Jeremías 28:8 - Bible in Tzeltal de Oxchuc y Tenejapa

⁸ Te mach'atic neel j'alwanejetic cu'untic ta namey, te c'alal ma to x'ayinotic a, la yalbeyic sc'oplal guerra, woclajel soc chamel te ya xmilawane ta stojol bayal ta jchajp nacionetic soc tulanil ajwaliletic.

Bible in Tzeltal Bachajón

⁸ Te jalwanejetic te nahil c'axic cu'untic ta namey la yalic ta sc'op-jalwanej sc'oblal guerra, wocol soc jmilawal-chamel ta stojol bayel ta chahp nacionetic soc muc'ul ajwaliletic.

Jeremías 28:8 Referans Kwoze

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

Amós 1:2

Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Isaías 13:18

Ta yat'ejibal st'imic ya slimanic ta lum te queremetique. Ma sna'beyic yo'bolil sbaic te mach'atic ayinelic toe, mero ma'yuc xc'uxul yo'tanic ta stojol te alaletique.

1 Reyes 22:17

Te Micaías jich la yal: —Quiloj ta spisil te israeletique pujq'uemic bael ta witstiquil, jich te bit'il chijetic te ma'yuc jcanan yu'unique. Jich yaloj te Cajwaltic: “Ma'yuc yajwalic, ta juju-jtul lamal yo'tan ac'a sujt'uc bael ta sna”, xi' te Cajwaltique —xi'.

Isaías 13:1

J'alwanej c'op ta stojol Babilonia te ac'bot sna' stojol te j'alwanej Isaías snich'an Amoz:

Amós 1:1

Ja' sc'op te Amós, te jcanan-chij ta lum Tecoa, te ac'bot ta swenta yalel yu'un Dios te sc'oplal Israel. Cheb ja'wil sc'an xtal nijq'uel a, ta yorail Uzías te muc' ajwalil ta Judá, soc Jeroboam snich'an Joás te muc' ajwalil ta Israel.

Jonás 3:1

Te Cajwaltic la xcha'c'opon xan swenta xchebal buelta te Jonás, jich la yalbey: