te c'alal nax ya awilic ya xtal ta atojolic te bila chujc'ule, ya awalbonic: “¡La', coltayawotic!”, xaex ta ora.

Proverbios 1:4

soc te ya x'ac'bot sp'ijil yo'tanic te queremeticte ma'yuc bila sna'ojic, te ya yich' ac'beyel sp'ijil sjolic, soc ac'beyel snop ta yo'tanic te bila t'ujbil ta pasele.

Salmos 119:9

¿Bit'il ma'yuc smul ya xbeen te quereme? Ja' to teme ya xch'uun spasel te bila ya yal te ac'ope.

Salmos 71:5

Ja'at Cajwal yipat co'tan soc smuc'ulat co'tan c'alal to ta jqueremil.

Salmos 48:14

te jich ay te Dios cu'untique; ja' jtojteswanej cu'untic sbajt'el q'uinal stuquel.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Jeremías 31:22

¿Bi ora ya xlaj awo'tan te bayuc ya xbaate, te jich jowejemat te bit'il jtul ach'ix te jowejeme? Jo'on Ajwalilon, ay bila jchicnantesej yach'il ta balumilal: Ay jtul ants ya xba sta xan sba soc te smamlale —xi'.