Jeremías 29:3 - Bible in Tzeltal de Oxchuc y Tenejapa

³ Te carta, ja' la yich' bael te Elasa snich'an Safán soc te Gemarías snich'an Hilcías, ja' te la sticun bael ta Babilonia te muc' ajwalil Sedequías, te muc' ajwalil yu'un Judá, swenta jtejc'anwanej ta stojol te muc' ajwalil Nabucodonosor. Te carta jich la yal:

Bible in Tzeltal Bachajón

³ La sticon bahel te carta ta sc'ab te Elasa snich'an Safán soc te Gemarías snich'an Hilcías, te ticombilic bahel yu'un te Sedequías ajwalil yu'un Judá ta Babilonia, ta stojol te Nabucodonosor ajwalil yu'un Babilonia. Hich la yal te carta:

Jeremías 29:3 Referans Kwoze

Ezequiel 8:11

Lajuneb xchanwinic (70) principaletic ich'bilic ta muc' ta Israel te yacalic xch'uunele. Te jtule ja' te snich'an Safán te Jaazanías sbiile. Ta juju-jtul stsacojic xchic'jibal spomic, te yac ta jajch'el moel ta stojolic te loc'ombaetic te jich bit'il tocal te xch'ailel spomique.

Jeremías 39:14

la yalic mandal ta loq'uesel Jeremías ta bay amac' yu'un soldadoetic. La yac'beyic ta swenta scanantayel te Gedalías, te snich'an Ahicam, smam Safán, swenta yu'un ya yiq'uic bael ta sna Gedalías. Jich jil Jeremías ta yolil te lume.

Jeremías 36:25

Te Elnatán, Delaía soc te Gemarías la yalbeyic wocol te muc' ajwalil te manchuc ya xchic' te balbil june; ja'uc me to, jc'axel ma ba ich'bot ta muc' te sc'opique.

Jeremías 26:24

Te Ahicam snich'an Safán c'opoj ta scoltayel te Jeremías, jich ma ba och ta c'abal yu'un te lum te ya smilique.

2 Crónicas 34:20

Ora la spas ta mandal te Hilcías, te Ahicam te snich'an Safán, te Abdón te snich'an Micaías, te Safán ja' te cronista, soc te Asaías te abat yu'un te muc' ajwalile, jich la yalbey:

1 Crónicas 6:13

te Salum, stat Hilcías; te Hilcías, stat Azarías;

2 Reyes 22:12

Ora la spas ta mandal te Hilcías, Ahicam snich'an Safán, Acbor snich'an Micaías, Safán ja' te cronista yu'une, soc Asaías abat yu'un te muc' ajwalile, jich la yalbey:

2 Reyes 22:8

Hilcías te muc' sacerdote, la yalbey te Safán, te cronista, te la staic ta templo yu'un Cajwaltic te slibroil te mandaliletique. La yac'bey ta sc'ab Safán. Te Safán la sjam yil te libro.

2 Reyes 18:18

Ora la sticunic ta iq'uel tel te muc' ajwalile. Pero ja' loq'uic bael te Eliaquim snich'an Hilcías, te ja' mayordomo yu'un te sna ajwalile; Sebna te ja' cronista; soc Joa snich'an Asaf, te ja' secretario yu'un te muc' ajwalil, c'o sta sbaic soc.

1 Crónicas 2:39

ja' snich'an Azarías te Heles; ja' snich'an Heles te Elasa;

Jeremías 26:22

Te muc' ajwalil Joacim la sticun bael ta Egipto te Elnatán te snich'an Acbor, soc yan xan winiquetic.