Jeremías 3:17 - Bible in Tzeltal de Oxchuc y Tenejapa

¹⁷ Te Jerusalén, “Yawil smuc'ul nactijib Cajwaltic”, xi' me te sbiile. Spisil nacionetic ya me stsob sbaic tey a ta swenta yich'belonic ta muc', soc ma ba ya xcha'pasic soc stoybailic te tey baem yo'tanic a te bila amene.

Bible in Tzeltal Bachajón

¹⁷ Ta hich ora ya me ya'beyic sbihilin te Jerusalén Muc'ul Huctajibal yu'un Jehová, xchi, soc spisil te nacionetic ya me stsob sbahic ta Jerusalén ta scuenta te sbihil Jehová; ma ba ya yo'tantayiquix st'unel bahel te chopol yo'tanique.

Jeremías 3:17 Referans Kwoze

Ezequiel 43:7

jich la yal: —Ja' yawil jmuc'ul jnactijib in to, ja' yawil te banti ya cac' cacan. Li' me ya xnainon ta yolil israeletic sbajt'el q'uinal. Ni ja'uquic soc te muc' ajwaliletic yu'unic te ya xju' ya sboltesbonic sc'oplal te jch'ul-biile, ta scaj te ma junuc yo'tanic ya yac' sbaic ta jtojole. Ma me ba ya spasbeyiquix sna'jibal ts'ajc'ul te muc' ajwaliletic yu'un te c'alal lajemiquix ae,

Jeremías 17:12

Te templo cu'untique ja' smuc'ul nactijib ajwalil, te toyol ac'bil c'alal ta xjajch'ibal.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

Jeremías 11:8

Ma ba la yich'bonic ta muc' jc'op, ni ma la xch'uunbonic, tulan la yac' sbaic te bit'il amen te yo'tanique. Ma la sc'an xch'uunbon te mandaliletic calojbeye, jich la cac' taluc castigoetic te yalojbey sc'oplal te tratoe”, uta me —xi'.

Isaías 66:20

Ya me yiq'uic tel ta bayuc te nacionetic, ta spisil te alumal abaic te ja'exe. Ya me xtalic ta caballo, ta carreta, ta q'uechel ta silla, moel ta spat mula soc camelloetic. Ja' me majt'aniletic ta jtojol ta Jerusalén, ja' te ch'ul wits cu'une, jich bit'il majt'aniletic ya yich'ic tel te israeletic ta pocbil vasoetic ta templo cu'une. Jo'on jich la cal te Ajwalilone.

Isaías 56:6

Te jyanlumetic, teme ya yac' sbaic ta jtojol ta swenta abatinel cu'un soc teme ya xc'uxbajonic ta yo'tane, swenta abatetic ya xc'ot cu'un. Teme ya yich'bonic ta muc' te bi c'aalil yu'un te cux-o'tanile, soc te ma ba ya sboltesbey sc'oplale, soc teme jun yo'tan ay ta sna'el te trato cu'une,

Gálatas 4:26

Yan te Jerusalén te ay ta ch'ulchane, ja' me'il cu'untic ta jpisiltic te ay ta libre stuquele.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

Jeremías 31:23

Te Cajwaltic te Spisil ya xju' yu'une, te Dios yu'un Israel, ya yal: —C'alal ya cac'bey xan yutsilal te ants-winiquetic yu'un Judá, te ayiquix ta yan buelta ta sq'uinalic soc ta lumetic yu'unic, jich me ya yalic ta yan buelta: “Te Cajwaltic ac'a yac'bey bendición te ch'ul wits te bay ya xnain te stojil chajbanele”, xiic me.

Jeremías 18:12

Ya me yalic ta atojol: “Ma xach'ay c'aal a te ja'ate. Ja' nix lec jich ya x'ainotic te bit'il ya smulan te co'tantique, soc ya jpastic bael soc stulanil co'tantic te bila amene”, xiic me ta atojol —xi'.

Jeremías 16:12

Te ja'exe c'ax to jich apasojic a te bit'il antiguo ame'-atatique; juju-jtul soc stulanil awo'tanic baex tey a ta bay la ac'anique, ni ma ba la ach'uunbonic te jc'ope.

Jeremías 14:21

Ta swenta xch'ul yutsilal ac'oplal, ma xach'ojotic loq'uel, ma me jc'axeluc ya awilay te lume, ja' te bay amuc'ul nactijib te bayal yutsilale. Na'a me te trato la apas ta jtojoltique, ma me xch'ay ta awo'tan.

Jeremías 9:14

Tulan la yac' sbaic bael tey a te bay la sc'an yo'tanic, la xch'uunic te lotil diosetic, jich bit'il p'ijubtesotic jilel yu'un te sme'-statique.

Jeremías 7:24

Ja'uc me to, ma la xch'uunbonic, ni ma la yich'bonic ta muc'; q'uejel la yac' sbaic ta nitel bael yu'un te stoybail yo'tanique. Sc'oplal te sujt'ic tel ta jtojole; ja'uc me to, ja' la yac'bonic tel te spatique.

Isaías 66:1

Te Cajwaltic ya yal: —Ja' jnactijib te ch'ulchane, te balumilal, ja' scajtijib cacan. ¿Banti ya xju' ya apasbon jna? ¿Banti ya xju' ya apasbon jun awilal yu'un ya jcux co'tan a?

