Jeremías 3:16 - Bible in Tzeltal de Oxchuc y Tenejapa

¹⁶ Te c'alal esmajexix a te alumalic te ja'exe, soc te ayix bayal anich'nabic a, ma me ayuc jtuluc ya yalbey xan sc'oplal te scajonil trato yu'un te Cajwaltique. Ma me ayuc mach'a ya xc'opoj yo'tan jtuluc, ni ma me ayuc mach'a ya sna' xan. Ma me ayuquix falta, ni ma me yich'ix pasel ta yach'il. Jo'on Ajwalilon te ya cal te jc'ope.

Bible in Tzeltal Bachajón

¹⁶ Te c'alal ya sta yorahil te yac ap'ohl abahic soc te ya xmuc'ubex ta q'uinal, xchi te Jehová, ma ba hich ya yich' halel: ¡Te scaxahul te chapbil-c'op yu'un Jehová! ma xchihuquic. Ma ba ya xtal ta yo'tanic, ma ba ya sna'iquix, mayuquix ta cuenta, ma ba ya yich'ix pasel yan.

Jeremías 3:16 Referans Kwoze

Ezequiel 37:26

Ya me jpas trato soc, swenta yu'un ay me lamal q'uinal ya yaiyic ta nainel spisil ora. Sbajt'el me q'uinal ay sc'oplal te trato ya jchap soque. Ya cac' esmajuc yajtalulic; sbajt'el me q'uinal ya cac' ta yolilic te ch'ul templo cu'une.

Isaías 65:17

“Aiya awaiy stojol, ya me jpas yach'il ch'ulchan soc yach'il balumilal. Te bila c'axemixe ya me xch'ay jilel ta o'tanil, ma me ayuc jtuluc ya sna' xan.

San Mateo 3:9

Ma me xawalic: “Te jo'otique sts'umbalotic Abraham”, ma me xauquex. Melel xcalbeyex te ya xju' yu'un te Diose te ya sc'atp'un ta sts'umbal Abraham in tonetic to.

Jeremías 31:8

Ya cac' sujt'uc tel ta lum te ay ta norte, soc ya jtsob tel ta bay c'alal sti'il te balumilale. Ya me xtalic ta stojol te ma'sitetic soc te coxoetique, soc nix te antsetic te yic'oj alal ta xch'ujt'ic soc te antsetic te ayinemix yalique. ¡C'ax muc' me yajtalul ya sujt'ic tel!

Jeremías 30:19

Ya me xloc' c'ayoj ta yalel wocol tey a soc tse'ej yu'un yutsil yo'tanic. Ma me xpejc'aj awajtalul, melel ya me cac' te ya x'esmajexe. Ma'yuc mach'a ya yilayex, melel jo'on ya jmuc'tesbeyex ac'oplalic.

Isaías 61:4

Ya me yich' xan pasel te pocol ts'ajq'uetic te jinemiquixe, ya me yich' pasel te nanatic te namey la yich'ic jinele, soc ya me yich' xan jajch'esel te lumetic te jinemique.

Isaías 60:22

Te ch'in jojpe ya me x'esmaj ta jmil; ja' te ch'in xujt' yajtalul ya me xc'atp'uj ta jpam nación te mero muq'ue. Jo'on Ajwalilon, ya me jpas spisil ta ora nax, te bi ora ya sta te sc'aalelale —xi'.

San Mateo 1:11

Te Josiase stat Jeconías soc te yermanotaque. Ja' yorail te chucul ic'otic bael ta Babilonia te israeletique.

Sofonías 3:11

Te bi ora ya xc'ote, lum cu'un, ma ba ya xq'uexawatix yu'un ni jchajbuc te at'eliletic te la atoy aba ta jtojol yu'une. Melel ya me jloq'uesbat bael ta atojol te jtoybaetic soc te mach'atic muc' yac'oj sbaique; soc ma ba ya awac' xan ta ilel te muc' ya awac' abaic ta bay ch'ul wits cu'un.

Amós 9:9

Ya me cal mandal te ya yich' chijch'anel sts'umbal Israel, jich bit'il ya yich' chijch'anel trigo ta bay sloq'uesjibal, xujt' ma ba ya xch'ay jp'ijuc ta lum.

Jeremías 31:27

Te Cajwaltic jich ya yal: —Ya me xtal sc'aalelal te ya cac' esmajuc te winiquetic soc chambalametic ta bay Israel soc ta bay Judá.

Jeremías 7:4

Ma me x'awich'ic ta wenta te mach'atic ya xlo'laywanic ta c'op te jich ya yalic: ‘Ilawil te templo yu'un te Cajwaltic. Li' ay to te templo yu'un te Cajwaltic, li' ay to te templo’, te xiic ta yalele.

Jeremías 3:17

Te Jerusalén, “Yawil smuc'ul nactijib Cajwaltic”, xi' me te sbiile. Spisil nacionetic ya me stsob sbaic tey a ta swenta yich'belonic ta muc', soc ma ba ya xcha'pasic soc stoybailic te tey baem yo'tanic a te bila amene.

Ezequiel 15:5

Melel ma ba tuun te c'alal xch'ixil toe, ta ora in to, te bit'il c'ajq'uemixe, yu'unix ma'yuc bila ya xtuunix a.