Jeremías 3:12 - Bible in Tzeltal de Oxchuc y Tenejapa

¹² Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Bible in Tzeltal Bachajón

¹² Bahan, hich me xapuc ta halel ta stojol norte: Suhtanic tal ta jtojol, toyba Israel, xchi te Jehová, ma ba soc ilimba ya quilatix, como ho'on jc'uxultaywanejon, xchi te Jehová, ma ba spisil ora ya x'ilinon.

Jeremías 3:12 Referans Kwoze

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

Jeremías 33:26

Jich yu'un, ma'yuc bi ora ya jch'oj bael ta co'tan sts'umbal Jacob soc David te cabate; ma xch'ay cu'un ta tsael loq'uel ta yolilic te mach'atic ya xmandalajic ta stojol te sts'umbal Abraham, Isaac soc Jacob. Melel te jo'one ya me jna'bey yo'bolil sbaic, soc ya me cac'bey xan yutsilalic —xi' te Cajwaltique.

Jeremías 31:20

“Te lum Efraín, ja' te jnich'an te c'ux ta co'tane; ja' te jnich'an te bayal sc'anoj te co'tane. Manchuc me ya cac'bey tulan comel, ma ba ya quijq'uitay ta sna'ulayel; ya stij sba co'tan yu'un, c'ax muc' ya jna'bey yo'bolil sba. Jo'on Ajwalilon, jich ya cal.

Jeremías 3:22

Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.

Jeremías 3:18

“Te c'alal ya xc'ot sc'aalelal, te Judá jun ya xc'ot soc Israel; pajal me ya sujt'ic tel ta slumalic ta bay norte, ja' te q'uinal te la cac'bey yu'unin te antiguo ame'-atatic te ja'exe.

Jeremías 30:11

Jo'on Ajwalilon, jich ya cal, joinejat swenta yu'un ya jcoltayat. Ya me jin spisil te nacionetique, ja' te bay la jpuquex baele. Yan te ja'ate ma ba ya jinat; ja' nax ya cac'bat castigo jich te bit'il ya sc'an te awat'ele; ma me jichuc nax ya quijq'uitayat jilel te ma xcac'bat castigo —xi' te Cajwaltique.

Jeremías 23:8

ja'uc me to, jich me ya awalic: “Ta swenta bit'il cuxul te Cajwaltic, jich la sloq'uesbey tel sts'umbal Israel ta bay norte, soc ta spisil te lumetic ta bay la spuc baele”, xaex me. Tey me ya xba ainuquic ta bay mero te slum-sq'uinalique —xi'.

Jeremías 4:1

Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Jeremías 3:5

¿Sbajt'el bal q'uinal ya x'ilinat? ¿Sbajt'el bal q'uinal ya xjalaj te awilimbae?”, te xaate. Te c'alal jich yacat ta yalel a, la apas spisil te bila amen te ju' awu'une —xi' te Cajwaltique.

Salmos 145:8

Te Cajwaltic t'ujbil yutsil yo'tan, ya sna' yo'bolil jbatic; ay xc'uxul yo'tan stuquel, ma x'ilin ta ora.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

2 Reyes 18:1

Ta yoxebal ja'wil yochel ta muc' ajwalil yu'un Israel a te Oseas snich'an Ela, och ta muc' ajwalil ta Judá te Ezequías snich'an Acaz.

2 Reyes 17:23

Ja' slajibal c'ot te loq'uesotic ta stojol yu'un te Cajwaltic te Israele, chucul ic'otic bael ta Asiria, jich nix te bit'il yaloj ta swenta te j'alwanejetic te abatetic yu'une. C'alal ora tey ayic a.

Deuteronomio 30:2

teme ya sujt'ex ta stojol, soc teme spisil awo'tanic ya ach'uunic soc spisil acuxlejalic, ja'ex soc te awal-anich'nabique, jich te bit'il ya jpasex ta mandal ta ora in to,

Oseas 6:1

La'ic ta apisilic, sujt'ucotic ta stojol te Cajwaltique. Ja' nix la stsacotic, ja'uc me to, ja' nix ya xpoxtayotic; la yejch'entesotic, ja'uc me to, ya spotsbotic.

Ezequiel 39:25

“Ja' yu'un, jo'on Ajwalilon te jich ya cale: Yo'tic ya me xtalix xc'uxul ta co'tan ta spisil te lum Israel, ja' te patil alnich'anetic yu'un Jacob. Ya me cac' te ya xyanaj te stalele, soc ya me calbey mandal te ya yac'bon ta ich'el ta muc' te jch'ul-biile.

Jeremías 31:8

Ya cac' sujt'uc tel ta lum te ay ta norte, soc ya jtsob tel ta bay c'alal sti'il te balumilale. Ya me xtalic ta stojol te ma'sitetic soc te coxoetique, soc nix te antsetic te yic'oj alal ta xch'ujt'ic soc te antsetic te ayinemix yalique. ¡C'ax muc' me yajtalul ya sujt'ic tel!

Jeremías 3:14

Te Cajwaltic jich ya yal: —Sujt'anic tel, ja'ex toyba alnich'anex, melel jo'on cu'unex. Ya me quic' juju-jtul ta jpam lum, soc che'cheb ta juju-jchajp te ats'umbale, ya me quic' sujt'uc tel ta Sión.

Jeremías 3:7

La cal ta co'tan, manchuc me la spas ta spisil, te sujt'uc tel ta jtojole; ja'uc me to, ma ba sujt' tel. Te yijts'ine, ja' te Judá te ma junuc yo'tan ta jtojole, la yil.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Isaías 44:22

Jo'on la jch'aybatix ta jc'axel te faltaetic soc te muliletic awu'une, jich bit'il ya xch'ay ta jc'axel te tocale. Sujt'anic tel ta jtojol, melel cac'ojatix ta libre —xi'.

