Jeremías 3:24 - Bible in Tzeltal de Oxchuc y Tenejapa

²⁴ Te loc'ombaetic te q'uexlaltic sbae, ja' la xch'aybotic te bi la staic te jme'-jtatic, ja' to c'alal alalotic to ae: ja' te chijetic soc wacaxetic, soc te yal-snich'nabique.

Bible in Tzeltal Bachajón

²⁴ Te loc'ombahetic te q'uexlaltic sba la slajimbeyic sit ya'tel te jme'jtatic, c'alal ta jqueremiltic: ha te tuminchijetic soc wacaxetic, te queremetic soc ach'ixetic yu'unic.

Jeremías 3:24 Referans Kwoze

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Oseas 10:6

Ya me x'ich'ot bael te alal toro c'alal ta Asiria, swenta yu'un ya yich' ac'beyel te muc'ul ajwalile. Jich me ya xjil ta q'uexlal te Efraín; te Israel ya me xq'uexaw yu'un te yajcanane.

Oseas 2:8

“Ja'uc me to, te antse ma la sna'on. Ma la sna' te jo'on la cac'bey te trigo, vino soc te aceite; te jo'on la quesmantesbey te plata, oro ya spas yajcanan ae.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

Ezequiel 16:61

Ay bi ora ya cac'bat awantsil-alin te awixe soc nix te awijts'ine, manchuc me ma jichuc ya yal te trato chapale. Ya me ana' te bi yilel awat'el ta nameye, ya me xq'uexawat yu'un.

Jeremías 11:13

Te Judá c'ax bayal diosetic yu'un, jich nix yipal te bit'il lumetique. Te mach'atic yajwal te Jerusalén bayal spasojic scajtijib majt'aniletic swenta yu'un ya yac'bey pom te Baal, jich yipalic te bit'il calleetic yu'un te lume.

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Jeremías 44:7

“Jich yu'un, te jo'on Ajwalilon te Spisil ya xju' cu'un, te Dioson yu'un Israel, ya cal: ¿Bistuc ja'ex nix ya aleic atuquelic te bila muc' te amen ya xtal ta atojolique? ¿Bistuc ya apasic te ya xlaj spisil te mach'atic jilemic xan ta Judá, winiquetic, antsetic, alaletic soc asta te ayinelic toe, te ni jtul ma xjiliquix ta jyalel?

Jeremías 9:18

La sjac' te lume: —Jichuc, ac'a taluquic ta ora ac'a tal yoq'uetayotic te jo'otique; ac'a tal snojesbotic ya'lel te jsitique, ac'a maluc loq'uel bayal te ya'lel jsitique —xiic.

Ezequiel 16:19

Te we'elil jo'on la cac'bate, te yich'oj pasel ta buen lequil harina, aceite, soc chab, te jo'on la jmac'linat a, ja' spisil la awac'bey swenta smajt'anic te mero bujts'an yic' ta stojolique. Jo'on Ajwalilon te jich caloje.

Ezequiel 16:20

“La awic' bael te queremetic soc te ach'ixetic cu'untique, te ja'ic cal-jnich'nabtic ayinic te c'alal la quic'ate, yu'un ja' la awac'bey ta milbil smajt'an swenta swe'elic te loc'ombaetic awu'une. Ma tic'uc la awaiy a te ochat ta spasel te mulile,