Jeremías 3:18 - Bible in Tzeltal de Oxchuc y Tenejapa

¹⁸ “Te c'alal ya xc'ot sc'aalelal, te Judá jun ya xc'ot soc Israel; pajal me ya sujt'ic tel ta slumalic ta bay norte, ja' te q'uinal te la cac'bey yu'unin te antiguo ame'-atatic te ja'exe.

Bible in Tzeltal Bachajón

¹⁸ Ta hich ora te sna Judá ya sjoquin te sna Israel, soc pajal ya xloq'uic tal ta q'uinal ta norte, ya xc'ohtic ta q'uinal te la jca'be yich'ic hilel te ame'atatique.

Jeremías 3:18 Referans Kwoze

Jeremías 31:8

Ya cac' sujt'uc tel ta lum te ay ta norte, soc ya jtsob tel ta bay c'alal sti'il te balumilale. Ya me xtalic ta stojol te ma'sitetic soc te coxoetique, soc nix te antsetic te yic'oj alal ta xch'ujt'ic soc te antsetic te ayinemix yalique. ¡C'ax muc' me yajtalul ya sujt'ic tel!

Amós 9:15

Jo'on me ya jts'un ta mero slum-sq'uinalic te israeletique, soc ma ba ya yich' xan bulel loq'uel ta bay lumq'uinal te la cac'beye —xi'. Jich tulan ya yal te Cajwaltic Diose.

Oseas 1:11

Jich me ya stsob sbaic te ants-winiquetic, ja' te yajwal Judá soc te yajwal Israel. Soc ya me yac'beyic yat'el jtul jtsobwanej, spisil ta bayuc ya me sujt'ic bael ta Jerusalén. Muc' me ya xc'ot sc'aalelal te Jezreel.

Jeremías 50:4

Te Cajwaltic jich ya yal: —Te bi c'aalil ya xc'ot ta pasele, te ants-winiquetic yu'un Israel soc yu'un Judá yacalic me ta oq'uel ya xtal sleonic jo'on te Yajwalon te Dioson yu'unique.

Jeremías 23:8

ja'uc me to, jich me ya awalic: “Ta swenta bit'il cuxul te Cajwaltic, jich la sloq'uesbey tel sts'umbal Israel ta bay norte, soc ta spisil te lumetic ta bay la spuc baele”, xaex me. Tey me ya xba ainuquic ta bay mero te slum-sq'uinalique —xi'.

Jeremías 16:15

Ja'uc me to, jich me ya awaliquix: “Ta swenta bit'il cuxul te Cajwaltic, jich la sloq'ues tel israeletic ta yan lum ta norte soc ta spisil te lumetic te bay spucoj baele”, xaex meix ta yalel. Jo'on ya me cac' sujt'ex tel ta aq'uinalic, ja' te q'uinal la cac'bey te antiguo ame'-atatique.

Jeremías 3:12

Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Zacarías 10:6

Te Cajwaltic jich ya yal: —Jo'on me ya cac'bey yipic te patil alnich'anetic yu'un Judá; ya me jcoltay te patil alnich'anetic yu'un José. Ya me jtojtes sujt'el ta slumalic; melel ya jna'bey yo'bolil sbaic. Jich me ya jcha'pas jba te bit'il ma'yuc bi ora jch'ayoje, melel jo'on te Ajwalilon yu'unic, te Dioson yu'unic, te ya quich'bey ta wenta te sc'opic ta jtojole.

Oseas 11:12

La yal xan te Cajwaltique: —Te Efraín la sbusanbon ta jtojol te lotetic yu'une; la spotson ta lot te lum Israele. Judá la sloq'ues sba ta jtojol jo'on te Diosone; ja' jun yo'tan ta stojol te yajcanane.

Jeremías 50:20

Jo'on Ajwalilon, jich ya cal: Ja' me jich yorail a, te Israel soc Judá ya xjilic ta libre yu'un te falta soc te smulique, melel jo'on ya jpasbey perdón te mach'atic ya cac' cuxinuc xane.

Jeremías 30:3

Melel ya xtal sc'aalelal te ya cac'bey xan yutsilal te lum cu'une, ja' te Israel soc te Judá. Jo'on Ajwalilon, jich ya cal. Ya jsujt'es tel ta bay lumq'uinal te la cac'bey yu'unin te sme'-statique —xi'.

Jeremías 7:7

jo'on ya cac' xcuxinex bael li' ta lumq'uinal to te cac'ojbey ta swenta sbajt'el q'uinal te antiguo ame'-atatique.

Jeremías 50:5

Ya me sjojc'oyic bael te sbelal Sión, tey me ya xbajt'ic a. Jich me ya yalic bael: “La'ic ta bay Cajwaltic, jun nax ya cac' jbatic soc, ya jpastic jun trato sbajt'el q'uinal te mero ma xch'ay ta o'tanile”, xiic me.

Ezequiel 11:17

Soc jich xawalbey xan yaiyic: “Jich la yal xan te Cajwaltique: ‘Jo'on me ya quic' xan tel ta lumq'uinal soc ta nacionetic te banti la jpuc baele. Ya me jtsob xan, soc ya me cac'beyic xan te slum-sq'uinal Israel’, xi' te Cajwaltic”, uta me.

Zacarías 2:6

Te Cajwaltic tulan ya yal: —Jo'on te la cac' pujc'anic bael ta xchanxujc'ul te q'uinale. Pero yo'tic, ya calbeyex: Ananic loq'uel ta ora te banti q'uinal ta norte. Colanic loq'uel ta Babilonia, te banti ac'bilex ta nainel te ja'ex te ac'bil awijq'uitayic alumalique, ja'ex te nainemex ta Sión ta nameye. Jo'on, Ajwalilon, jich ya cal —xi'.

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Isaías 43:5

Ma me xiwat, melel joinejat me. C'alal ta sloq'uib soc smalib c'aal, ya quic' sujt'el tel te ants-winiquetic awu'une swenta yu'un ya yich' xan tsobel.

Isaías 43:6

Ya calbey te mach'a ay ta norte: “Sujt'esbon tel a”, ya me cut, soc ta bay sur: “Ma me x'acombon”, ya me cut. Ic'bon tel te jnich'nab queremetic soc te ach'ixetic, c'alal ta c'ubul q'uinal, ja' to ta sti'il te balumilale.

Oseas 2:2

Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.