Jeremías 3:14 - Bible in Tzeltal de Oxchuc y Tenejapa

¹⁴ Te Cajwaltic jich ya yal: —Sujt'anic tel, ja'ex toyba alnich'anex, melel jo'on cu'unex. Ya me quic' juju-jtul ta jpam lum, soc che'cheb ta juju-jchajp te ats'umbale, ya me quic' sujt'uc tel ta Sión.

Bible in Tzeltal Bachajón

¹⁴ Suhtanic talel, toyba al-nich'anex, xchi te Jehová, como ho'on amamalalon; ya me quiq'uex, jujutuhl ta jujun pueblo soc cha'cha'tuhl ta jujuchahp ats'umbal, ya quiq'uex talel ta Sión.

Jeremías 3:14 Referans Kwoze

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Jeremías 31:32

Te trato ya jpase, ma jichuc te bit'il la jpas soc te antiguo sme'-static, c'alal la jtsacbey tel sc'abic te la jloq'ues tel ta Egipto. Melel ma la sc'otesic ta ch'uunel te trato cu'une, manchuc teme jo'on yajwalonique. Jo'on Ajwalilon, jich ya cal.

Isaías 54:5

melel te Jpaswanej awu'un, ya me yic' yinaminat. Te sbiile, ja' Ajwalil te Spisil ya xju' yu'une; te J'ac'wanej ta libre awu'un, ja' te Ch'ul Dios yu'un Israel, te Dios te swentainej spamal te balumilale.

Jeremías 23:3

Jo'onix ya quic' tel te jayeb xan chijetic te bay la cac' anuc bael ta lumetique, ya jtsob tel, soc ya cac' sujt'uc tel ta bay te swe'elique, swenta yu'un ya me yac' bayal yalatac.

Jeremías 3:8

Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Isaías 10:22

Te ja'at lum Israel, manchuc me mero bayal awajtalul, teme jich ma xju'at ta ajtayel jichuc sji'al mar; ja'uc me to, ma me ayuquix lec awipal ya sujt'ex. Albilix te jinel ta atojolique, ya me yich' pasel te castigo te bit'il nix ya sc'ane.

Isaías 6:13

Teme ay jtul ya xjil ta lajlajuneb te lume, ja' ni me jich ya yich'ic jinel. Jich bit'il ya yich' ts'etel jijte', ja' nax ya xjil te xchumante'al —xi'. (Ja'uc me to, ta xchumante'al, ya me xloc' tel xch'ul spul.)

Romanos 9:27

Jich uuc te Isaiase, la yalbey sc'oplal te israeletique: “Manchuc teme jich yipal sts'umbal Israel te bit'il sji'al te mare, ja'uc me to, scomenal xanix te ya xcolique.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Isaías 17:6

te bay ay to ya xch'ay jilele; o jich bit'il c'alal ya yich' majel ta te' te ste'el olivo, te ja' xanix cheb oxeb sit ya xjil ta sc'abc'abe, o teme ja' xanix ya xjil ta sni'il sc'abe, chaneb o jo'eb —xi'. Jich ya yal ta jamal te Cajwaltic te Dios yu'un Israel.

Isaías 1:9

Te Cajwaltic te Spisil ya xju' yu'une, te manchuc lajuc scoltayotic, jich c'oemotic te bit'il te lum Sodoma soc Gomorra te jichuque.

Isaías 31:6

Sts'umbal Israel, sujt'anic bael ta stojol te mach'a tulan atoyoj aba ta stojole.

Isaías 57:17

Ta scaj smul te lum Israel te ay ilinon yu'une; la cac'bey castigo, soc la jq'uej bael sit ta stojol. Ja'uc me to, jajch' stoy sbaic yu'un, ja' ic'otic bael yu'un te yixtaelique.

Jeremías 3:12

Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Jeremías 29:14

Ya me cac' jba ta tael awu'unic te ja'exe; ya me jel te bit'il ayexe. Ta spisil te nacionetic ta bay la jpuquex baele, ya jloq'uesex tel tey a; ya me jtsobex, ya me sujt'ex tel, ya xloq'uex tey a ta bay la jticunex bael ta mosoil. Jo'on Ajwalilon, jich ya cal’, xi'.

Jeremías 31:6

Melel ya me sta sc'aalelal te ya x'awunic te j'il-q'uinaletic, ta witstiquil yu'un Efraín, ya me x'awunic: “La'ic, ya xbootiquix ta Sión, ta stojol Cajwaltic te Dios cu'untique”, xiic me —xi' te Cajwaltique.

Jeremías 31:12

“Ya me xtalic soc ya me xc'ajinic yu'un yutsil yo'tanic ta sba wits Sión, ay me sbujts' ya yaiyic te utsilal yu'un te Cajwaltique: ja' te trigo, te vino soc aceite, te chijetic soc te wacaxetique. Jich me c'oemic yilel te bit'il awalts'unubil te bueno ya yich' malel ta ja'e, soc ma me xch'ayix te yipique.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

2 Crónicas 30:6

Jich loq'uic bael ta spamal sq'uinal Israel soc Judá ta spuquel cartaetic yu'un te muc' ajwalil soc te sjo'tac ta ajwalile, jich la yal bael: “Israeletic, sujt'anic tel ta stojol te Cajwaltic, te Dios yu'un Abraham, Isaac soc Israel; jich me ya sujt' tel ta atojolic uuc te mach'aex te colemex xan jilel ta sc'abic te muc' ajwaliletic yu'un Asiria.

Isaías 27:12

Te bi c'aalil ya cale, te Cajwaltic ya x'at'ej c'alal ta Éufrates ja' to c'alal beja' Egipto, jich bit'il ya yich' wuyel tomoltom trigo; ja'uc me to, te ja'ex israeletic, juju-jtul me ya awich'ic tel tsobel.

Isaías 44:22

Jo'on la jch'aybatix ta jc'axel te faltaetic soc te muliletic awu'une, jich bit'il ya xch'ay ta jc'axel te tocale. Sujt'anic tel ta jtojol, melel cac'ojatix ta libre —xi'.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Zacarías 1:4

Ma me jichuc xapasic te bit'il te antiguo ame'-atatic te albotic yu'un te antiguo j'alwanejetic cu'un, te yacuc yijq'uitayic jilel te amen yo'tanic soc te amen yat'elique. Pero ma ba la sc'an la yaiybonic te jc'ope, soc ma ba la yich'bonic ta wenta. Jo'on Ajwalilon, ya cal ta jamal.