Jeremías 3:15 - Bible in Tzeltal de Oxchuc y Tenejapa

¹⁵ Ya cac'beyex ajwaliletic awu'unic te ya yac'bonic sbujts' co'tane, soc ya me xmandalajic ta atojolic ja'ex soc sp'ijilic soc te bila sna'ojic ta leque.

Bible in Tzeltal Bachajón

¹⁵ Ya ca'beyex jcananetic te lec co'tan yu'unic, te ya stojobtesex bahel soc sp'ijil yo'tanic soc ta scuenta bintic ay ta na'el.

Jeremías 3:15 Referans Kwoze

Jeremías 23:4

Ya cac'bey jcanantaywanej yu'un te ya scanantayic ta lec, swenta yu'un ma me ayuc xiwel ya yaiyic, ni ma me xch'ay jcojt'uc. Jo'on Ajwalilon, jich ya cal —xi'.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

Proverbios 10:21

Te c'op ya xloc' ta ye te mach'a toj yo'tan, bayal mach'a ya xp'ijubic yu'un; yan te mach'a ma sna' q'uinale, ya xlaj ta scaj te ma'yuc bila ya sna' stuquele.

1 Corintios 2:6

Ja'uc me to, ay nax ya caltic p'ijil c'op ta stojol te mach'atic ayix yip yo'tanique. Te p'ijil c'op te ya cale, ma ja'uc swenta in balumilal to soc ma ja'uc ta swenta te ajwaliletic yu'un balumilal te ya xch'ayic c'axel ta spisilique.

Ezequiel 37:24

Ja' me muc' ajwalil soc jcanan yu'un ta spisil stuquel te cabat David. Ya xch'uunbonic jc'op, ya me spasic spisil te mandaliletic cu'une.

San Lucas 12:42

Jich la yal te Cajwaltique: —¿Mach'a a te mayordomo te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale soc te ya spucbey te bila ya xtuun yu'unic te jujun buelta te ya yich'ique.

1 Pedro 2:2

Jichuquex me te bit'il alaletic te ayinelic toe, c'anaic me te lequil chu'ul yu'un te Espíritu te ma'yuc bila capal ae. Jich me ya xmuc'ubex yu'un stuquel, soc jich me ya ata acolelic ta swenta.

1 Samuel 13:14

Pero yo'tic, te ochemat ta muc' ajwalile, ma ba ya xjalajat ta ajwalil soc ats'umbal bael. Te Cajwaltic ya me sle winic te lec yo'tan yu'une, ja' me ya yac'bey yich' yat'el ta jwentainwanej ta stojol te lum yu'une, scaj te ma ba la ach'uunbey te smandal la yalbate —xi' te Samuele.

Jeremías 31:10

“Nacionetic, aiybeya awaiyic sc'op te Cajwaltique; soc albeyaic sc'oplal ta c'ubul ta bay sti'il mar: “Te Cajwaltic la spuc bael Israel; ja'uc me to, ya me stsob soc ya me scanantay jich bit'il ya scanantay chijetic te jcanan-chije”, xaex me.

Ezequiel 34:2

—Ja'at winic, c'opona ta jwenta te jcanan-chijetic c'oem yu'un Israel, albeya te ma ba lec co'tan ta stojolique. Jich xawalbey: “Jich ya yal te Cajwaltique: ‘Ay me swocolic te jcanan-chijetic yu'un Israel, te ja' nix ya scanantay sbaic stuquelique. Te bila ya sc'an ya scanantay te jcanan-chijetic, ja' ta stsojbol te chijetique.