Jeremías 3:10 - Bible in Tzeltal de Oxchuc y Tenejapa

¹⁰ Ta patil, te Judá te ma junuc yo'tane, ma ba sujt' soc spisil yo'tan ta jtojol, ja' nax la spason ta lot. Jo'on, Ajwalilon te jich ya cal —xi'.

Bible in Tzeltal Bachajón

¹⁰ Aunque hich c'oht ta pasel, te Judá, te yihts'in, ma ba suht tal ta jtojol soc spisil yo'tan, ha nax la spason ta lot, xchi te Jehová.

Jeremías 3:10 Referans Kwoze

Oseas 7:14

Manchuc me ya x'awunic te c'alal ay ta swayibique, ma socuc yo'tanic ya sc'opononic. Ta swenta sc'anel trigo soc vino ya yejch'entes sbaic; la stoy sbaic, la scontroinonic.

Jeremías 12:2

Ja'at ya ats'un, ja' ya yac' yisimic ta lum, ya xmuc'ubic soc ya sitinic. Ta puro c'op nax ta yolq'uinal ya yich'at ta muc'; ja'uc me to, ma'yucat ta mero yutil yo'tan.

Isaías 10:6

Ya calbey mandal ta ac'beyel guerra te bol lume, te lum te ma tojuc yo'tan ta jtojol, ja' te nación te ya sjajch'esbon quilimba, swenta yu'un ya me spech'ic ta teq'uel jichuc ajch'al ta calle.

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Salmos 18:44

Te c'alal ya yaiybonic stojol te jc'ope ya xch'uunic; te jyanlumetic ya yich'onic ta muc'.

2 Crónicas 34:33

Te Josías la sloq'ues te bitic q'uexlaltic sba te ya yat'elinic xch'uunel ta spamal sq'uinal Israel, soc la yalbeyic wocol Cajwaltic Dios yu'un spisil te mach'atic ayic ta sq'uinal Israel. Te jayeb c'aal cuxin xan, ma'yuc bay la yijq'uitay te Cajwaltic te Dios yu'un te antiguo sme'-statique.

Isaías 31:6

Sts'umbal Israel, sujt'anic bael ta stojol te mach'a tulan atoyoj aba ta stojole.

Jeremías 11:10

Ja' nix ya xcha'pasic te muliletic te neel la spasic te antiguo sme'-statique, ja' te mach'atic ma la sc'an xch'uunbonic jc'op, bajt'ic ta xch'uunel te lotil diosetique. Ta Israel, jich bit'il ta Judá, la xc'axintaybonic te trato la jchap soc te antiguo sme'-statique.

Amós 4:9

—La jmajat c'oem ta buen c'ajc'al ic' soc ta buen tulan chamel; la cac' te ya sayub awawal-ats'unubic soc te ats'usubilique. Te c'ulubetic la slajinbat te higueraetic soc te olivoetic awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Malaquías 2:11

Ma junuc yo'tan ta stojol Dios te Judae; yac ta spasel te bila mero c'ax amen ta jyalel ta lum Jerusalén soc ta spamal sq'uinal Israel. Te Judae la sboltesbey yutsilal te templo smulanej te Cajwaltic, melel te winiquetic ta Judá la yinaminic te antsetic te ya squejan sbaic ta xch'uunel te lotil diosetique.