Jeremías 3:23 - Bible in Tzeltal de Oxchuc y Tenejapa

²³ Ma'yuc bila la jtatic a te ya xbootic ta ch'in witstiquil, o te ya x'awunotic ta sba witstiquil; ja' nax ta swenta Cajwaltic te Dios cu'untic te ya jtatic jcoleltic, jo'otic te israelotique.

Bible in Tzeltal Bachajón

²³ Melel jlo'loywanejetic te tsehletic soc bayel c'opetic ta sba witsiltic; melel ta scuenta Jehová te Dios cu'untic ay te colel yu'un Israel.

Jeremías 3:23 Referans Kwoze

Salmos 3:8

Te ja'at, Cajwal, ya xcoltaywanat; jich yu'un ac'beya bendición te lum awu'une.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

San Juan 4:22

Te ja'exe ma x'ana'ic te mach'a ya alajin abaic ta stojole. Yan te jo'otique ya jna'tic te mach'a ya jlajin jbatic ta stojole, melel ta swenta nax judioetic te ya xchicnaj colele.

Oseas 1:7

Ja'uc me to, ya me jna'bey yo'bolil sba te yajwal Judá; ya me jcoltay stuquel, jo'on Ajwalilon te Dioson yu'une. Pero ma ba ya jcoltay ta swenta guerra, ni ta t'im, ta puñal, ta caballoetic, ni mach'atic cajajtic tey a —xi' te Cajwaltique.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

Jeremías 17:14

Lamantesbonix jwocol, Cajwal, jich me ya xlamaj; coltayawon ja'at, jich me ya xcolon. Melel ja'at nax atuquel te ya calbat lec ac'oplal.

Jeremías 14:8

Ja' smuc'ulat yo'tan te Israel, jcoltaywanejat cu'untic c'alal bi ora ay jwocoltic. ¿Bistuc ya acuy aba ta jyanlum ta yutil te lum cu'untique? ¿Bistuc te jichat nax te bit'il beom te ja' nax ya xc'ax ajc'ubal awu'un?

Jeremías 3:6

Ta yorail ay ta muc' ajwalil a te Josías jich la yalbon te Cajwaltic: —¿Awiloj bal te bila la spas te toyba Israele? Ja' te ba yat'elin spasel mulwej ta spisil ta toyol witsetic soc ta yet'al pimil c'ab te'etic.

Isaías 63:16

Ja' tatilat cu'untic. Manchuc me ma sna' jbatic stuquel te Abraham, ni Israel ma sna'otic te jo'otique; ja'uc me to, ja'at Cajwal, tatilat atuquel; ja'at nix J'ac'wanejat ta libre cu'untic a.

Isaías 63:1

—¿Mach'a me a te yac ta talel ta Bosra, te muc'ul lum yu'un Edom? Bonbil ta tsaj te sc'u' slapoje, t'ujbil nax yac ta talel soc te sc'u'e, xiweltic sba soc te yip yac ta beel tele —xi'. —Jo'on me, te ya calbey sc'oplal te tsalawe, te ya xju' cu'un coltaywaneje —xi'.

Isaías 45:20

Te Cajwaltic ya yal: —Tsoba abaic, la'ic, noptsajanic tel ta apisilic te jaychajp mach'atic cuxulex to ta lumetique. Mero ma'yuc bi ya sna' te mach'atic ya sbeentesic yajcananic te pasbil ta te', te ya xjajch' sc'oponic te sdiose, te ma xju' ya xcoltayotic yu'une.

Isaías 45:17

Ja'uc me to, te Israel coltayotix yu'un te Cajwaltique, sbajt'el q'uinal te coltayel la yac'beye; mero ma xjilic ta q'uexlal stuquelic, ni ma me peq'ueluc ya xjilic yu'un.

Isaías 45:15

Ja'uc me to, ja' Diosat atuquel te ma chicanucat ta ilele, Diosat te Jcoltaywanejat yu'un Israel.

Isaías 44:9

Ma xtuunic te mach'atic ya spasic te loc'ombaetique, soc ma xtuunic te loc'ombaetic te bayal sc'oplal ta yo'tanique. Te mach'atic ya xjajch' xch'uunic, ja' ma'sitetic c'oemic, te ma sna'ic q'uinal ta jyalele. Ja' swentail te jc'axel ya xch'ayic ta q'uinal yu'un te q'uexlale.

Isaías 43:11

Jo'on nax jtuquel te Ajwalilone; ma'yuc yan mach'a ya xju' ya xcoltaywan, jo'on nax jtuquel —xi'.

Salmos 62:7

Ta stojol Dios ya xtal jcolel soc te yutsil jc'oplale; ja' jcanantaywanej cu'un stuquel, soc ja' anjibal cu'un.

Proverbios 21:31

Te winic ya xchajban scaballo yu'un ya x'och ta guerra; pero ja' te Cajwaltic te ya yac' ta tsalaw.

Jeremías 17:2

Te anich'nabe ya sna'ic te scajtijib majt'aniletic yu'un awajcananique, soc te sloc'ombaetic Asera awu'unique ta yet'al pimil c'ab te'etic soc ta sba te witstiquile,

Jeremías 31:7

Te Cajwaltic ya yal: —Binuc nax awo'tanic ya xc'ajinex soc yutsil awo'tanic ta swenta te lum yu'un Jacob; ja' cajal sc'oplal ta yolilic ta spisil te nacionetique. Ac'aic ta aiyel stojol yutsilal sc'oplal, soc jich ac'a yalic: “Te Cajwaltic la scoltay te lum yu'une, te jayeb xan a jilic yu'un te lum Israele”, xiic me ta yalel.

Isaías 10:20

Ta yorail a, te jayeb xan mach'atic jilem ta Israel, ja' te mach'atic ay ta lum yu'un Jacob, te colemic xane, ma ba ya smaliyiquix coltayel yu'un te mach'a jinotic yu'une. Ja' me ya smaliy coltayel ta stojol te Cajwaltic, te Ch'ul Dios yu'un Israel.