Jeremías 3:22 - Bible in Tzeltal de Oxchuc y Tenejapa

²² Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.

Bible in Tzeltal Bachajón

²² Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Jeremías 3:22 Referans Kwoze

Oseas 14:1

Israel, sujt'esa awo'tan ta stojol Cajwaltic te Dios awu'une, te ja'at scaj amul te yalate.

Oseas 14:4

Ya yal te Cajwaltique: —Ya jpoxtaybey te stoybaile; ya jc'uxtay manchuc me ma jichuc ya sc'an pasbeyel; la jq'uejix bael ta stojolic te quilimbae.

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Jeremías 30:17

Ya me cac'bat xan yutsil q'uinal awaiy, ya jpoxtaybat te awejch'ene; manchuc me jich ya yalbat ac'oplal te acontrotaque: “Te Sión ijq'uitaybilix, ma'yuc mach'a ya xc'opojix yo'tan yu'un”, teme xiique. Jo'on Ajwalilon, jich ya cal —xi' te Cajwaltique.

Jeremías 31:18

Ay caiyoj ajc'an ta c'axem to xan ta lum Efraín, jich la yal: “Jo'on jichon te bit'il jcojt' tat wacax te ma xju' ta pasel ta manso, yan te ja'ate la apason ta manso; ic'awon sujt'el ta atojol, melel ja'at Cajwalat te Diosat cu'une.

Cantares 1:4

Ic'awon bael ta ora, ic'awon bael ta ana. Muc' ajwalil, ic'awon bael ta banti nainemat. Bin nax me co'tantic ya x'ainotic ta atojol; ya me jna'tic spisil ora te bujts'iyel awu'une, c'ax me jich sbujts' a te bit'il vino. Ja' yu'un ya smulanat te antsetique.

Oseas 14:8

Te Efraín ya yal: “Ma'yuquix sc'oplal ta co'tan te loc'ombaetique”, xi' me. Jo'on ya jna' soc ya jcanantay te lum cu'une. Jichon te bit'il taj te spisil ora yaxe, jo'on ta jwenta te ya yich' tael sit te lum cu'une —xi' te Cajwaltique.

Jeremías 33:6

Ja'uc me to ya jpoxtay, ya cac' lecubuc q'uinal yaiyic, soc ya me cac' yaiybeyic yutsilal ta lec te lamal-o'tanil, soc ya me cac' te jun yo'tanique.

Isaías 27:8

Dios la yac'bey castigo te lum yu'une, la sticun bael ta yan lum. Xiweltic nax sba ta jujch'iyel bael ta loq'uesel, jich bit'il ya xjujch'iwan tel tulan ic' ta sloq'uib c'aal.

Isaías 1:2

Ch'ulchan soc balumilal, aiya awaiyic stojol te bila ya yal te Cajwaltique: —La jmuc'tes te jnich'nab ja' to c'alal la sta yipic; ja'uc me to, caj stoy sbaic ta jtojol.

Isaías 57:17

Ta scaj smul te lum Israel te ay ilinon yu'une; la cac'bey castigo, soc la jq'uej bael sit ta stojol. Ja'uc me to, jajch' stoy sbaic yu'un, ja' ic'otic bael yu'un te yixtaelique.

Jeremías 3:12

Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Jeremías 4:1

Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Isaías 31:6

Sts'umbal Israel, sujt'anic bael ta stojol te mach'a tulan atoyoj aba ta stojole.

Ezequiel 18:30

Ja' yu'un, israeletic, jo'on me ya calbeyex amulic ta juju-jtul, chican te bila amulinejique. Jo'on Ajwalilon te jich caloje. Ijq'uitaya jilel spisil ta jc'axel te amen awat'elique, swenta yu'un ma ja'uc ta amulic te ya awich'ic jinele.

Oseas 14:5

Jich ya jpasbey ta swenta Israel te bit'il ts'ujule, jich me ya yac' snich c'oem, jich bit'il te lirioetique. Tulan me ts'unul ya xc'ot, jich bit'il tulan te wits Líbano.

Joel 2:12

Ya yal te Cajwaltic: —Pero yo'tic in to, sujt'anic tel ta jtojol, sujt'anic ta jtojol ta spisil awo'tanic. Coma awe'elic, awunanic, oq'uetaya abaic —xi' te Cajwaltique.