Jeremías 29:1 - Bible in Tzeltal de Oxchuc y Tenejapa

^1-2 C'alal ic'otiquix bael ta chuquel a te muc' ajwalil Jeconías, te sme', te abatetic ta smuc'ul na, te jtsobwanejetic yu'un Judá soc Jerusalén, soc te mach'a ya x'at'ejic ta jten-taq'uine, te j'alwanej Jeremías te ay ta Jerusalén la sticunbey scartaic c'alal ta Babilonia. Ja'ic me te mamaletic te cuxulic to tey a, soc te sacerdoteetic, te j'alwanejetic soc te ants-winiquetic te la yic' loq'uel ta Jerusalén te Nabucodonosor, te ba yac'bey slumalinic Babilonia.

Bible in Tzeltal Bachajón

¹ Hich ya yal te carta la sticon bahel te jalwanej Jeremías c'alal ta Jerusalén ta stojol te mamaletic te cuxulic to te ayic ta yohlil te mach'atic ic'otic bahel ta chuquel, soc te sacerdotehetic, jalwanejetic soc spisil te pueblo te ic'otic bahel yu'un Nabucodonosor ta Babilonia.

Jeremías 29:1 Referans Kwoze

Ester 9:20

Te Mardoqueo la sts'ibuy ta jun te bila c'ot ta pasele, soc la sticunbey carta te judioetic nainemic ta pamalpam q'uinal swentainej te muc' ajwalil Asuero, te c'ubul ayic soc te nopol ayique.

Hebreos 13:22

Quermanotac, ya calbeyex wocol te yacuc sts'ijc' awu'unic te bila la calbeyex tel cha'oxp'aluc ta swenta atac'uyelic.

Hechos 15:23

Jich ac'bot yich'ic bael te carta te jich ts'ibubile: “Quermanotac, jo'otic te jpuc-c'opotic soc te ancianoetic soc te quermanotactic, ya spatbeyex awo'tanic, ja'ex te jyanlumex te ayex ta Antioquía ta sq'uinal Siria, soc te ayex ta sq'uinal Cilicia.

2 Corintios 7:8

Manchuc teme la caq'uex ta mel-o'tan ta swenta te carta la jpasbeyexe, ja'uc me to, ma ba ya jmel co'tan yu'un ta ora to. Manchuc teme la jmel co'tan yu'un ta neelale, yu'un la quil te la yaq'uex ta mel-o'tan che'oxebuc c'aal te jcartae.

Jeremías 28:4

Soc ya cac' sujt'el tel li' ta lum to te Jeconías snich'an Joacim, te muc' ajwalil yu'un Judá, soc te yantic ants-winiquetic te loq'uic bael ta Judá te ic'otic bael ta mosoil ta Babilonia. Jo'on Ajwalilon, jich ya cal”, xi' ta yalel te Cajwaltique —xi' te Hananías.

Gálatas 6:11

Ilawil, quermanotac, jo'on la jts'ibubeyex jtuquel te buen muc'ul letraetic ya awilic li'to ta cartae.

2 Reyes 24:12

Te Joaquín muc' ajwalil yu'un Judá, te sme', te abatetic yu'un, te jwentainwanejetic yu'un, soc te winiquetic jun yo'tan sba soque, spisilic la yac' sbaic ta sc'ab te muc' ajwalil yu'un Babilonia. Ac'otic ochel ta chuquel yu'un ta ora, waxaquebix ja'wil yat'el ta muc' ajwalil a te Nabucodonosor te jich c'ot ta pasele.

2 Crónicas 36:10

Ta yorail ya xjajch' ta najt'ubel te c'aal yu'un a te ja'wile, te muc' ajwalil Nabucodonosor la sticun ta iq'uel bael ta Babilonia, soc te biluquetic te mero bayal sc'oplalic ta templo yu'un Cajwaltic, soc la yac' sjelolin xan jilel ta muc' ajwalil ta Judá soc ta Jerusalén te Sedequías, ja' stajun te Joaquín.

Jeremías 28:17

Te j'alwanej Hananías laj ta sjuquebal u a te ja'wil te c'opoje.

Jeremías 29:8

Jo'on Ajwalilon te Spisil ya xju' cu'une, te Dioson yu'un Israel, ya jultesbeyex awo'tanic: Ma me xawac' abaic ta lo'layel yu'un te lotil j'alwanejetic soc te mach'atic ay bila ya sna'ic yalel te ayic ta awolilique; ma x'awich'beyic ta muc' te ay swaichique.

Jeremías 29:20

Ch'uunbonic te jc'ope, apisilic te la jloq'uesex ta Jerusalén te ic'otex bael cu'un ta Babilonia.)

Jeremías 51:61

Jich la yalbey te Seraías: —C'alal ya xc'oat ta Babilonia, p'ijan me ta yilel spisil te jun soc albeya ta xchiquinic te jlumaltique.