Jeremías 28:6 - Bible in Tzeltal de Oxchuc y Tenejapa

⁶ —Ja' lec jichuc ya spas te Cajwaltique. Ayuc laj bit'il ya xc'ot ta pasel yu'un Cajwaltic te bila la awale, te ya sujt' tel sbiluquil te templo, soc te ya sujt' loq'uel ta Babilonia spisilic te mach'atic yantesbil slumalic tey a.

Bible in Tzeltal Bachajón

⁶ ¡Hichuc, ac'a spas te Jehová! Ac'a sc'ohtes ta pasel Jehová te bin la awal ta sc'op-jalwanej, te ya suht tal ta lugar ini te bintic ya xtuhun ta sna Jehová soc spisil mach'atic ic'otic bahel ta Babilonia.

Jeremías 28:6 Referans Kwoze

Salmos 41:13

Te Cajwaltic, te Dios yu'un Israel, jelawen yutsil sc'oplal ta ora to soc ta sbajt'el q'uinal. Jichuc.

1 Reyes 1:36

Te Benaía snich'an Joiada la sjac'bey te sc'op te muc' ajwalil: —Jichuc, jich ac'a spas mandal te Cajwaltic te Dios awu'une.

Jeremías 11:5

Teme ya awich'onic ta muq'ue, ya jc'otes ta pasel te bi la calbey ta jamal te antiguo ame'-atatique, ya cac'beyex aq'uinalinic jsejp q'uinal, ja' me te awich'ojic ta ora to te ja'exe, te bay ya x'oquin te leche soc chab c'oem”, xoon ta stojolic —la yuton. La jac'bey te sc'ope: —Melel, Cajwal —la cut.

Apocalipsis 19:4

Te chaneb xcha'winic (24) ta jtul mamaletic soc te chancojt' bitic cuxajtique la slajin sbaic ta stojol Dios te nacal ta smuc'ul nactijibe. Jich la yalic: “Jichuc ac'a c'otuc ta pasel. ¡Ay yutsilal!”, xiic.

Apocalipsis 5:14

Te chancojt' bitic cuxajtique jich la yalic uuc: “Jichuc”, xiic. Te chaneb xcha'winic (24) mamaletique la squejan sbaic ta stojol te mach'a stalel cuxul sbajt'el q'uinale.

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

2 Corintios 1:20

Ja'uc me to, ta swenta Cristo ya xju' ta pasel spisil te bila yaloj te Diose. Ja' swentail te “Jichuc”, xootic ta swenta Cristo Jesús te c'alal ya calbeytic wocol te Diose.

1 Corintios 14:16

Teme ya awalbey wocol Dios soc te ach'ulele, te mach'a jich to nax aye, ¿bit'il ya xju' ya yal “Jichuc”, teme ma sna' te bila ya awal wocol yu'une?

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Jeremías 28:3

Ta cheb ja'wil ya jpas te ya sujt' tel ta templo spisil sbiluquil te la yich' bael ta Babilonia te muc' ajwalil Nabucodonosor.

Jeremías 18:20

¿Ja' bal ya sujt'esbonic ta amen te bila leque? Ja'ic la sjoc'boniquix jmuquenal c'oem. Na'a me te la jc'oponat yu'unique, ja' la jc'oponat yu'un te xc'uxtayelique, la jc'anbat te ya aq'uej bael ta stojolic te awilimbae.

Jeremías 17:16

Ja'uc me to, ma'yuc bay cac'oj puersa ta sc'anel te ya aticun tel tulan wocol; ma'yuc bay sc'anoj co'tan te ay bila chujc'ul ya xtal ta stojolique. Ja'at ya ana' ta lec te bila caloje, melel jich la cal ta atojol.

Salmos 106:48

Bin nax me yutsil stuquel te Dios yu'un Israel ta spisil bael ta sbajt'el q'uinal. Spisiluc me ac'a yalic: “Jichuc”, xiuquic me. ¡Bin nax me yutsil te Cajwaltique!

Salmos 89:52

Bayaluc me yutsil sc'oplal sbajt'el q'uinal te Cajwaltique. Jichuc.

Salmos 72:19

Bayal me yutsil te Dios te ay yip yu'el xojobil sbajt'el q'uinal te sbiile. Ac'a nojuc ta yip yu'el xojobil spamal te lumq'uinale. Jich ac'a c'otuc ta pasel.

1 Crónicas 16:36

Bin nax yutsil te Cajwaltic te Dios cu'untic te israelotique, bin nax yutsil ta sbajt'el q'uinal”,xi' ta c'ayoj te David. Ta spisil lum la sjaq'uic: “Jichuc”, xiic, soc la yalbeyic wocol ta stojol te Cajwaltique.

Números 5:22

Ja' me castigo te jich ya spasbat te ya awuch' te ja' swenta castigo’, xi' me. Te antse ac'a me sjac' te c'ope: ‘Jichuc ac'a c'otuc ta pasel’, xiuc me.

Zacarías 6:10

—Tsoba loq'uel oro soc plata te ya yac' te mach'atic sujt'emiquix tel ta Babilonia te banti ic'otic baele, ja'ic te Heldai, Tobías soc Jedaías. Soc ja' nix sc'aalelal a, baan ta sna Josías snich'an Sofonías.