Jeremías 3:25 - Bible in Tzeltal de Oxchuc y Tenejapa

²⁵ Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Bible in Tzeltal Bachajón

²⁵ Ac'a jmehtsan jbahtic ta jq'uexlaltic, ac'a smucotic te pehc'anel cu'untique; como jtahoj jmultic ta stojol Jehová te Dios cu'untic, ho'otic soc te jme'jtatic, c'alal ta jqueremiltic c'alal ora ini, soc ma ba la jch'uhumbetic sc'op te Jehová te Dios cu'untique, xchihic.

Jeremías 3:25 Referans Kwoze

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Jeremías 2:26

“Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

Romanos 6:21

Ja'uc me to, ¿bila loc' awu'unic a? Melel ja' nax la yaq'uex ta q'uexlal, melel ta slajibal te bitic ya apasique, ja' nax ya yaq'uex ta lajel.

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

Ezequiel 36:32

Jo'on Ajwalilon te jich caloje. Ya me sc'an ya ana'ic, israeletic, te ma ja'uc ta swenta yutsil awat'elic te jich ya jpase. Ya me sc'an te ya xtal q'uexlal ta awo'tanic; ya me sc'an ya xc'opoj awo'tanic yu'un te bi yilel te awat'elique.

Ezequiel 7:18

Ya slapic ch'ixal pac'. Ya me xnijc' ta scojt'ol te sbaq'uetalique. Te c'alal ya xbajt'ic ta anele, ya me stsajub bael yelawic yu'un q'uexlal, soc ya me sloq'ues te stsotsil sjolique, t'axal me ya xjil.

Lamentaciones 5:16

Ch'ay coel ta joltic te corona; ¡obol nax jbatic te jtaoj jmultique!

Lamentaciones 5:7

Te me'il-tatiletic cu'untic te wayemix sbaq'uetalique, la sta smulic ta stojol Dios; te jo'otique, ja' la jcuchbeytic jilel te smulique.

Jeremías 6:26

Lum cu'un, lapa ch'ixal paq'uetic ta señail te xc'uxul ya awaiyique, balana aba ta c'ajc'al tan, lapa c'u'il yu'un, soc oc'an ta bay nax c'alal, jich bit'il te ya xlaj te jip jtul anich'ane. Melel te mach'a ya xtal sjinotique, ora nax me ya xtal ta jtojoltic.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Jeremías 2:17

Jich pasbotat yu'un te la awijq'uitayon te jo'one, jo'on Ajwalilon te Dioson awu'une, jo'on la jtojtesat ta be.

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Isaías 50:11

Ja'uc me to, teme ya atsumic c'ajc' soc teme ya achajbanbey yat'ejibal at'imic te yac ta tilele, ja' nix me ya xch'ayex coel ta bay c'ajc' te yac ta tilel awu'unique, ta yanil yat'ejibal at'imic te ja'ex nix la awac'bey sc'aal. Te Cajwaltic ya me sticunbeyex tel castigo, soc limil me ya xjilex ta lum ta yolil te woclajele.

Isaías 48:8

Te ja'exe ma'yuc bay awaiyojbeyic sc'oplal ta alel, ni ma ba ana'ojbeyic sba, melel macal te achiquinique. Jo'on jna'oj te ma tojuc awo'tanic ta jtojol, soc te atalel jc'axin-c'opex te c'alal ma to x'ayinex ae.

Proverbios 5:13

Ma ba la jc'an la caiybey te sc'op maestroetic cu'une; ma ba la quich' ta wenta te jp'ijubteswanejetic cu'une.

Salmos 109:29

Ac'a me nojuc q'uexlal ta yo'tanic te jcontrotaque; te q'uexlal ac'a mucotuc yu'un jichuc capa.

Salmos 106:7

Te me'il-tatiletic cu'untic ta Egipto, ma'yuc sc'oplal c'ot ta yo'tanic te bitic muq'uic la apase; ch'ay ta yo'tanic te smuc'ul xc'uxul awo'tane, soc ta sti'il Mar Rojo la stoy sbaic ta atojol.