Isaías 59:19

Te mach'atic ayic ta spamal balumilal, c'alal ta sloq'uib c'aal ja' to ta smalib c'aal, ya me yich'ic ta muc' te Cajwaltic te c'alal ya yilbeyic yutsilal xojobil te yat'ele. Melel jich me ya xtal te bit'il snojel ja' te ya xtijot tel yu'un tulan iq'ue.

Isaías 26:8

Cajwal, jun nax co'tantic ya caiytic ta banti te be yac'ojbotic quiltic te mandaliletic awu'une. Te bila ya sc'an te co'tantic, ja' te ayat ta na'el cu'untique.

Isaías 6:1

Ta ya'wilal te bit'il laj te muc' ajwalil Uzías, chicnaj ta jsit te Cajwaltic, nacal ta smuc'ul snactijib te mero najt' stoylejale. Te sti'il snajt'il sc'u'e nojel yu'un te temploe.

Salmos 87:3

Lum yu'un Dios, buen t'ujbil yutsil te bila albil ta atojol te ja'ate:

Salmos 78:8

Jich ma me pajaluc ya xc'otic soc te antiguo sme'-statique, te ma x'ich'awanic ta muc' soc te ma sna'ic q'uinal, te ma spisiluc yo'tan la yac' sbaic ta stojol te Diose; ja'ic te c'axic ta q'uinal te mero ma junuc yo'tanic la yac' sbaic ta stojol te Diose.

Jueces 2:19

Ja'uc me to, te c'alal ya xlaj te juez, ya xcha'boltes sbaic xan, ja' c'axem to xan jelawen la spasic a te bit'il sme'-statique. La xch'uunic soc la yac' sbaic ta abatinel yu'un loc'ombaetic te scuyojic ta diosetique. Ma la yijq'uitayic te bi snopojic spasel soc te sbolil yo'tanique.

Deuteronomio 29:29

“Ay te bitic ma jna'beytic sc'oplal, ja' nax ay ta swenta stuquel te Cajwaltic te Dios cu'untique. Pero ay bitic ac'bil jna'beytic swentail jo'otic soc cal-jnich'antic, swenta yu'un ya me jpastic spisil ora te mandaliletique.

Números 15:39

Jich yu'un te c'alal ya awilic te stsijts'mal, tey me ya ana'ic spisil te mandaliletic te cac'ojbeyexe, soc jich me ya ach'uunic. Jich ma ba ya awich'-o'tantay abaic soc te bila ya snop awo'tanic, teme ma junuc awo'tanic ta jtojole.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Romanos 6:14

Melel ma xju'ix te ya yu'uninex xan te mulile, yu'un ma'yuquex ta swenta te mandalile. Ja' ayex ta swenta yutsil yo'tan te Diose.

Ezequiel 1:26

Ta sba te bila joyole, ay bila la quil tey a, jich yilel te bit'il jun muc'ul nactijibal pasbil ta t'ujbil yaxal ton. Ta sba te bila pajal soc muc'ul nactijibal yilele, ay mach'a ay tey a, pajal soc winic yilel.

Jeremías 3:19

“Israel, la jnop quic'belat jich bit'il jnich'an soc te ya cac'bat aq'uinalin te ay ta mulanele, ja' te lumq'uinal te mero c'ax bayal yutsil yu'un a ta spisil ta spamal balumilal. La cal te “Jtat”, ya awutone, soc te mero ma'yuc bay ya aq'uej aba bael ta jtojole.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

Jeremías 12:15

C'alal bulbiliquix loq'uel cu'un a, ya jcha'na'bey xan yo'bolil sbaic, soc ya jcha'sujt'es tel ta bay nix sq'uinalic, ja' te bay nix te slumalique.

Jeremías 12:16

Ta smelelil la sp'ijubtesic te lum cu'un ta yalel sbiil te Baal. Pero ta ora yo'tic ya xju' xnajc'ajic ta yolil te lum cu'une, teme ya xch'uun yo'tanic ta melel te bi xch'uunejic te lum cu'une, soc teme ya stabonic ta alel te jbiile: “Cuxul te Cajwaltic”, teme xiique.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Jeremías 33:9

Te Jerusalén ya me yac'bon yutsil co'tan, ya me yac'on ta ich'el ta muc' soc cutsilal, ta stojol spisil nacionetic ta balumilal. C'alal ya yaiyic stojol ta alel spisil yutsilal te ya cac'bey tel yajwal Jerusalén, soc spisil te ya cac' esmajuque, ya me xnijc' yo'tanic yu'un xiwel —xi'.

Ezequiel 48:35

Te joyob ts'ajq'ue ay me balunmil metro snajt'il ta spisil. Te sbiil te lum jich me ya xc'ot bael: “Li' ay te Cajwaltique”, xi' te sbiile —xi' te Cajwaltique.

Zacarías 8:8

Ya me quic' tel ta Jerusalén swenta yu'un ya xnainic tey a. Ja'ic me lum cu'un ya xc'ot; soc jo'on me Dioson yu'unic ya xc'oon. Mero jun me co'tan, soc mero stojil me ya xmandalteswanon ta stojolic —xi' te Cajwaltique.

1 Reyes 8:41

“Ja' nix jich teme jyanlum, te ma ja'uc te lum awu'une, pero teme ya yich' ta muc' te yutsil ach'ul-biil te talem ta c'ubul q'uinal yu'une,

Salmos 102:23

Ja' la spojbon quip ta olil be; com la yac'bon te jcuxlejale.