Jeremías 3:11 - Bible in Tzeltal de Oxchuc y Tenejapa

¹¹ Te Cajwaltic jich la yalbon: —Te toyba Israel peq'uel jtebuc te smul yu'un a; ja' bayal smul te Judá te ma junuc yo'tan ta jtojole.

Bible in Tzeltal Bachajón

¹¹ Hich la yalbon te Jehová: Te toyba Israel ha toj xan c'ohem te bin ut'il Judá te ma junuc yo'tan ta jtojol.

Jeremías 3:11 Referans Kwoze

Ezequiel 23:11

“Te Aholiba, ja' te ijts'inale, la yil. Pero c'ax jich la yac' sba ta c'abal a te bit'il te xwixe. Och ta mulanwanej, soc och ta jmulwej.

Oseas 11:7

Te lum cu'un c'ubul ayic ta jtojol, tulan yo'tanic. Ya yawtayic te mach'a ay ta ch'ulchan ta sc'opique; ja'uc me to, ma'yuc mach'a ya xcoltayot yu'un.

Oseas 4:16

Te Israel toyol yac'oj sbaic, jich te bit'il wacax te ma mansubenuque. ¿Ya bal scanantay ta bay t'ujbil aquiltic te Cajwaltique? ¿Pajal bal ya yil soc te bit'il ch'in chijetique?

Ezequiel 16:47

Ja'at la anopbey te stalele, soc ja' nix ba apasbey te yat'el ilaybil sbae. Ma tic'uc la awaiy a, c'axem jich la apas a te bit'il la spas stuquelique.

Jeremías 3:22

Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.

Jeremías 3:8

Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

Jeremías 3:7

La cal ta co'tan, manchuc me la spas ta spisil, te sujt'uc tel ta jtojole; ja'uc me to, ma ba sujt' tel. Te yijts'ine, ja' te Judá te ma junuc yo'tan ta jtojole, la yil.

Jeremías 11:10

Ja' nix ya xcha'pasic te muliletic te neel la spasic te antiguo sme'-statique, ja' te mach'atic ma la sc'an xch'uunbonic jc'op, bajt'ic ta xch'uunel te lotil diosetique. Ta Israel, jich bit'il ta Judá, la xc'axintaybonic te trato la jchap soc te antiguo sme'-statique.