Proverbios 28:13

Te mach'a ya smuc smul, ma lecuc ya xc'ot yu'un; yan te mach'a ya yal ta jamal soc te ya yijq'uitay spasele, ya me sta perdón.

Salmos 103:17

Yan te xc'uxul yo'tan Cajwaltic, sbajt'el q'uinal ay ta stojol te mach'atic ya yich'ic ta muq'ue; te stojil yo'tan ma'yuc slajibal ta stojol spisil ta cajalcaj te alnich'anetic,

Salmos 103:8

Te Cajwaltic t'ujbil yo'tan, soc ya sna' yo'bolil jbatic; sts'icojbotic jboliltic soc ay xc'uxul yo'tan ta jtojoltic spisil ora.

Salmos 79:5

Cajwal, ¿jayeb xan me ora te ilinemate? ¿Spisil bal ora te yac ta tilel jichuc c'ajc' te awilimbae?

2 Crónicas 30:9

Teme ya sujt'ex tel ta stojol te Cajwaltic, te acontro te chuculic yu'un ta ora to te awermanotac soc te anich'nabic, ya me xtal xc'uxul yo'tan ta stojolic, soc ya me sticunic sujt'el ta jlumaltic. Melel te Cajwaltic Dios cu'untic ya sna' yo'bolil jbajtic, soc jc'uxtaywanej stuquel, ma ba jc'axel ya xch'ojex bael teme ya sujt'ex tel ta stojole”, xi' bael te scartae.

2 Reyes 17:6

Ta sbalunebal ja'wil yat'el ta muc' ajwalil a te Oseas, te muc' ajwalil yu'un Asiria ju' yu'un te la yu'unin Samaria. Te israeletic chucul la yic' bael ta Asiria, c'o yac' nainicuc ta sq'uinal Halah, soc ta ti'ti'ja' Habor te muc'ja' te ay ta sq'uinal Gozán, soc ta lumetic yu'un te medoetique.

2 Reyes 15:29

Te c'alal ja' ay ta muc' ajwalil ta Israel a te Peka, c'ot te Tiglat-pileser, muc' ajwalil yu'un Asiria. La yu'unin te lumetic Ijón, Abel-bet-maaca, Janoa, Cedes, Hazor, te sq'uinal Galaad, te sq'uinal Galilea soc spisil te sq'uinal Neftalí; la yic' bael ta chuquel ta Asiria te yajwale.

Génesis 4:7

Te yu'unuc lec te awat'ele, ¿ma bal lecuc ac'oplal ya xc'oat yu'un te jichuque? Yan teme ma lecuc te awat'ele, ja' me ya yabatinat te mulile. Ja'uc me to, ya xju' awu'un scomel te mulil te jichuque —la yut.

Levítico 26:40

“Manchuc me ya ana'ic te amulique, soc te smulic te ame'-atatique, soc nix te ma junuc awo'tanic ta jtojole, soc te la atoy abaic ta jtojole,

Salmos 103:9

Ma'yuc bay tulan comel ya quich'tic yu'un spisil ora; ma sbajt'eluc q'uinal ilinem.

Jeremías 11:6

Te Cajwaltic la yalbon xan: —Puca in c'op to ta lumetic ta sq'uinal Judá, soc ta bay calleetic yu'un te lum Jerusalén. Jich me xawalbey te ants-winiquetique: “Aiybeya awaiyic sc'oplal te bila ya yal te trato, soc ch'uunaic spasel.

Jeremías 12:15

C'alal bulbiliquix loq'uel cu'un a, ya jcha'na'bey xan yo'bolil sbaic, soc ya jcha'sujt'es tel ta bay nix sq'uinalic, ja' te bay nix te slumalique.

Lamentaciones 3:22

Ja' te xc'uxul yo'tan te Cajwaltique, ma'yuc slajibal stuquel, ma xch'ay te yutsil yo'tane.

Ezequiel 11:17

Soc jich xawalbey xan yaiyic: “Jich la yal xan te Cajwaltique: ‘Jo'on me ya quic' xan tel ta lumq'uinal soc ta nacionetic te banti la jpuc baele. Ya me jtsob xan, soc ya me cac'beyic xan te slum-sq'uinal Israel’, xi' te Cajwaltic”, uta me.

2 Crónicas 29:10

Ja' yu'un ta ora to jnopoj te ya jpas trato soc te Cajwaltic Dios yu'un Israel, swenta yu'un ya me sq'uejbotic bael te yilimba ta jtojoltique.

Isaías 31:6

Sts'umbal Israel, sujt'anic bael ta stojol te mach'a tulan atoyoj aba ta stojole.

Jeremías 31:21

“Israel, ac'beya señail te be, swenta yu'un ma ba wocol ya ata ta yan buelta; p'ijan me yu'un te be bay beenemate. Sujt'an tel lum Israel, sujt'an tel tey a ta bay lumetic awu'une.

Zacarías 1:4

Ma me jichuc xapasic te bit'il te antiguo ame'-atatic te albotic yu'un te antiguo j'alwanejetic cu'un, te yacuc yijq'uitayic jilel te amen yo'tanic soc te amen yat'elique. Pero ma ba la sc'an la yaiybonic te jc'ope, soc ma ba la yich'bonic ta wenta. Jo'on Ajwalilon, ya cal ta jamal.