Jueces 2:2

Ja' la cal yu'un te manchuc ya apasic trato soc te mach'atic yajwalic te q'uinale, soc te yacuc ajinbeyic te scajtijib ta chiq'uel majt'aniletic yu'unique; ja'uc me to, ma la ac'an la ach'uunic. Ilawil te bila apasojiquixe.

Salmos 106:6

Pajal jtaojtic jmultic ta atojol, jich nix bit'il te antiguo jme'-jtatique; jowejemotic, la jpastic te bila ma lecuque.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Jeremías 8:14

Te lum ya me yalic: —¿Bistuc ya x'ainotic li'to? Ya xbootic jpisiltic ta lumetic te tulanic sts'ajc'ule, repente ya smilotic ta jc'axel. Te Cajwaltic te Dios cu'untic ya yac'otic ta lajel; ya yac'botic cuch'tic ja' te capal soc veneno, melel yacotic ta spasel mulil ta stojol.

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Jeremías 14:20

Cajwal, ya jna'tiquix te bila amen jpasojtique soc te smul te antiguo me'il-tatiletic cu'untique; jtaoj jmultic ta atojol te ja'ate.

Jeremías 20:18

¿Bi yu'un te loc'on tel ta xch'ujt' te jme'e, te ja' nax tal caiy xc'uxul mel-o'tan ta q'uinal, swenta yu'un potsbilon ta q'uexlal ya xch'ayon bael ta q'uinal soc jcuxlejal?

Jeremías 31:19

La jq'uej jba bael ta atojol, bayal ya jna' ta ora to; la jna'ix te jmule, ya jmajulay co'tan yu'un; ay q'uexlal ya caiy ta co'tan soc peq'uelon ta swenta te muliletic cu'un te c'alal jch'ielon to ae”, xi' ta ajc'an.

Ezequiel 2:3

jich la yalbon: —Ja'at winic, ya me jticunat bael ta stojol israeletic, ja'ic te lum te stoyoj sbaic ta jtojole, soc te ma xyich'onic ta muq'ue. Ja'ic soc te antiguo sme'-static te stoyoj sbaic ta jtojol c'alal ora.

Proverbios 13:18

Te mach'a ya yilay te tojtesel, me'ba me ya xc'ot soc q'uexlaltic me sba; yan te mach'a ya xch'uun te tojtesele, muc' yutsil ya xc'ot stuquel.

Jeremías 7:19

Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Jeremías 9:18

La sjac' te lume: —Jichuc, ac'a taluquic ta ora ac'a tal yoq'uetayotic te jo'otique; ac'a tal snojesbotic ya'lel te jsitique, ac'a maluc loq'uel bayal te ya'lel jsitique —xiic.

Jeremías 11:13

Te Judá c'ax bayal diosetic yu'un, jich nix yipal te bit'il lumetique. Te mach'atic yajwal te Jerusalén bayal spasojic scajtijib majt'aniletic swenta yu'un ya yac'bey pom te Baal, jich yipalic te bit'il calleetic yu'un te lume.

Jeremías 12:13

La sts'unic trigo, pero jch'ix la stulic loq'uel; spisil te yat'elique tojol nax. La staic falta soc te trigo ta scaj sc'aal stulanil quilimba —xi' te Cajwaltique.

Ezequiel 44:13

Ma xju' ya x'ochic ta abatinel ta jtojol, ma spas ya x'at'ejic ta sacerdoteil, soc ma me xju' ya xnoptsajic ta stojol te bila ch'ultesbil cu'une, jc'axel ma me spiquic te bila ch'ultesbile. Puersa me ya scuchic te bila amen ta scaj ilaybil sba bitic la spasique.

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Sofonías 1:17

Ya yal te Cajwaltique: —Ya me cac'bey swocol te ants-winiquetique. Jich me ya xbeenic te bit'il ma'sitetic, melel la sle smulic ta jtojol. Bayuc nax ya xmal xch'ich'elic jichuc tan, soc te sbaq'uetalic jich me ya yich' tsobel te bit'il stsa' chambalametic —xi'.